Lenovo Z5 Pro مواصفات سعر الموبايل صاحب أكبر شاشة فى العالم
Lenovo Z5 Pro أول موبايل فى العالم ب Screen to Body Ratio حوالى 95% وهيا نسبة استحواذ الشاشة لحجم الموبايل وبكده تبقى أكبر شاشة فيه العالم والنهاردة هنتكلم عن كل مميزات وعيوب الموبايل عشان لو بتفكر تشترى الموبايل ما تتخدعش بكم الممميزات الموجودة ومتاخدش بالك من العيوب واللى مش هتظهر غير فى الاستخدام
Descriptions
Lenovo Z5 Pro أول موبايل فى العالم ب Screen to Body Ratio حوالى 95% وهيا نسبة استحواذ الشاشة لحجم الموبايل وبكده تبقى أكبر شاشة فيه العالم والنهاردة هنتكلم عن كل مميزات وعيوب الموبايل عشان لو بتفكر تشترى الموبايل ما تتخدعش بكم الممميزات الموجودة ومتاخدش بالك من العيوب واللى مش هتظهر غير فى الاستخدام
شاشة الموبايل بتيجى بحجم 6.4 انش من نوع Super Amoled و بدقة 2340X1080 بيكسل بكثافة 403 بيكسل لكل انش وبتيجى بشكل جميل وبحجم رهيب جدا وتعتبر أكتر حاجة بتميز الموبايل ده وألوانها حلوة و السطوع فيها عالى وكمان عدم وجود نوتش مش واخد اى مساحة من الشاشة و فيه Slider بيحتوى على الكاميرا الامامية و السماعات و التريند ده مش موجود فى موبايلات كتير تقريبا كده فى Xiaomi Mi Mix 3 و Honor Magic 2
وطبعا نسبة الشاشة من حجم الموبايل واللى تعتبر اعلى نسبة فى العالم 95% ومفيش موبايل قريب منها غير ال Oppo Find X واللى وصل ل 93.5%
البصمة تحت الشاشة ديه برضه ميزة حلوة ومش موجودة فى موبايلات كتيروقليل أوى لما نلاقيها فى موبايل بالسعر ده واللى تقريبا هيكون بحوالى 6500 جنيه مصرى
ده غير طبعا المواصفات الداخلية والاداء العالى اللى بيقدمهم الجهاز واللى هيكون جاى
بمعالج Snapdargon 710 وده طبعا معالج كويس جدا اكيد مش أحسن معالج ولكن برضه معالج قوى ومحترم وكمان معالج رسومى Adreno 616
ورامات 6 جيجا بايت و نسختين من الذاكرة الداخلية
النسخة الاولى 64 جيجا بايت و التانية 128 جيجا بايت
وبطارية بسعة 3350 ميللى أمبير بتدعم الشحن السريع وكمان USB Type C
وسماعات Stereo بجودة صوت عالية
وكاميرا أمامية مزدوجة محطوطة جوا ال Pop Up Slider
الكاميرا الاولى 16 ميجا بيكسل بفتحة عدسة F2.2 والكاميرا الاضافية 5 ميجا بيكسل
وكاميرا خلفية مزدوجة واحدة 16 ميجا بيكسل بفتحة عدسة F1.8
وكاميرا تانية 24 ميجا بيكسل والكاميرا بتصور فيديو لحد 2160p
طبعا بعد المواصفات الرهيبة دى والمميزات الكتيرة زى السلايدر والبصمة اللى فى الشاشة وحجم الشاشة الرهيب و المواصفات الداخلية وكمان البطارية اللى بتشحن بUSB TYPE C والكاميرات الرهيبة الامامية و الخلفية المزدوجة أكيد هنقتنع ان الموبايل رهيب جدا وبيقدم مميزات كتيرولازم نشتريه بس لسه فيه حاجة متكلمناش عليها واللى ممكن تغير وجهة نظرنا للموبايل ده وهيا العيوب الكتيرة اللى مش هتبان غير بعد الاستخدام واللى كانت كالأتى
التصميم مش مريح خالص و سمكه كبير جدا يعنى تقريبا أكبرموبايل بسلايدر ممكن تشوفه وكمان من البلاستيك يعنى خاماته بصراحة ضعيفة
