Xiaomi Redmi 7
شهر مارس كان مليان مفاجأت شفنا فيه موبايلات رهيبة وشركات كتير أعلنت عن نزول موبايلات جديدة وتحديثات للأجهزة الحالية وشركة شاومى كان ليها نصيب من المفاجأت ديه بعد ما أعلنت عن نزول Redmi 7 فى مارس وأعلنت عن المواصفات الرهيبة للموبايل واللى هتكون كالأتى
مواصفات الموبايل
تصميم الموبايل كويس جدا عيبه الوحيد انه من البلاستيك اللى مش هيديك احساس ان الموبايل Premium أوى
الشاشة بتكون 6.26 انش من نوع IPS LCD بدقة 720x1520 بيكسل وبكثافة 269 بيكسل لكل انش وبتيجى ب Water Drop Notch بتحتوى على الكاميرا السيلفى
و بتيجى بطبقة حماية Corning Gorilla Glass 5
وزن الموبايل 180 جرام و أبعاده 158.7 x 75.6 x 8.5 mm (6.25 x 2.98 x 0.33 in)
الموبايل بيدعم تركيب شريحتين اتصال معا تركيب كارت ميمورى فى نفس الوقت
اصدار أندرويد بيكون Android 9.0 Pie بواجهة MIUI 9
الكاميرا الخلفية بتكون 12 ميجا بيكسل بفتحة عدسة F2.2 معا كاميرا ثانوية 2 ميجا بيكسل بتعمل كمقياس عمق
الكاميرات بتدعم HDR و Panorama و بتصور فيديو لحد دقة 1080p بمعدل التقاط 30 اطار فى الثانية
الكاميرا الأمامية 8 ميجا بيكسل و بتدعم HDR وبتصور فيديو بدقة 1080p بمعدل التقاط 30 اطار فى الثانية
المعالج بيكون Snapdragon 632 من Qualcomm بتكنولوجيا 14 نانو و المعالج الرسومى Adreno 506 من Qualcomm برضه
الموبايل فيه منه 3 نسخ :
نسخة 64 جيجا بايت ذاكرة داخلية معا رامات 4 جيجا بايت
نسخة 32 جيجا بايت ذاكرة داخلية معا رامات 3 جيجا بايت
نسخة 16 جيجا بايت ذاكرة داخلية معا رامات 2 جيجا بايت
معا امكانية تركيب كارت ميمورى لحد 512 جيجا بايت فى منفذ منفصل
البطارية بتيجى بسعة 4000 ميللى أمبير وبتدعم الشحن السريع بقدرة 10W معا منفذ شحن Micro USB 2.0
سعر الموبايل 145 دولار يعنى ما يعدل 2500 جنيه مصرى
مميزات الموبايل
. بيدعم تركيب شرحتين اتصال وكارت ميمورى فى نفس الوقت
. بيدعم راديو FM معا منفذ سماعات 3.5 ميللى
. بيدعم مستشعر بصمة فى الضهر
. سعة البطارية كبيرة جدا وبتدعم الشحن السريع
العيوب
. خامات التصنيع من البلاستيك مش الزجاج أو المعدن
. جودة الشاشة متوسطة
. جودة الكاميرات ضعيفة مقارنة بالمنافسين
رأينا فى الموبايل انه كويس جدا خصوصا ان سعره فى المتناول وبيقدم مواصفات متميزة صعب انك تلاقيها بالسعر ده و لو بتدور على مواصفات أعلى ننصحك ب Redmi Note 7 اللى سعره مش هيزيد كتير