OnePlus 7 Pro تجربة أول يوم للموبايل الرهيب
Not allow reviews
تجربة أول يوم استخدام للموبايل الأقوى من شركة ون بلس و اللى يعتبر أول فلاج شيب من الشركة و بييجى بدون حواف وبشاشة رهيبة جدا
Descriptions
One Plus 7 Pro
الموبايل ده من أول ما تم الاعلان عنه و احنا متحمسين لمعرفة تجربة استخدامه وده لأن ال One Plus 7 Pro هوا الموبايل اللى يعتبر أول فلاج شيب لشركة One Plus
الشركةطول عمرها شغالة باستراتيجية قتل الفلاج شيب و تقديم مواصفات الموبايلات الرائدة بنصف سعرها تقريبا و ده طبعا معا التضحية بشوية حاجات
و لكن مؤخرا موبايلات ون بلس ابتدت تغلى وتزيد فى السعر حبة بحبة بزيادات معقولة بسيطة على قد التطويرات اللى بيحطوها فى الموبايلات الجديدة و لكن معا الون بلس 7 برو هنلاقى ان الشركة داخلة بقلبها جامد وبيقدموا أول موبايل رائد ليهم بدون أى تنازلات و بسعر بيبدأ من 660 دولار و أعلى نسخة ب 750 دولار وكنا اتكلمنا عن كل مواصفات الموبايل ومميزاته وعيوبه هنا
واضح جدا ان ون بلس عايزة توجه سمعة البراند انه يبقى براند Premium وغالى وبصراحة هما ناجحين و أول ما هتطلع المبوايل من العلبة هتحس بده فى طريقة التغليف وخامات العلبة نفسها و خامات الاكسسوارات اللى جاية معا الموبايل
تحفة فنية حقيقى بالضهر الزجاجى اللى عليه طبقة شبه الطبقة اللى بتيجى على المعدن معا انه مش معدن وبتكون طبقة لامعة وبملمس ناعم جدا مختلف عن ملمس أى موبايل زجاج هتجربه
و اللون بتاع الموبايل بيتدرج من لون أفتح لأغمق معا تحريك الموبايل
و التدريجة بتاعة اللون ديه باينة أكتر فى الحافة المعدنية اللى لافة حوالين الجهاز و باينة أكتر من الضهر ولما تبص على طرف الموبايل من فوق هتلاقى ان الموبايل ليه لون ولما تبص عليه من تحت هتلاقى اللون اختلف وبقى أغمق بكتير
و الميزة الحقيقة للطبقة اللى فى ضهر الموبايل انه ما بيبصمش تماما ورغم ان اننا شفنا كده فى موبايلات كتير وما تعتبرش حاجة مبهرة الا ان الابهار الحقيقى بيكون فى الشاشة
الموبايل بدون أى حواف تماما و مفيش نوتشات ولا عادية بقى ولا Water Drop لا حتى خرم فى الشاشة ومفيش أى حاجة هيا مجرد شاشة
وعشان الشركة تحقق ده حطت الكاميرا فى موتور Pop-Up Camera
الموتور اللى شفناه فى موبايلات كتير أوى السنادى و اللى هوا بصراحة ها متين جدا و مش هيكون فيه أى حركة وانتا ماسكه
و رغم ان فكرة الموتور ممكن تكون مخيفة لناس كتير لأن محدش عارف هيا هتستحمل سنين كتير ولا لأ وده لسه احنا منعرفوش لأن التكنولوجيا ديه لسه ظاهرة بقالها سنة أو سنتين و لكن الحقيقة اننا لحد الأن لسه مسمعناش ان حد اشتكى منها ولا سمعنا عن مشكلة كبيرة ظهرت فى موبايلات بموتور
خلينا نسيبنا من المستقبل ونبص على التضحيات اللى بتضحى بيها حاليا لما الموبايل يكون فيه موتور
أول حاجة طبعا بنسألها لما بيكون فيه موتور هل الموبايل محمى ضد الماء ولا لأ و طبقا للكلام الرسمى من ون بلس الموبايل هنا مش محمى ضد الماء
ولكن ون بلس كذا مرة فى اعلاناتها بتظهر وبتحاول تطمنك ان الموبايل لو اترش عليه شوية ماية أو لو كنت فى مطر ولا حاجة مش هيحصلك حاجة ومن ساعما الموبايل نزل الأسواق فيه فيديوهات كتيرة على يوتيوب لناس حطت الموبايل ده فى الماية غمرته تماما و محصلوش حاجة برضه
تانى حاجة الموتور مأثر عليها انه مخلى الموبايل وزنه تقيل الموبايل هنا وزنه تقيل جدا وديه بتبقى مشكلة معا كتير من لناس اللى بتحب الموبايل بتاعها يبقى خفيف
غير كده الموبايل حجمه كبير أوى الشاشة هنا بحجم 6.7 انش و ده تقريبا أكبر حجدم موبايل رائد شفناه لحد دلوقتى و أكبر من الأيفون ومن ال S10+
كمان شاشة الموبايل منحنية و مكبوبة على الأطراف و فى هنا Edge و انحناء شديد جدا
و ده ما حجم الموبايل ووزنه بيخلى الماسكة صعبة بصراحة و الماسكة بايد واحدة مستحيلة
