Energizer Ultimate U620S
شركة Energizer كانت أعلنت فى مؤتمر MWC اللى كان فى مدينة برشلونة فى شهر فبراير انها هتنتج حوالى 26 موبايل تنافس بيهم شركات الموبايلات الرئيسية وطبعا الأجهزة متنوعة مش كلها مواصفاته قوية ومش كلها ضعيف و احنا هتكلم عن الأجهزة المميزة بالذات زى ما اتكلمنا عن Energizer Ultimate U570S و اعتبرنا انه بوابة الشركة للمنافسة فى سوق الموبايلات هنتكلم برضه عن Ultimate U620S اللى بنعتبره بداية تطور الشركة
مواصفات الموبايل
الموبايل تصميمه ممتاز جدا خصوصا انه بييجى ب Water Drop Notch بال V Shape معا حواف صغيرة جدا و ألوان متدرجة من الضهر بتخلى شكل الموبايل تحفة
الشاشة بتكون 6.2 انش من نوع IPS LCD بدقة 720x1520 بيكسل بكثافة 265 بيكسل لكل انش
ألوان الموبايل Aurora Red, Aurora Blue
الموبيل بيدعم تركيب شريحتين اتصال فى نفس الوقت أو استخدام شريحة اتصال واحدة معا كارت ميمورى مكان الشريحة التانية
نظام التشغيل بيكون Android 9.0 Pie
الكاميرا الخلفية مزدوجة الأولى 16 ميجا بيكسل و التانية مستشعر عمق 2 ميجا بيكسل و الكاميرا بتدعم HDR و Panorama و فلاش ليد ثنائى
و بتصور فيديو بدقة 1080p بمعدل التقاط 30 اطار فى الثانية
الكاميرا السيلفى بتكون كاميرا واحدة بدقة 16 ميجا بيكسل بتدعم HDR وبتصور فيديو بدقة 1080p بمعدل التقاط 30 اطار فى الثانية
المعالج بيكون Mediatek Helio P35 بتكنولوجيا 12 نانو اللى بتعمل على تخفيض استهلاك البطارية بدرجة معقولة
أما المعالج الرسومى فبيكون PowerVR GE8320
و الرامات بتكون 4 جيجا بايت معا ذاكرة تخزين داخلية 64 جيجا بايت
وممكن طبعا اضافة كارت ميمورى زى ما قلنا مكان الشريحة التانية
البطارية بتيجى بسعة 4000 ميللى أمبير وده المتوقع من شركة متخصصة فى صنع البطاريات زى Energizer ومش بس المميز انها بسعة كبيرة لكنها كمان بتدعم الشحن السريع بقدرة 10W عن طريق منفذ شحن من نوع USB Type C وبصراحة ديه خطوة ممتازة جدا من Energizer انها تغير منفذ الشحن
سعر الموبايل الرسمى هيتم الأعلان عنه معا نزول الموبايل رسميا
مميزات الموبايل
. الموبايل يدعم مستشعر بصمة فى الجنب
. يدعم خاصية Face ID
. سعة البطارية كبيرة وبتدعم الشحن السريع
. منفذ الشحن بيكون USB Type C
. الموبيال بيدعم راديو FM و مدخل سماعات 3.5 ميللى
العيوب
. لا يدعم NFC
. لا يدعم تركيب شريحتين اتصال معا كارت ميمورى فى نفس الوقت
. جودة الشاشة ضعيفة رغم ان حجمها كويس
. الكاميرا متطورتش عن كاميرات Energizer Ultimate U570S
من وجهة نظرنا ان الموبايل أحسن بكتير من Energizer Ultimate U570S و فيه اختلافات كتير واضحة زى الشاشة اللى بقت أكبر و البطارية اللى بقت أكبر بكتير و خاصية الشحن السريع اللى مكانتش موجودة وطبعا نوع منفذ الشحن بقا USB Type C فبصراحة نقدر نقول ان الموبايل متكامل ويعتبر فعلا خطوة الشركة الحقيقة ناحية المنافسة و الموبايل فعلا يستاهل التجربة