Xiaomi Redmi K20 Pro الفلاج شيب اللى قتل المنافسة
Not allow reviews
الموبايل الفلاج شيب الحقيقى من شاومى واللى تقريبا فيه كل المميزات اللى بندور عليها ومتجمعة فى موبايل واحد نازل ينافس بقوة
Descriptions
Xiaomi Redmi K20 Pro
دلوقتى بقينا عارفين ليه شاومى كانت واثقة أوى من نفسها لما OnePlus 7 Pro نزل لأنهم عملوا ال Combo المثالى و تقريبا أى فلاج شيب بينزل اليومين دول بيعجب كل الناس بس بيفتقر لحاجة واحدة بس عنصر أساسى واحد مفيش أى شركة بتعرف تظبطه غير شاومى و هوا السعر
مكانش فيه حد يقدر يلعب أوى فى جزئية السعر ديه غير ون بلس زمان لما كانت معروفة انها Flagship Killer و بتنزل موبايلات بمواصفات قوية بأسعار رخيصة بس يوم ورا التانى قعدت الأسعار ديه تزيد شوية ومبقاش ينزل بأسعار رخيصة
و رغم انه حاليا ون بلس بتقدم واحد من أرخص الفلاج شيب بس برضه الشركة بعدت عن جزئية انه موبايل رخيص وبقى فلاج شيب بسعر عالى
بس شاومى لما نزلت ال K20 Pro لعبت فى حتة تانية خالص زى ال Mi 9 كده بالظبط اللى سعره رخيص مقارنة بالمواصفات اللى بيقدمها وبيخليه ما يتحطش فى مقارنة معا موبايل تانى
بس طبعا كان فيه عيب زى البطارية اللى كانت 3300 ميللى أمبير على عكس البطارية ال 4000 ميللى أمبير اللى هتكون فى ال Redmi K20 Pro
ده غير طبعا ال Audio Jack ال 3.5 ميللى اللى كان اختفى فى ال Mi 9 ورجع تانى فى ال K20 Pro
و كمان لو بتحب الأنوار ال RGP هتلاقى ان الموبايل من فوق من عند ال Pop-Up Camera جاى ب RGP بتظهر لما تفتح الكاميرا بتدى شكل حلو جدا و بتخطف الأنظار كل ما تفتح الكاميرا
و ده أصلا بغض النظر عن تصميم الموبايل اللى ممكن نتكلم عليه اليوم كله
الألوان و التدرجات تحس ان في نور بيجرى فى الموبايل أصلا و هيبان أكتر لو مسكته فى ايدك لأن التصميم القزاز ده شكله تحفة و هيبهرك جدا وخصوصا اللون الأحمر
نقطة لازم نتكلم عنها فى الموبايل ده هيا الكان بتاع ال SD Card اللى للأسف مش هيبقى موجود واللى تعتبر الحاجة الوحيدة اللى ممكن نقول عليها عيب فى الموبايل و اللى للأسف فى الموبايل ده مش هتعرف تزود المساحة وخصوصا لو انتا زيك زى معظم الناس و بتحوش علشان تجيب أقل نسخة اللى هيا 64 جيجا بايت ذاكرة تخزين هتتحبس معا ال 64 و مش هيبقى عندك امكانية انك تزود و ال 64 جيجا للأسف دلوقتى ما بقيتش تكفى معظم ال Apps اللى كل يوم بينزلها Update و الصور اللى ال Quality بتاعاتها بقت عالية وطبعا بتاخد مساحة أكتر ونفس الكلام بالنسبة للفيديوهات و الألعاب ف ال 64 مبقيتش كافية لمعظم الناس والمكان بتاع ال SD Card بصراحة ما ينفعش يتلعب فيه
الموبايل بييجى بالشاشة ال Super Amoled اللى بتدعم ال HDR اللى حجمها 6.4 انش و بدقة 1080x2340 بيكسل وبكثافة 403 بيكسل لكل انش و اللى كمان استغنت عن النوتش و بدلتها بالكاميرا ال Pop-Up و الشاشة بقت أكبر ومفيهاش أصلا حواف ولو حتى صغيرة
كمان البصمة اللى تحت الشاشة اللى بقت أسرع دلوقتى وبيقولوا انها الجيل السابع و ممكن نعتمد عليها زى البصمة العادية
الكاميرات الخلفية ال 3 اللى متشابهين جدا معا ال Mi 9 بس معا اختلافات بسيطة
