Realme C1 الرخيص تمنه فيه مواصفات وسعر

Not allow reviews
لو بتفكر تشترى موبايل مش غالى أوى وبتدور على امكانيات كويسة من غير ما تروح لموبايلات تعدى 3000 جنيه مافيش قدامك غير الموبايل ده مش بس عشان هوا رخيص لكن ريلمى لما عملته تقريبا نسيت انه فئة اقتصادية وحطت فيه مواصفات عالية طبعا مش معنى كده انه أعلى حاجة ومفيهوش عيوب لأ طبعا بس هوا ممبزاته كتير جدا لدرجة ان عيوبه مش هيبقى ليها لزمة و النهاردة هنتكلم عن كل المميزات و العيوب ديه

Descriptions


Realme C1 تقريبا أرخص موبايل كويس ممكن تشتريه

لو بتفكر تشترى موبايل مش غالى أوى وبتدور على امكانيات كويسة من غير ما تروح لموبايلات تعدى 3000 جنيه مافيش قدامك غير الموبايل ده مش بس عشان هوا رخيص لكن ريلمى لما عملته تقريبا نسيت انه فئة اقتصادية وحطت فيه مواصفات عالية طبعا مش معنى كده انه أعلى حاجة ومفيهوش عيوب لأ طبعا بس هوا مميزاته كتير جدا لدرجة ان عيوبه مش هيبقى ليها لزمة و النهاردة هنتكلم عن كل المميزات و العيوب ديه

الموبايل شكله لذيذ جدا وتصميمه حلو رغم انه من البلاستيك بس مش مشكلة كبيرة كده كده السعر مش Premuim فصعب تلاقى خامات Premuim 
الشاشة حجمها 6.2 انش من نوع IPS وبدقة 720X1520 بيكسل وكثافة بيكسلات 271 بيكسل
والمميز فيها ان دايما شاشات أوببو (الشركة اللى ريلمى تابعة ليها) بتكون جودتها حلوة حتى لو مش Amoled و فيه نوتش حجمها متوسط مش كبير أوى 

الكاميرا الخلفية مزدوجة الأولى 13 ميجا بيكسل وبفتحة عدسة F2.2 و الكاميرا التانية 2ميجا بيكسل بفتحة عدسة F2.4 بتشتغل Depth Sensor وبصراحة الكاميرا هنا حلوة وتفاصيلها كويسة جدا والعزل هنا كويس جدا وصعب تلاقيه فى أى موبايل بالسعر ده ونفس الكلام فى الليل بس طبعا مش أعلى صورة 
الكاميرا الأمامية 5 ميجا بيكسل بفتحة عدسة F2.2 ومزودة بخاصية ال HDR زى الكاميرا الخلفية 

أداء الموبايل يعتبر مفاجأة خصوصا انه بييجى بمعالج Snapdragon450 ومعالج رسومى Adreno506  ورغم ان المعالج مش قوى أوى ولكن ممكن يشغل لعبة ببجى مثلا على اعدادات متوسطة ومش هيهنج معاك كتير
الرامات بتبقى 2 جيجا وذاكرة داخلية 16 جيجا بايت ونسخة تانية 3 جيجا رامات وذاكرة داخلية 32 جيجا بايت 
البطارية سعتها خرافية بمعنى الكلمة 4230 ميللى أمبير وبصراحة عمرك ما هتلاقى فى السعر ده موبايل بالبطارية ديه ولكنها طبعا مبتدعمش الشحن السريع 

وبكده نقدر نختصر عيوب الموبايل فى 3 نقط هما المعالج مش عالى أوى و الذاكرة الداخلية قليلة شوية ومفيش شحن سريع وبصراحة العيوب ديه كلها مش عيوب ولكن نقدر نقول انها ميزات مش موجودة عشان الموبايل مميزاته كتير وتقدر تغني عن العيوب ديه زى مثلا ان المعالج زى ما قلنا مش هيسبب مشكلة فى الاستخدام خالص وممكن يشغل ألعاب تقيلة عادى وكمان واجهة النظام ColorOS 5.2 نفس الموجودة فى أوببو بالظبط هتخلى الموبايل سلس وسريع 

وكمان الموبايل بيدعم تركيب كارت ميمورى وده ممكن يحل مشكلة الذاكرة فى نسخة ال 16 جيجا بايت وطبعا الشحن السريع صعب جدا ونادر انك تلاقى الخاصية ديه فى موبايل بالسعر ده واللى هيكون 2200 جنيه بس و دى أخر ميزة فى الموبايل و أكبر ميزة فيه 

Similar Products

3213094278943758967