Lenove K6 Enjoy لينوفو بتقولك استمتع مواصفات وسعر
شركة لينوفو بقالها فترة مبتعدة عن المنافسة الشرسة فى سوق الموبايلات وده بسبب ان أجهزتها مقدرتش تواكب التطور السريع و الشركة حاولت انها ترجع تانى بانها تنتج موبايلات جديدة بتحتوى على المواصفات الجديدة اللى بقت منتشرة فى الموبايلات المنافسة و نقدر نقول ان الشركة مشيت على الطريق الصح وموبايل النهاردة برضه بيقدم امكانيات متميزه و أكيد لازم نتكلم عن عيوبه وعن مواصفاته كاملة
Descriptions
Lenovo K6 Enjoy
شركة لينوفو بقالها فترة مبتعدة عن المنافسة الشرسة فى سوق الموبايلات وده بسبب ان أجهزتها مقدرتش تواكب التطور السريع و الشركة حاولت انها ترجع تانى بانها تنتج موبايلات جديدة بتحتوى على المواصفات الجديدة اللى بقت منتشرة فى الموبايلات المنافسة ومن أول موبايل Lenovo Z5 Pro نقدر نقول ان الشركة مشيت على الطريق الصح وموبايل النهاردة برضه بيقدم امكانيات متميزه و أكيد لازم نتكلم عن عيوبه وعن مواصفاته كاملة
مواصفات الموبايل
التصميم حلو جدا وجديد ان لينوفو تقدم النوتش الصغيرة Water Drop Notch
الشاشة حجمها 6.22 انش من نوع IPS LCD بدقة 720x1520 بيكسل بكثافة 270 بيكسل لكل انش
وزن الموبايل 161 جرام وبيدعم تركيب شريحتين اتصال أو شريحة واحدة وكارت ميمورى مكان الشريحة التانية
ألوان الموبايل المعروف منها لحد دلوقتى الأسود و الأزرق
الكاميرا الخلفية ثلاثية الأولى 12 ميجا بيكسل و التانية 8 ميجا بيكسل و التالتة مقياس عمق 5 ميجا بيكسل و الكاميرات مزودة بفلاش ليد ثنائى و بتدعم HDR و Panorama وبتصور فيديو بجودة 1080p
الكاميرا الأمامية 8 ميجا بيكسل بفتحة عدسة F2.2 وبتدعم HDR و بتصور فيديو بجودة 1080p
المعالج بيكون Mediatek Helio P22 و المعالج الرسومى PowerVR GE8320
اما الرامات فبتكون 4 جيجا بايت معا نسختين من الذاكرة الداخلية النسخة الأولى 64 جيجا بايت و النسخة التانية 128 جيجا بايت معا امكانية اضافة كارت ميمورى لحد 256 جيجا بايت
اصدار الأندرويد Android Pie 9.0
البطارية سعتها 3300 ميللى أمبير وبتدعم الشحن السريع بقدرة 10W ومنفذ الشحن USB Type C
سعر الموبايل تقريبا 205 دولار يعنى حوالى 3500 جنيه
مميزات الموبايل
. يدعم تركيب كارت ميمورى ويدعم منفذ سماعات 3.5 ميللى
. بييجى بمستشعر بصمة فى الضهر
. البطارية بتدعم الشحن السريع ونفذ الشحن USB Type C
العيوب
. لا يمكن استخدام كارت الميمورى معا الشريحتين فى نفس الوقت
. جودة الشاشة ضعيفة الى حد ما
. الكاميرا السيلفى أدائها متواضع
بس بغض النظر عن العيوب الصغيرة اللى فى الموبايل الا انه موبايل كويس جدا وماصفاته محترمه وبالنسبة لسعره يعتبر كويس جدا وعلى ذكر كلمة Enjoy شركة هواوى برضه رفعت شعار استمتع معا موبايلين اتكلمنا عنهم وهما Huawei Enjoy 9s و Huawei Enjoy 9e