Honor 8C مواصفات وسعر
موبايل Honor الجديد من الفئة الاقتصادية ال Honor 8C موبايل الامكانيات العالية والسعر المعقول ولكن هل الكلام ده حقيقة وفعلا هيدى امكانيات عالية بالنسبة لسعره ده اللى هنعرفه فى موضوع النهاردة
مبدئيا كده كل الشركات ابتدت تركز فى الفئات الاقتصادية اللى هيا اقل من 3000 جنيه ولقينا Huawei مثلا منزل Y7 Prime 2019 واللى اتكلمنا عنه قبل كده ودلوقتى Honor واللى هيا اساسا كانت تابعة ل Huawei بس انفصلت لقيناها نزلت موبايل جديد ال Honor 8C وهوا موبايل من الفئة الاقتصادية و بيديك امكانيات عالية بالنسبة لسعره وعشان نتأكد من كده لازم نتكلم عن الموبايل بالتفصيل
Descriptions
واللون الاساسى منه هوا الازرق الغامق ومعاه الوان تانية زى الاسود والدهبى و كمان ال Design ممتاز جدا وبيفكرنا بال Honor 8X و ال Honor 10 Lite اما من قدام هنلاقى الشاشة بحجم 6.2 بوصة او تقريبا 6.3 بوصة بدقة HD وده طبيعى فى فئته السعرية ان الشاشة متكونش Full HD ولكن الشاشة هنا كويسة وتوليد الالوان كويس الى حد ما والشاشة هنا بتيجى بنوتش كبيرة عكس الY7 Prime 2019 اللى بييجى ب Water Drop Notch فا مش هتدينا نسبة حجم شاشة زى Y7 Prime ولكن تظل النسبة ممتازة جدا بالنسبة للفئة السعرية دى وكمان حواف الشاشة من فوق رفيعة وحواف الشاشة من تحت الى حدا ما رفيعة برضه
اما بالنسبة للمواصفات الداخلية و الاداء
تقريبا ال Honor 8C اول موبايل ينزل بمعالج Snapdragon 632 وهوا تقريبا قريب من Snapdragon 625 وأعلى من Snapdragon 450 اللى بييجى فى ال Y9 والمعالج ده هيديك اداء ممتاز بصراحة وهتقدر تفتح البرامج اللى هيا زى ال Facebook و الواتساب وغيرهم بدون اى مشاكل وبأريحية ولكن لما جربنا لعبة تقيلة زى Pubg لقينا انها بتشتغل بصورة احسن من ال Y7 Prime 2019 واللى كان بيشغل اللعبة على أقل اعدادات هنا برضه هتشتغل بأقل اعدادات ولكن بسلاسة اكتر وده يدل على ان المعالج هنا قوى وكمان الموبايل بييجى برامات 3 جيجا و زاكرة داخلية بسعة 32 جيجا بايت ودى الى حد ما سعة رامات وسعة زاكرة ممتازة جدا وكمان ممكن تزود Memory Card اضافية بجانب الشريحتين لو ال 32 جيجا بايت مساحة مش كفاية
والكاميرات
الموبايل جاى بكاميرتين خلفيتين الاولى اساسية بدقة 13 ميجا بيكسل والتانية بدقة ميجا بيكسل لخاصية العزل والكاميرا الاساسية جاية بفتحة عدسة 1.8 ودى بتدينا اداء كويس جدا فى الليل او لو المكان مضلم شوية و الكلام ده على الورق ولكن فى التجربة الحقيقية الكاميرا بتقدم اداء عالى فى النهار بس فى الليل بتجد صعوبة شوية فى ال Focus وممكن تعمل Noise شوية فى الصورة يعنى بصراحة اداء عالى فى النهار ولكن فى الليل الموضوع مختلف
اما الكاميرا السيلفى 8 ميجا بيكسل عكس ال Y7 Prime 2019واللى كانت 16 ميجا بيكسل ولكن اداء الكاميرا هنا كويس الى حد ما طبعا مش زى ال Y7 ولكن الاداء مرضى ومعقول وتقدر تعتمد على الكاميرتين فى التصوير العادى لكن متتوقعش اداء خرافى منها
المميز فى الموبايل هيا البطارية
اهم مميزات الموبايل البطارية و اللى سعتها 4000 ميللى امبير وممكن تديك 10 ساعات Screen ON Time او عشر ساعات شغال من وقت عمل الشاشة وديه الحقيقة ميزة كويسة جدا فى الفئة السعرية دى بغض النظر انه مبيدعمش الشحن السريع وبيشحن عن طريق ال Micro USB وممكن يشحن من صفر ل 100 فى 3 ساعات الا ربع تقريبا ولكن البطارية بالسعة ديه تعتبر من افضل المميزات والى ممكن تخليك تشترى الموبايل عشانها بس
فى النهاية نقدر نقول ان الموبايل ده Package ممتاز للى عايز موبايل ب 2800 جنيه وده السعر اللى يعتبر مفاجأة بالنسبة للمواصفات دى زى الرامات والمساحة الداخلية و المعالج ال Snapdragon 632 والبطارية الجبارة 4000 مييلى امبير
وللمزيد من الاخبار و المراجعات المتعلقة بالتكنولوجيا تابعونا من هنا