Vivo Z3X
لو حبينا نتكلم عن موبايلات شكلها جميل ومختلف وأدائها قوى يبقى لازم نتكلم عن أجهزة فيفو ولو بصينا للمواصفات العالية والأجهزة الفلاج شيب برضه هنجيب سيرة فيفو ولو روحنا للأفكار المختلفة و الابداع برضه هنلاقى قدامنا فيفو وده أكيد مش صدفة لأن الشركة الصينية بقالها فترة بتعلن عن موبايل ورا التانى ورا التالت وكل واحد فيهم يستاهل اننا نجربه وكمان شكله مختلفة وفيه فكرة غير اللى قبله وده اللى خلى الشركة من أنجح الشركات فى الصين وكمان فى العالم
موصفات الموبايل
طبعا التصميم جميل معا اطارات من الألومنيوم وضهر ألوانه جميلة و متداخلة بتدى شكل جذاب جدا وهيلفت انتباهك على طول
بالنسبة للشكل فهنلاقى ان الموبيال بييجى بنوتش عادية من قدام معا حواف شبه معدومة ويمكن فكرة النوتش العادية مش الصغيرة يكون تنويع مش أكتر لأن اللى متابع أجهزة الشركة هيلاقى ان موبايلاتها دايما ملهاش شكل واحدة ممكن مرة بنوتش صغير ومرة بنوتش عادى أو كمان ممكن خرم فى الشاشة
الشاشة بقا طالما اتكلمنا عنها يبقى لازم نقول انها 6.26 انش من نوع IPS LCD بدقة 1080x2280 بيكسل بكثافة 403 بيكسل لكل انش
وزن الموبايل 150 جرام بأبعاد 154.8 x 75 x 7.9 mm (6.09 x 2.95 x 0.31 in)الموبايل يدعم تركيب شريحتين اتصال فى نفس الوقت معا كارت ميمورى فى منفذ منفصل
نظام التشغيل Android 9.0 Pie بواجهة Funtouch 9
الكاميرا الخلفية بتكون مزدوجة
الكاميرا الأولى 13 ميجا بيكسل بفتحة عدسة F2.2
الكاميرا التانية 2 ميجا بيكسل بفتحة عدسة F2.4 وبتكون مستشعر للعمق
وبتدعم فلاش ليد و HDR و Panorama
و بتصور فيديو بدقة 1080p بمعدل التقاط 30 اطار فى الثانية
أما الكاميرا السيلفى فبتكون كاميرا واحدة 16 ميجا بيكسل بفتحة عدسة F2.0
وبتدعم HDR وبتصور فيديو بدقة 1080p بمعدل التقاط 30 اطار فى الثانية
خصائص الكاميرات Autofocus, Continuous shooting, Digital zoom, Geotagging, Panorama, HDR, Touch focus, Face detection, White balance settings, ISO settings, Exposure compensation, Self-timer, Scene mode, Phase detectionالمعالج بيكون Snapdragon 660 من Qualcomm بتكنولوجيا 14 نانو و رغم ان المعالج مش حديث الا انه قوى وكمان المعالج الرسومى Adreno 512 من كوالكوم برضه أدائه قوى فى الألعاب
و الرامات بتكون 4 جيجا بايت
و ذاكرة التخزين الداخلية 64 جيجا بايت
معا امكانية تركيب كارت ذاكرة خارجى فى منفذ منفصل حتى 512 جيجا بايت
البطارية بتيجى بسعة 3260 ميللى أمبير واللى تعتبر سعة كويسة وومكن تفض شغالة لفترة كبيرة
وكمان مفيش خاصية الشحن السريع اللى بقت لازم تكون موجودة فى كل الموبايلات لأنها مهمة جدا
ومنفذ الشحن بيكون Micro USB 2.0
سعر الموبايل تقريبا 175 دولار يعنى حوالى 3000 جنيه
مميزات الموبايل
. يدعم مستشر بصمة فى الضهر
. يدعم تركيب شريحتين اتصال معا كارت ميمورى
. يدعم راديو FM و مدخل سماعات 3.5 ميللى
. دقة الشاشة كويسة وكثافة البيكسلات ممتازة
. سعة البطارية كبيرة
عيوب الموبايل
. لا يدعم خاصية الشحن السريع
. الكاميرات أدائها منخفض
. لا يدعم NFC
بصراحة الموبايل ممتاز جدا فى الفئة المتوسطة ومميزاته كتير وعيوبه مش كتيرة ومفيش عيب كبير غير خاصية الشحن السريع و غير كده بيدعم حاجات كتير زى مستشعر البصمة و مدخل السماعات 3.5 ميللى و شريحتين اتصال و كارت ميمورى و التفاصيل الصغيرة ديه هيا اللى بتفرق وبتخلى المستخدم يفضل موبايل على موبايل تانى
ممكن لو الموبايل كان فيه شحن سريع معا USB Type C كان هيبقى موبايل رهيب جدا بس برضه بالمواصفات الحالية معا سعر 3000 جنيه يعتبر صفقة حلوة جدا ومش هتفقد حاجة غير الشحن السريع