Infinix Hot 6X مواصفات وسعر

Not allow reviews
الموبايل ده يعتبر التانى فى فئة انفينكس الاقتصادية اللى بيحتوي على نوتش بعد Hot S3X والموبايل يعتبر نسخة محدثة من موبايل Hot 6 Pro وطبعا زي ما قلنا قبل كده ان الشركة دايما بتخلى فئة ال Hot مميزة وهنلاقى ان ده مظبوط فى سعة البطارية العالية ووجود نوتش وغيرها من المميزات ولكن زى ما فيه مميزات أكيد فيه عيوب ولازم نوضحها

Descriptions


Infinix Hot 6X موبايل الفئة الأقتصادية
الموبايل ده يعتبر التانى فى فئة انفينكس الاقتصادية اللى بيحتوي على نوتش بعد Hot S3X  والموبايل يعتبر نسخة محدثة من موبايل Hot 6 Pro وطبعا زي ما قلنا قبل كده ان الشركة دايما بتخلى فئة ال Hot مميزة وهنلاقى ان ده مظبوط فى سعة البطارية العالية ووجود نوتش وغيرها من المميزات ولكن زى ما فيه مميزات أكيد فيه عيوب ولازم نوضحها

أول حاجة هنتكلم عليها فى الموبايل هيا خامات التصنيع اللى بتكون من البلاستيك وديه طبعا ميزة وعيب الميزة انها بتحافظ على متانة الموبايل ضد الكسر و العيب ان البلاستيك احساسه مش قيم أو مش Premium لما تمسكه
شاشة الموبايل 6.2 انش من نوع IPS LCD بدقة 720x1500 بيكسل بكثافة 268 بيكسل لكل انش وطبعا بتحتوى على النوتش ولكنه نوتش كبير مش النوتش الحديث ال Water Drop  لكن طبعا الموبايل مصنوع بقال فترة كبيرة ومكانش لسه نوع النوتش ده انتشر
الموبايل بيدعم تركيب شريحتين اتصال وبييجى بواجهة أندرويد Oreo 8.1 

الكاميرا الخلفية مزدوجة الأولى 13 ميجا بيكسل و التانية 2 ميجا بيكسل بتشتغل Depth Sensor الكاميرا الخلية بتدعم تصوير الفيديو بجودة FHD بدقة 1080p بمعدل 30 Frame فى الثانية الواحدة
الكاميرا الأمامية 8 ميجا بيكسل مزودة بفلاش امامى و تقنية AI أو الذكاء الصناعى اللى بيحسن جودة صور السيلفى 

المواصفات الداخلية
المعالج بيكون من نوع Snapdragon 425 و المعالج الرسومى Adreno 308
فيه نسختين من الذاكرة الداخلية الأولى 16 جيجا بايت معا 2 جيجا بايت رام و النسخة التانية بتكون 32 جيجا بايت تخزين معا 3 جيجا بايت رام
ممكن اضافة كارت ميمورى لحد 128 جيجا فى منفذ خاص بيه
سعة البطارية 4000 ميللى أمبير ومبتدعمش الشحن السريع ومنفذ الشحن من نوع Micro USB 2.0

وبكده بعد ما اتكلمنا عن مواصفات الموبايل نقدر نلخص المميزات و العيوب كالأتى 
مميزات الموبايل
. وجود مستشعر بصمة فى ضهر الموبايل 
. استخدام شريحتين اتصال وكارت ميمورى فى منفذ منفصل
. سعة البطارية عالية 4000 ميللى أمبير وهتكفى اكتر من يوم
. الموبايل بيدعم راديو و منفذ سماعات 3.5 ميللى 
. الكاميرات بتدعم الذكاء الصناعى 

عيوب الموبايل 
. مفيش خاصية السحن السريع
. منفذ الشحن مش USB Type C
. البروسيسور قديم شوية وفيه معالجات كتير احسن منه
. المعالج الرسومى مش قوى وممكن يبقى فيه مشاكل فى الالعاب التقيلة
. خاصية ال Face Unlock بتشتغل ببطئ

بس نقدر نقول ان العيوب ديه الحاجة اللى تشفعلها هيا سعر الموبايل واللى يعتبر قليل نسبيا و مناسب جدا للمواصفات ديه و بالنسبة لنسخة الذاكرة 16 جيجا بايت سعرها هيكون 2400 و نسخة ال 32 بتكون بسعر 2700 جنيه

Similar Products

3684609885128366672