Honor 10i تجربة استخدام
Not allow reviews
تجربة استخدام الموبايل الكاملة و ايه هيا مميزاته وعيوبه و كمان ايه أفضل خصائص الكاميرات و أفضل طريقة للتصوير
Descriptions
ال Honor 10i وهوا أحدث الهواتف فى الفئة المتوسطة و اللى اتكلمنا عنه بالتفصيل ووضحنا كل مواصفاته هنا
موبايلات هونر دايما بتكون مميزة فى الفئة المتوسطة و بيتميزوا بالشكل الجميل و الألوان المبهرة معا التصميم الرهيب
و ده نفس الكلام معا 10i اللى بييجى بتصميم ممتاز وجميل معا انحنائات بتسهل ماسكة الايد وبتديك راحة أكتر وكمان الضهر هنلاقى انه جاى بتصميم من البلاستيك اللى للأسف بيبصم وبيخلى الموبايل مش Premium
الألوان متدرجة و جميلة كعادة موبايلات هونر و هواوى
و طبعا أول حاجة بتجذب انتباهك فى الشاشة هيا النوتش الصغيرة ال Water Drop Notch معا الشاشة الكبيرة و اللى تعتبر الى حد ما شاشة كاملة رغم ان الحواف مش كلها معدومة
و المميز فى الموبايل ان رغم حجمه الكبير الا انك ممكن تستخدمه بايد واحدة بس ومش شرك تمسكه بايديك الاتنين على عكس أغلب الموبايلات الجديدة
الشاشة هتكون ممتازة جدا فى تشغيل الأفلام و الفيديوهات وده لأن سطوعها ومناسب ألوانه جميلة ولكنها للأسف مش أفضل شاشة ممكن تاخدها لأنها بتكون IPS LCD و بدقة Full HD ولكن نضمنلك تجربة ممتازة و ده لأن على الرغ من انها مش أموليد الا انها بتقدم أداء كويس وبتيجى بتشبع بيكسلات خرافى بكثافة 415 بيكسل لكل انش و كمان الحلو فيها انها بتملى الموبايل بالكامل مفيش بس غير النوتش هوا اللى ممكن ياخد جزء بسيط منها
نتكلم عن أكتر حاجة مميزة فى الموبايل وهيا الكاميرات الخلفية اللى بتكون 3 كاميرات خلفية وطبعا معا مستشعر العمق و العدسة ال UltraWide هتاخد تفاصيل فى الصورة خرافية وتجربة تصوير من أفضل التجارب بالنسبة لفئة الموبايل السعرية
ده غير طبعا ان الكاميرا الأساسية 24 ميجابيكسل يعنى التصوير العادى هيكون رهيب جدا بعيدا عن الكاميرا ال 8 ميجا بيكسل ال UltraWide و مستشعر العمق 2 ميجا بيكسل
و لكن ممكن الأرقام تفرق عن التجربة الحقيقية وعشان كده لازم نوضح أداء الكاميرا الحقيقى
بصراحة تجربة الكاميرات هنا تعتبر لطيفة جدا و مميزة وده لأن الصور بالعدسة الأساسية بتتميز بالحدة و التفاصيل الواضحة و الزاوية الواسعة الصور فيها بتكون كويسة ولكن بدرجة أقل من الكاميرا الأساسية
بس المميز فى الكاميرات انها بتحتوى عى ال AI أو الذكاء الاصطناعى اللى بيساعد على زيادة تشبع الألوان و تنوير الأماكن المظلمة فى الصور
العزل فى الكاميرات ممتاز جدا و بامكانك التحكم فى كمية العزل بعد الالتقاط
وكمان الجميل فى كاميرات الموبايل هوا وجود الوضع الليلى ال Night Mode اللى هيساعدك انك تلتقط الصور بتفاصيل أكثر و أفضل و لو استخدمت الوضع ده فى أماكن مظلمة أو الاضاءة مش قوية هتلاحظ ان النتائج ممتازة جدا وهتاخد صور جميلة
وكمان تصوير الفيديو بيكون حاجة روعة و دقة التصوير ممتازة ولو حولت التصوير للزاوية الواسعة هتلاقى اختلاف كبير جدا وهتكون تجربة مدهشة للتصوير وده هيساعدك لو بتحب تصوير الفيديوهات خصوصا ان التفاصيل بتكون أكبر بكتير
أما الكاميرا الأمامية فى ال Honor 10i فهيا برضه متطورة جدا وهنلاقى انها اتحدثت عن الكاميرا الموجودة فى ال Honor 8X و ده لأنها بتيجى بدقة 32 ميجا بيكسل واللى تعتبر دقة خرافية جدا وهتديك تجربة تصوير سيلفى ممتازة
وطبعا بتدعم الذكاء الاصطناعى ال AI اللى هيساعدك انك تاخد صور ألوانها أفضل
وكمان الكاميرا هتديك تصوير فيديو بدقة Full HD وديه حاجة ممتازة جدا
الكاميرا الأمامية باختصارهتكون أكتر حاجة هتشدك للموبايل ده فى حالة انك بتفضل التصوير السيلفى اللى هيكون متعة فى الموبايل ده
نروح لتجربة الأداء و اللى هتكون أكتر حاجة مميزة فى الموبايل لأنه بييجى بمعالج Kirin 710 الخاص بأجهزة هواوى و هونر و اللى على الرغم من أنه معالج للفئة المتوسطة الا انه بيقدم أداء ممتاز وبخلى الموبايل سريع جدا وكمان بيخفض من استهلاك البطارية
و مننساش الرامات ال 4 جيجا بايت و الذاكرة التخزينية ال 128 جيجا بايت
لحد دلوقتى المواصفات ممتازة جدا و الأداء رهيب وسريع ولكن اللى هيخلى الموبايل ده فعلا ممتاز هوا تجربة الألعاب
ومعا تجربة لعبة تقيلة على الموبايل زى لعبة Pubg لقينا انك ممكن تلعبها على الاعدادات المتوسطة بكل سهولة وهتشتغل معاك Smooth جدا ولكن الوضع هيختلف لو جربت الاعدادات الأعلى
وكمان خاصية ال GPU Turbo 2.0 هتخليك تحصل على أداء أسرع و هيحسن تجربتك فى الألعاب و ممكن تلعب بشكل متواصل لحد تقريبا ساعتين من غير ما تواجه مشاكل تقطيعات أو ارتفاع فى الحرارة وديه حاجة ممتازة
من أكتر الحاجات المفاجئة لما تفتح العلبة و تشوف الموبايل انك هتلاقيه بييجى بمنفذ شحن Micro USB و الشركة ما مشيتش معا الاتجاه السائد وهوا الشحن السريع و ال USB Type C و بالاضافة لتريندات التصميم و الكاميرا ال UltraWide أصبح الشحن السريع و ال USB Type C متوفر أكتر فى موبايلات الفئة المتوسطة وللأسف ده مش موجود فى ال Honor 10i
لكن معا ذلك الموبايل بييجى ببطارية بسعة 3400 ميللى أمبير أداء البطارية ممكن يديك حوالى تشغيل شاشة متواصل من 5 ساعات ل 5 ساعات ونص و ده فى الاستخدام التقيل
الموبايل بييجى بأندرويد Pie و بيدعم ال Hyprid Slot و اللى هيا امكانية تركيب شريحتين اتصال أو شريحة اتصال واحدة معا كارت ميمورى مكان الشريحة التانية
و أخيرا سعر الموبايل هيكون 260 دولار يعنى حوالى 4350 جنيه