Infinx Hot 7 أجدد موبايل من انفينيكس
شركة انفينيكس أعلنت عن نزول الموبايل الجديد هوت 7 واللى يعتبر أحدث موبايل من الشركة لحد دلوقتى و من الفئة الاقتصادية وده واضح فى مواصفاته اللى مش وحشة ولكنها فى نفس الوقت مش عالية وعشان نوضح لكم هل يستحق ولا لأ لازم نتكلم عن مواصفاته ومميزاته و عيوبه
مواصفات الموبايل
الشاشة 6.2 انش من نوع IPS LCD بدقة 720x1440 بيكسل بكثافة 260 بيكسل لكل انش وفيها نوتش كبيرة
ألوان الموبايل جميلة بصراحة ومختلفة زى الأزرق و الذهبى و البنفسجى و الأسود
الموبايل مصنوع من البلاستيك المتين ولكن طبعا شكله مش غالى وكان أحسن لو كان من الزجاج وسعره يزيد 200 جنيه مثلا
الموبايل بيدعم تركيب شريحتين اتصال فى نفس الوقت
الكاميرا الخلفية 13 ميجا بيكسل معا كاميرا اضافية 2 ميجا بيكسل لخاصية العزل معا فلاش مزدوج وبتدعم خاصية HDR و بتصور فيديو بجودة 1080p
الكاميرا السيلفى 8 ميجا بيكسل بفلاش أحادى LED
المعالج بيكون من نوع Mediatek MT6580 و المعالج الرسومى نوعه ARM Mali-400 MP2 و الذاكرة الداخلية 32 جيجا بايت معا امكانية تركيب كارت ميمورى لحد 128 جيجا بايت فى منفذ منفصل و الرامات بتكون 2 جيجا بايت أو نسخة تانية 1 جيجا بايت
سعة البطارية 4000 ميللى أمبير ومبتدعمش الشحن السريع ومنفذ الشحن Micro USB
اصدار الاندرويد Android 8.1 Oreo Go Edition
سعر الموبايل حوالى 115 دولار أى ما يعادل 2000 جنيه مصرى
مميزات الموبايل
. البطارية سعتها كبيرة وهتكفى اكتر من يوم
. يدعم تركيب شريحتين اتصال و كارت ميمورى فى نفس الوقت
. يدعم مستشعر بصمة فى ضهر الجهاز
. يدعم راديو FM و منفذ سماعات 3.5 ميللى
. سعره رخيص
عيوب الموبايل
. لا يدعم شبكات 4G
. مصنوع من البلاستيك
. مواصفاته ضعيفة جدا مقارنة بالمنافسين خصوصا المعالج اللى يعتبر قديم جدا
. مبيدعمش الشحن السريع و ال USB مش Type C
من وجهة نظرنا وبصراحة ان الموبايل مش وحش بالسعر ده بس فيه منافسين أقوى وبيقدمو مميزات أحسن زى Realme C1 اللى بنفس سعره تقريبا و شايفين ان Infinix لازم تاخد خطوة أحسن وتقدم موبايل يواكب التطور