و مقارنة معا Huawei Enjoy 9e مواصفات وسعرHuawei Enjoy 9s

Not allow reviews
شركة هواوى قدمت موبايلين لحد دلوقتى تحت اسم Enjoy واتكلمنا عن Enjoy 9s قبل كده وشرحنا كل مميزاته بس المرادى هنقدر نتكلم عن الموبايل ده على انه موبايل جديد ولا هوا مجرد تكرار وخلاص لنفس الموبايل عشان كده لازم الأول نوضح كل مواصفاته ومميزاته وعيوبه ونشوف هل فعلا يستحق ولا لأ

Descriptions



Huawei Enjoy 9e هل يستحق نشتريه ولا هوا نسخة تانية من Enjoy 9s
شركة هواوى قدمت موبايلين لحد دلوقتى تحت اسم Enjoy واتكلمنا عن Enjoy 9s قبل كده وشرحنا كل مميزاته بس المرادى هنقدر نتكلم عن الموبايل ده على انه موبايل جديد ولا هوا مجرد تكرار وخلاص لنفس الموبايل عشان كده لازم الأول نوضح كل مواصفاته ومميزاته وعيوبه ونشوف هل فعلا يستحق ولا لأ

مبدأيا شكل الموبايل قريب من Enjoy 9s ما عدا شوية اختلافات بسيطة و تقريبا نفس الوزن و ونفس خامات التصنيع من البلاستيك لكن الفرق هنا هيبدأ من الشاشة
الشاشة حجمها 6.1 انش من نوع  IPS LCD بدقة 720x1560 بيكسل بكثافة 283 بيكسل لكل انش وطبعا النوتش ال Water Drop موجودة وفيها الكاميرا الأمامية
برضه الموبايل بيدعم تركيب شريحتين اتصال وتركيب كارت ميمورى ولكن فى مكان منفصل خاص بيه عكس Enjoy 9s اللى بيستخدم مكان الشريحة التانية
اصدار أندرويد للموبايل بيكون Android Pie 9.0 بواجهة EMUI 9

بالنسبة للكاميرات هنلاقى ان الكاميرا الخلفية واحدة بس 13 ميجا بيكسل بفتحة عدسة F1.8 بتدعم HDR وبتصور فيديو بجودة 1080p
الكاميرا السيلفى برضه كاميرا واحدة 8 ميجا بيكسل بفتحة عدسة F2.0 مزودة بفلاش أمامى و بتصور فيديو بجودة 1080p

نروح للمواصفات الداخلية
المعالج من نوع Mediatek Helio P35 و المعالج الرسومى PowerVR GE8320 
الرامات 3 جيجا بايت معا نسختين من الذاكرة الداخلية النسخة الأولى 32 جيجابايت و النسخة التانية 64 جيجابايت طبعا معا امكانية اضافة كارت ميمورى فى منفذ منفصل
سعة البطارية 3020 ميللى أمبير مبتدعمش الشحن السريع ومنفذ الشحن Micro USB 2.0

مميزات الموبايل 
. وجود مستشعر بصمة فى الضهر 
. استخدام شريحتين اتصال معا كارت ميمورى فى نفس الوقت
. يدعم FM Radio و منفذ سماعات 3.5 ميللى

عيوبه
. الكاميرا الأمامية والخلفية دقتها ضعيفة جدا على عكس موبايلات كتير
. المعالج قديم ومش قوى و المعالج الرسومى هيكون مشكلة فى الألعاب التقيلة
. عدم وجود امكانية الشحن السريع ومنفذ الشحن مش Type C

بكده نقدر نقول ان الموبايل يعتبر اصدار أقل من Enjoy 9s ومختلف عنه بصورة كبيرة مش مجرد نسخ ليه و هيا ديه النقط اللى بيختلف فيها Enjoy 9e عن Enjoy 9s
. حجم الشاشة هنا أقل من Huawei Enjoy 9s وكمان الدقة أقل
. الكاميرا الخلفية واحدة بس على عكس الكاميرا الثلاثية فى Enjoy 9s
.المعالج من نوع Mediatek Helio P35 مختلف تماما عن Kirin 710 كمان المعالج الرسومى مختلف ويعتبر أضعف من معالج Mali-G51 MP4 اللى فى Enjoy 9s
. الرامات هنا 3 جيجا بايت معا نسخة ذاكرة داخلية 32 جيجا بايت و64 جيجا بايت عكس Enjoy 9s اللى بتبقى الرامات فيه 4 جيجا بايت و الذاكرة الداخلية 64 و 128 جيجا بايت
. أخر اختلاف هوا البطارية اللى بتكون سعتها 3020 مييلى أمبير ومبتدعمش الشحن السريع في Huawei Enjoy 9e على عكس Enjoy 9s اللى فيه البطارية 3400 ميللى أمبير و بتدعم الشحن السريع 

أخر حاجة هيا سعر الموبايل واللى هيكون حوالى 150 دولار يعنى حوالى 2600 جنيه مصرى وده طبعا أقل بكتير من Enjoy 9s اللى سعره بيكون حوالى 4000 جنيه ويمكن ديه النقطة الوحيدة اللى تخلى الجهاز ده معقول بكل الفروق فى الامكانيات ديه وعلى الرغم من Enjoy 9s بيقدم مواصفات عالية وقوية جدا بالنسبة ل Enjoy 9e الا اننا نقدر نقول ان بفرق السعر ده يبقى مفيش مشكلة معا الامكانيات و الموبايل فعلا ليه قيمته ومش مجرد نسخة تانية ولكن بالسعر ده ممكن نرشح موبايل أفضل بيقدم امكانيات أعلى زى Honor 8C معا فرق بسيط فى السعر

Similar Products

3348409665682408273