بس كله يهون عشان التقنية الموجودة هنا فى الشاشة اللى حجمها كبير و بدون حواف وبتقنية Amoled و ب Resolution أكتر من 2K و بتدعم ال HDR 10+
و أهم حاجة انها بيجى ب Refresh Rate 90Hz يعنى الشاشة بتقدر تعرض لغاية 90 اطار فى الثانية و معظم الموبايلات أخرها 60 اطار
و ده بيؤدى لأنك وانتا بتتحرك فى أنحاء السوفت وير و بتقلب فى القوائم بتاعة الموبايل وبتعمل Scrolling فى فيس بوك ولا انستجرام هتحس بسلاسة ملهاش مثيل ومش موجودة فى أى موبايل تانى
وكان فيه موبايلات من شركات تانية زى Asus و Razor بتيجى بشاشات 120Hz ولكنها كانت شاشات LCD
ولكن ديه أول مرة تيجى شاشة Amoled ب 90Hz
انباهارات الشاشة مابتنتهيش عند كده لأ كمان عندك فى قارئ بصمة تحت الشاشة و حجمه كبير جدا و اللى لأول مرة نقدر نقول عليه فى مستوى قارئ البصمة العادى اللى قى الضهر ونقدر نعتمد عليه من غير أى مشاكل
و الموبايل للأسف مفيهوش HeadPhone Jack ال 3.5 ميللى ولكن ده بقى متوقع لأن موبايلات كتير استغنت عنه بس المؤسف جدا ان مفيش محول فى العلبة وديه حاجة محبطة
و السماعة الخارجية اللى تحت و السماعة الخارجية بتشتغل معا سماعة المكالمات ال Ear Piece اللى حجمها كبير جدا هنا وبتقدملك Dual Speaker StereoSound يتقنية ال Dolby Atmos و ده طبعا معا الشاشة الكاملة اللى بدون أى حواف فانتا طبعا هتاخد هنا تجربة مشاهدة فيديوهات متطورة جدا وأول مرة نشوفها من ون بلس
بصراحة كل جوانب التصميم ممتازة جدا و عندهم ال Switch بتاع ال Silent المشهور بتاعهم و شركة OnePlus بصراحة تستحق بجدارة انها تدخل القائمة بتاعة الشركات اللى بتقدم موبايلات رائدة و ال Premium و ال OnePlus 7 Pro هو تذكرتهم للدخول
وده طبعا غير الأداء موبايلات الشركة المشهور جدا بكونه أفضل تجربة اداء هتاخدها فى أى موبايل أندرويد و الموبايل ده بيكمل هذا التراث
و بيقدم معالج Snapdragon 855 معا 12 جيجابايت رام و مساحة داخلية 256 جيجا بايت
حاجة أقل كلمة عنها انها خرافية وطبعا كل ده معا الشاشة اللى ب 90Hz
فا تجربة الأداء مش سلسة لأ الكلمة ديه هتكون شوية على الموبايل ده لأنه أقل حاجة عنه أنه طاير أو هيديك تجربة أداء فضائية
أسرع تجربة أداء هتشوفها فى حياتك ده غير ان عندك كمان السوفت وير خفيف جدا اللى هوا ال OxygenOS 9 وهو أسرع و أخف واجهة على موبايل أندرويد و منقدرش نعتبرها واجهة أوى لأنها تقريبا زى بالظبط الأندرويد الخام بل أحسن منه كمان لأنها بتديك Customization و تعديلات و اضافات تقدر تعملها على الموبايل مش موجودة فى الواجهة بتاعة الأندرويد الخام
من الحاجات الأساسية اللى ون بلس مركزة عليها هيا الكاميرات لأن الموبايل بييجى بكاميرا أساسية 48 ميجا بيكسل و كاميرا UltraWide بتكون 16 ميجا بيكسل و كاميرا زووم لغاية 3 مرات 8 ميجا بيكسل و نتائج الصور هنا حقيقى ممتازة ومن أفضل موبايلات ال OnePlus من ناحية الألوان ومن ناحية ال Dynamic Range و ال Sharpness لما تعمل زووم وتشوف التفاصيل و كل ده و انتا معاك مرونة بقا فى التصوير تقدر تصور زووم و تقدر تصور Wide و تقدر تصور UltraWide و تقدر تصوربورتريه وتقدر تصور صور سيلفى بالكاميرا السيلفى ال 16 ميجا بيكسل اللى بتطلع صور حلوة أوى و ألوانها ممتازة جدا و الزاوية واسعة أوى
و الكاميرا طبعا هنتكلم عنها بشكل مفصل أكتر فى تجربة الاستخدام الكاملة
بالنسبة للبطارية فهيا بتيجى بسعة 4000 ميللى أمبير و كمان بتدعم الشحن السريع و الموبايل بييجى معاه فى العلبة ال WarpCharger بتاع ون بلس اللى معا التجربة هتلاقى انه بيشحن 60% فى نصف ساعة
بس للأسف الموبايل مش بيدعم الشحن اللاسلكى و بالتالى مش بيدعم الشحن اللاسلكى العكسى
الكلام عن الأداء و البطارية لسه مش كلام نهائى لأن ديه تجربة أول يوم استخدام للموبايل و أكيد هيكون فيه مراجعة شاملة لتجربة الأستخدام الكاملة للموبايل و هنتكلم فيها بالتفصيل عن الأداء و البطارية