Energizer Power Max P8100S موبايل بأقوى بطارية فى العالم مواصفات وسعر

Energizer Power Max P8100S
شركة Energizer أعلنت عن نزول أقوى موبايل فى سلسلة الموبايلات الجديدة اللى أنتجتها واللى هيكون موبايل جبار بمعنى الكلمة وده لأنه مش بس مواصفاته عالية لكن كمان بييجى بأقوى بطارية للموبايلات واللى هتكون 10000 ميللى أمبير وديه بصراحة حاجة خبايلية جدا وعمرنا ما كنا نتخيل ان فى شركة هتعمل موبايل فى الامكانيات ديه ولكن أكيد شركة زى Energizer متخصصة فى صناعة البطاريات لازم بطاريات أجهزتها تكون مختلفة

مواصفات الموبايل
الموبايل حسب التسريبات اللى ظهرت هنلاقى ان شكله جميل جدا معا حواف صغيرة لدرجة انها ممكن تبقى مش موجودة و هيكل قوى باطارات معدنية بتدى الموبايل شكل رهيب جدا
الشاشة بتكون 8.1 انش من نوع IPS LCD بدقة 1536x2048 بيكسل بكثافة 316 بيكسل لكل انش
بصراحة شاشة عملاقة جدا ودقتها كويسة
الموبايل بيدعم تركيب شريحتين اتصال معا كارت ميمورى
ألوان الموبايل المعروفة لحد دلوقتى هوا لون واحد Dark red
نظام التشغيل Android 9.0 Pie

الكاميرا الخلفية بتكون مزدوجة

1. الكاميرا الأولى 48 ميجا بيكسل PDAF بفتحة عدسة F1.8
2. الكاميرا التانية 12 ميجا بيكسل لخاصية العزل

الكاميرا بتدعم HDR و Panorama و فلاش ليد ثنائى 

وبتصور فيديو بدقة 2160p بمعدل التقاط 30 اطار فى الثانية

أما الكاميرا السيلفى فبتكون كاميرا واحدة 24 ميجا بيكسل 

الكاميرا بتدعم HDR و بتصور فيديو بدقة 1080p بمعدل التقاط 30 اطار فى الثانية

المعالج بيكون Snapdragon 855 بتكنولوجيا 7 نانو اللى بتقوم بتخفيض استهلاك البطارية بصورة كبيرة 

المعالج الرسومى بيكون Adreno 640 وده مبيهزرش خالص يعى مفيش أى لعبة تقيلة هتهنج أو مش هتشتغل وكمان هتلعب على أعلى اعدادات بسهولة 

وده لأن المعالج ده بالمعالج الرسومى الخاص بيه ها أقوى معالج من شركة Qualcomm و يعتبر أقوى معالج موجود لأجهزة الأندرويد وبيدقملك مميزاات كتير مش موجودة فى أى معالج أهمها الأداء القوى و السريع وسهولة فتح الألعاب و التنقل بين البرامج من غير تهنيج وكمان  تخفيض استهلاك البطارية لأقصى درجة 
الموبايل بييجى ب 8 جيجا بايت رام
و 256 جيجا بايت ذاكرة تخزين داخلية
معا امكانية تركيب كارت ميمورى لحد 256 جيجا بايت

البطارية بيتجى بسعة خرافية جدا 10000 ميللى أمبير وديه لحد دلوقتى أكبر سعة لبطارية موبايل وممكن متحتاجش شحن لمدة 3 أيام 
وكمان بتدعم الشحن السريع بقدرة 18W
و منفذ الشحن بيكون  USB Type C 
سعر الموبايل 1000 دولار تقريبا يعنى حوالى 17000 جنيه

مميزات الموبايل 

•  بييجى بشاشة عملاقة ودقتها عالية 
•  يدعم راديو FM ومنفذ شحن USB Type C
•  يدعم تركيب شريحتين اتصال معا كارت ميمورى
•  البطارية سعتها جبارة وممكن تفضل 3 أيام من غير شحن
•  بييجى بأقوى معالجات للأندرويد و ذاكرة تخزين داخلية عملاقة ورامات قوية جدا
•  الكاميرات ممتاز جدا ودقتها عالية 
•  يدعم خاصية الشحن السريع

العيوب

•  لا يدعم مدخل سماعات 3.5 ميللى
•  سعره غالى 
•  حجمه كبير 

الموبايل فلاج شيب ممتاز جدا و بييجى بمواصفات قياسية و أداء ممتاز جدا و الشركة بصراحة عملت اللى عليها فى الموبايل ده و اهتمت بكل التفاصيل الداخلية و الخارجية وعشان كده بنشوف موبايل تحفة بشاشة خرافية وبطارية مهولة و أقوى معالج متاح ورامات ممتازة و طبعا ذاكرة التخزين الداخلية كبيرة جدا 
كل المميزات ديه بتشفع للشركة ان سعر الموبايل عالى  و من المتوقع اطلاقه بشكل رسمى فى شعر نوفمبر 2019