و الكاميرا الأولى بتكون 48 ميجا بيكسل Wide بفتحة عدسة F1.8
و الكاميرا التانية 8 ميجا بيكسل Telephoto بفتحة عدسة F2.4
و الكاميرا الأخيرة 13 ميجا بيكسل UltraWide بفتحة عدسة F2.4
طبعا الكاميرا بتدعم HDR و Panorama و فلاش ليد ثنائى وكمان بتصور فيديو بدقة 2160p بمعدل التقاط 60 اطار فى الثانية
و المدهش ان الصور بتاعة الكاميرا لو قارنتها بموبايل IPhone XS Max هتلاقى انها بتسد معاه وهتلاقى انها تحفة جدا معا العلم احنا بنقارن شاومى بأيفون وطبعا معا فرق السعر الرهيب ما بينهم فبصراحة الكاميرات بقت أخر حاجة تقلق منها وانتا جايب موبايل من شاومى
وكمان طبعا من الحاجت المميزة هيا الكاميرا السيلفى اللى بتدى أداء عالى جدا وصور بجودة مبهرة وده طبعا لأنها بتكون 20 ميجا بيكسل بفتحة عدسة F2.2 وطبعا بتكون Motorized Pop-Up
طيب لو لسه ما انبهرتش بالموبايل يبقى خد عندك مميزاته عالسريع كده
زى ما قلنا و اللى يعتبر أهم حاجة فيه المعالج ال SnapDragon 855 بكنولوجيا 7 نانو اللى بتخفض استهلاك البطارية لأقصى درجة وطبعا المعالج هوا أقوى معالج لأجهزة الأندرويد و اللى حرفيا بيخلى الموبايل طيارة وكمان المعالج الرسومى Adreno 640 اللى هيشغلك أى لعبة تتخيلها على أعلى اعدادات و اللى كمان بيتميز ب خاصية ال GPU Boost Turbo
كمان عندك نسختين من الموبايل النسخة الأولى 64 جيجا بايت ذاكرة تخزين داخلية معا 6 جيجا بايت رام
و النسخة التانية 256 جيجا بايت ذاكرة تخزين داخلية معا 8 جيجا بايت رام
كمان البطارية قلنا بتيجى بسعة 4000 ميللى أمبير بس ما قولناش انها بتدعم الشحن السريع ال QuickCharge 4+ بقدرة 27W معا منفذ الشحن USB Type C
و كفاية كده انبهارات لأن الموبايل الكلام عنه ما بيخلصش بصراحة لأنه مش بس فلاج شيب لكن كمان نقلة فى سوق الموبايلات بالسعر الخيال اللى بينزل بيه
نروح بقا لسعر الموبايل الغريب جدا اللى مش عارف ازاى الشركة منزلة موبايل بمعالح Snapdragon 855 بالسعر ده تحس انهم بيكرروا موضوع ال Pocophone اللى كان غريب جدا بمواصفاته القوية وسعره الرخيص
أقل سعر بقا لل K20 Pro النسخة ال 6 جيجا رام و 64 ذاكرة تخزين داخلية ب 360 دولار يعنى حوالى 6000 جنيه
و أعلى نسخة اللى هيا ال 8 جيجا بايت رام و 256 جيجا بايت ذاكرة تخزين داخلية هتكون ب 434 دولار يعنى حوالى 7300 جنيه
بصراحة لو الشركة بتخسر نفسها مش هتنزل الموبايل ده بالأسعار ديه خصوصا انه بمعالج Snapdragon 855 اللى عمرنا ما شوفناه فى موبايل بالسعر ده ولا هنشوفه أكيد الا لو شاومى قررت تفاجئنا تانى
الحاجة اللى تعتبر مشكلة الى حد ما هيا ان الموبايل لحد دلوقتى مش مؤكد انه هينزل مصر ومفيش أى معلومات عن حاجة زى كده وحتى لو نزل هيبقى ضربة قاضية لل Mi 9 اللى هوا هنا فى مصر من أكتر الموبايلات المظلومة ومش واخدة حقها وده بسبب سعره الخرافى ومواصفاته الرهيبة بس برضه ال K20 Pro هيخطف منه كل الأضواء ولو نزل دلوقتى محدش هيشترى ال Mi 9 و أكيد طبعا الموبايل هيبقى ضربة لكل الشركات التانية بس برضه هيبقى ضربة قاضية مخصوصة لل Mi 9