PlayStation 5
التسريبات بصراحة بقت كتيرة جدا لدرجة اننا ما بقيناش نصدق أى تسريب خصوصا فى موضوع أجهزة ال Consoles الجديدة وده طبعا لأن الأجهزة لسه ما تمش الاعلان عنها بشكل رسمى وده اللى بيدى الفرصة لظهور الاشاعات اللى أغلبها مش صحيح
لكن أحدث التسريبات الصحيحة كانت عن طريق Mark Cerny وهو الشخص المسئول عن برمجة بلايستيشن 4 و المسئول حاليا عن بلايستيشن 5
الموضوع ان مارك كان فى غرفة مغلقة معا بعض الاعلاميين و كان في جهاز لونه فضى على شكل PC ولكن بعتاد ال PS5 و لما الاعلاميين سألو مارك هل الجهاز ده هيكون اسمه PS5 ولا لأ و الغريب انه رفض يسميه بلايستيشن 5 وده غالبا لأن الجهاز ما صدرش بشكل رسمى وكل اللى ظهر هوا النموذج الأولى
و على كلامهم ان الجهاز هيتم تسليمه لمطورين الألعاب فى وقت قريب جدا و ده بيثبت ان الجهاز خلاص وصل لاستديوهات سونى الداخلية زى SantaMonica و Naughty Dog
وكمان Mark Cerny صرح انه شغال على تطوير الجهاز من 4 سنين و ديه تعتبر مفاجأء خصوصا ان فى الوقت ده كان بيتم العمل على بلايستيشن 4
و تم الاعلان عن وحدة المعالج المستخدمة ال CPU و اللى هتكون AMD Ryzen الجيل الثالث معا 8 أنوية من نوع 7nm ZEN-2 و ال GPU هيكون Radeon Navi معا دعم تتبع الضوء أو ال Ray Tracking و طبعا هتكون متفاعلة بطريقة ثلاثية الأبعاد وديه هتكون أول مرة يتم استخدامها على أجهزة Console
يعنى بكل بساطة هتساعدك فى الانعكاسات يعنى مثلا فى الألعاب بدل ما هتعتمد على الصوت هتعتمد كمان على الانعكاسات الضوئية زى الموجودة حاليا فى تقنية RTX اللى فى كروت شاشة Nividia
و بالنسبة للصوت فحسب التسريبات هيكون شيئ ثورى جديد و هيدعم ال APU بدعم من معالج AMD
و على عكس البلايستيشن 3 و 4 هيكون فيه نقلة صوتية فى PS 5
و ده معناه ان السماعات اللى هتستخدمها مهما كان نوعها لو سماعات منفصلة أو سماعات الشاشة أو أى نوع سماعات هتديك صوت رهيب جدا بخاصية صوت ثلاثية زى ما بنشف فى السماعات الغالية زى أى Astro و غيرها و ده اللى هيخليك داخل اللعبة وديه خاصية مجانية معا البلايستيشن نفسه مش شرط تغير السماعات اللى بتستخدمها
كمان تكنولوجيا ال VR هيكون ليها مستقبل كبير معا ال PS5
و خصوصا ان ال PS 4 كان عبارة عن تجربة ولكن معا الجهاز الجديد الوض هيكون مختلف وكان فيه تسريبات عن نظارات VR خاصة بالجهاز
نروح بقا لموضوع ال Hard Disk و اللى هيكون ssd و ده هو الهارد التخزينى ال USB اللى ممكن تشيله وتركبه بسهولة وشوفنا الموضوع ده فى البلايستيشن 4
المميز فى الجهاز انه بيدعم ال 8K و الكلام ده سمعناه كتير بس ممكن يكون حقيقى أو لأ لأن بصراحة فكرة الدقة ال 8K معا Frame Rate عالى تعتب حلم كل جيمر ولكنها صعبة الحدوث وكمان مفيش تأكيدات من المطورين
و اللى مش مأكد الموضوع ده ان البلايستيشن 4 كان المفروض يكون بدقة 4K ولكنه كقدمش الأداء ده حقيقى و اضطروا انهم يخلوه Upscaled أو تم رفعه لأكبر درجة من ال 4k وومكن للأسف يحصل كده فى ال PS5
الحاجات المهمة جدا اللى مفيش تسريبات أكيدة عنها هيا سعر الجهاز اللى لسه ماتحددش ولكن بعض التسريبات بتقول انه هيكون فيه حدود 500 دولار و كمام موعد الاعلان الرسمى واللى غالبا هيكون فى عام 2020
أهم حاجة فى الجهاز و اللى للأسف التسريبات ما حسمتهاش هيا خاصية ال Backward Compatibility وهيا الخاصية الرهيبة جدا اللى بتخليك تقدر تلعب الألعاب اللى تخص
الأصدارات السابقة من بلايستيشن و طبعا بجودة أفضل وامكانيات أعلى وعلى جهاز واحد بدل ما تضطر انك تلعب الألعاب اللى بتحبها على أجهزة محددة
و بصراحة لو الخاصية ديه مجودة هتكون مميزة جدا وهترضى مستخدمين كتير وهتكون ميزة تنافسية كبيرة لصالح سونى