وكمان هتحس ان السلايدر بتطلع و تنزل أو بتتهز فى ايدك ومش ثابتة وبتديك احساس ان الشاشة مش ملحومة كويس فى الجهاز وهتحس ان فيه حاجة غلط وممكن وانا بتطلع او تنزل السلايدر هتحس ان فيه حاجة بتتكسر وده بسبب ان مفيش سلاسة فى حركة السلايدر نفسه ومش هتحب انك تحركه كتير وهتخاف انها تعلق او تنزل لوحدها مثلا يعنى بصراحة الفكرة حلوة بس مش معمولة كويس ونسيبنا من الشاشة شوية ونروح لتجربة الصوت
سماعات ستيريو وصوتها حلوة بس مش هتستمع بيها غير لما تطلع السلايدر لأن السماعات مقسومة سماعات تحت فى أسفل الموبايل وسماعات فوق فى السلايدر والمشكلة ان اللى فوق واللى هتبقى على طول مكتومة لو انتا قافل السلايدر هيا السماعات الأعلى واللى تعتبر حاجة غريبة جدا والمفروض العكس ان السماعات اللى تحت هيا الأقوى واللى فوق بتبقى مساعدة بس فبكده لازم تبقى فاتح السلايدر اللى هوا أساسا مش مريح
و الغريب كمان ان مفيش تطبيق Music Player نازل معا الموبايل وده حاجة غريبة فى النظام بتاع السوفت وير لكن هنتكلم عليه بعدين عشان هوا مشكلة لوحده نرجع بقا لمشكلة الصوت واللى طبعا هتلاقى ان فيه فرق شاسع لما تشغل اغنية و السلايدر المقفول غير لما تفتح السلايدر وغير ارخم حاجة فى الصوت انك لو عايز تتكلم فى التليفون لازم تفتح السلايدر وتحطه على ودنك وده بصراحة حاجة رخمة جدا وهتحسسك ان الموبايل قديم زى موبايلات زمان
السوفت وير بتاع الموبايل جاى بأندرويد أوريو 8 بس بواجهة نظام غبية جدا وهيا ZUI واللى تقريبا تعتبرارخم واجهة نظام هتشوفها عشان هيا تقيلة جدا و الSwipes فيها غريبة والتعامل معاها صعب خصوصا ان الشاشة من تحت كلها Back أو رجوع فمش هتعرف تتعامل معاها بسهولة وعشان تفتح التطبيقات المفتوحة لازم تفتح من الجنب فى مكان معين فى الشاشة لا فوقه ولا تحته وبتعلق معاك كتير
كمان ال Notification Light أو لمبة الاشعارات مكانها غريب جدا وممكن متاخدش بالك منها خصوصا انها تحت الموبايل جنب السماعات اللى تحت ومش هتفيدك بحاجة تقريبا وممكن متاخدش بالك منها لما تيجى تشحن الموبايل غير لو بصيت تحت الموبايل
و الكاميرات بصراحة مش حلوة اوى رغم المواصفات المكتوبة عنها الا انها فى الاستخدام مش كويسة وفيه كاميرات كتير احسن منها و أرخص منها وكمان فى وضع Best واللى المفروض يديك أحسن صورة الا انه محتاج تطوير كبير وكمان الPotrait فى الكاميرا الامامية واللى المفروض يبقى موجود بسبب الكاميرا ال Dual لكن الغريب ان فى التصوير مش ظاهر خالص ومفيش اى عزل وبتظهر زى أى صورة عادية
وبصراحة مش عايزين نظلم الموبايل هوا فيه مواصفات تانية كتير كويسة زى الFace Unlock اللى بيفتح بسرعة و البصمة اللى تحت الشاشة واللى شغالة كويس جدا وطبعا الشاشة الكبيرة بس برضه كان لازم نتكلم عن العيوب ديه كلها عشان محدش يتسرع ويشتريه الموبايل ويتصدم وبصراحة الكلام اللى على الورق غير التجربة خالص