خلاصة استخدام Honor 8X
فى 3 أنواع لخامات ضهر الموبايلات معدن أو بلاستيك أو قزاز أحسنهم المعدن
بيديك احساس Premium فى الأيد و بيكون متين ضد الوقعات و الخربشة بس كشكل و تصميم مبيبقاش الأحلى
و فى البلاستيك و ده احساسه فى الأيد مش Premium بس بيبقى متين ضد الوقعات بس للأسف بيتخربش بسهولة
أخر نوع هوا القزاز و ده اللى مصنوع منه ضهر موبايل Honor 8X اللى بيجتمع فيه ميزتين الشكل الجميل و انه Premium فى الأيد
تصميم الموبايل شيك جدا و شبابى أوى معا ضهر القزاز بطلاء لامع و اطار معدنى لكن برضه القزاز بيبصم و معرض لخدوش و تجاريح معا الوقت و الاستخدام و كمان الفريم المعدنى ممكن يخلى الموبايل يتزحلق من ايدك فى بعض المواقف و لازم تركبله جراب
شاشة الموبايل من نوع IPS LCD بدقة +Full HD زيه زى كتير من الموبايل بس الممتاز هنا هو الحجم اللى بيكون 6.5 انش و الحلو كمان انك هتقدر تتحكم فى الموبايل و تشيله بأيد واحدة وده لأن الشاشة واخدة تقريبا 91% من جسم الموبايل
الشاشة بتدى ألوان ممتازة وسطوع حلو جدا تحت ضوء الشمس
ده غير طبعا ان حوافه صغيرة جدا وخصوصا الحافة السفلية اللى تعتبر من الحواف الصغيرة فى الفئة المتوسطة
و الشاشة طبعا فيها نوتش بس من النوع العادى مش الصغير و ممكن طبعا تلغيه من الأعدادات بس الكويس فى النوتش انه فيه الكاميرا و السماعات و لمبة الاشعارات اللى بتنور بألوان مختلفة و ديه حاجة كويسة جدا وأغلب المستخدمين بيفضلوا وجود لمبة للأشعارات
هواوى و هونر كانت مشكلتها فى الفئة المتوسطة المعالج الضعيف بس طبعا المشكلة ديه اتحلت معا Kirin 710 اللى شوفناه فى موبايلات كتير بمعارية 12 نانو هيديلك أداء ممتاز و حقق على Antutu Benchmark حوالى 140 ألف نقطة
أكيد بالمعالج ده هتقدر تشغل كل الألعاب على الموبايل بدون تسقيط فريمات أو تهنيج و خصوصا معا وجود خاصية GPU Turbo
نقطة الجدل الكبيرة فى الموبايل ده هيا كاميراته و هونر حطت كاميرا جديدة فى الموبايل ده وأخيرا حطت كاميرا بفتحة عدسة F1.8 و بتكون 20 ميجا بيكسل و بتدعم الذكاء الاصطناعى و كمان فى كاميرا ثانوية 2 ميجا بيكسل علشان العزل و بدون مبالغة الموبايل ده يقدر ينافس موبايلات أغلى منه ب 500 و 700 جنيه
و طبعا تقدر تزود و تقلل العزل بعد ما تصور الصورة و تقدر انك تفتح وتقفل ال AI بسهولة و لاحظنا ان الذكاء الاصطناعى بيفقع الصور شوية و ساعات ده بيبقى حلو لبعضالنسا و بيبقى وحش لبعض الناس و انتا ممك تتحكم فى الموضوع ده بعدا ما تاخد الصورة تقفل الذكاء الاصطناعى أو تفتحه براحتك
وساعات كمان مش بيوزع الألوان صح لو الحاجة اللى بتصورها قريبة منك سريعة طبعا
الموبايل كمان بيصور فيديو بدقة 1080p بمعدل التقاط 60 اطار فى الثانية و تقدر تصور Slow Motion
الكاميرا السيلفى 16 ميجا بيكسل بفتحة عدسة F2.0 و مفيهاش ذكاء اصطناعى بس فيها Beauty Mode تقدر تتحكم فيه و فيها بورتريه عن طريق السوفت وير
و الأداء بتاعها كويس جدا صبح وليل
بطارية الموبايل 3750 ميللى أمبير و بتشحن بشاحن عادى فى حوالى ساعتين وشوية
و منفذ الشحن بيكون Micro USB 2.0
و ممكن تديك 7 ساعات وقت عمل شاشة و ديه حاجة ممتازة جدا
و البطارية معا الاستخدام المعقل ممكن تقعد معاك لحد يوم و نص
الموبايل فيه بصمة فى الضهر سريعة طبعا كعادة كل موبايلات هواوى
و فيه طبعا Face Unlock ممتاز لو الاضاءة عالية و مش بيفتح لو عينك مغمضة
و طبعا الموبايل بيدعم كل المستشعرات البوصلة و الجيروسكوب و ال OTG و غيرهم و كمان بيشغل راديو
و من أهم مميزات الموبايل ده هيا المساحة بتاعته 128 جيجا بايت و طبعا هو من أرخص الموبايلات اللى بييجوا بالمساحة ديه و كمان ممكن تركب كارت ميمورى علشان تزود المساحة فى مكان مخصص للكارت بجانب شريحتين الاتصال
سوفت وير هواوى اتحسن كتير الفترة الأخيرة و الموجودة فى الموبايل هيا EMUI 8.2 اللى فيها مميزات كتير زى نسختين من برامج التواصل الاجتماعى و البصمة اللى بتقلب بيها الصور و تنزل بيها قائمة الاشعارات
و فيه كمان ملاحظة فى الموبايل ان صوته مقبول و ممكن نعتبره وسط أعلى من ال Nova 3i و أقل من Oppo F9 و بييجى بسماعة واحدة Mono تحت على اليمين و كمان فيه مايك اضافى لأزالة الضوضاء و صوت المكالمات عالى و مسموع بس محتاج تاخد على مكان السماعة علشان هيا مدورة مش بيضاوية
أخر حاجة وأهم حاجة سعر الموبايل 4200 جنيه