Meizu Note 9
شركة ميزو الصينية أعلنت عن نزول أحدث موبايلاتها فى شهر مارس اللى فات والشركة واضح انها بتحاول تنافس بقوة فى ظل وجود منافسين شرسين أبرزهم فيفو اللى دايما بتنزل موبايلات جديدة و قوية وعشان كده لازم نوضح كل مميزات موبايل النهاردة ونشوف هل هيقدر على المنافسة ولا لأ
مواصفات الموبايل
الموبايل تصميمه جميل وشكله حلو ومصنوع من المعدن ووزنه 170 جرام وبييجى بشاشة بحجم 6.2 انش من نوع IPS LCD بدقة 1080x2244 بيكسل وبكثافة 403 بيكسل لكل انش
الموبايل بيدعم تركيب شريحتين اتصال و مبيدعمش تركيب كارت ميمورى
اصدار الأندرويد Android Pie 9.0 بواجهة Flyme 7.2
ألوان الموبايل أسود و أبيض و أزرق
الكاميرات الخلفية 2 الأولى 48 ميجا بيكسل بفتحة عدسة F1.7 و الكاميرا التانية 5 ميجا بيكسل بتعمل ك Depth Sensor و الكاميرات فيها خاصية Panorama و مدعومة بفلاش ليد ثنائى وبتصور فيديو بجودة 1080p
الكاميرا الأمامية واحدة بس 20 ميجا بيكسل بفتحة عدسة F2.0
المعالج بيكون من نوع Snapdragon 675 اللى بييجى بتقنية 11 نانوميتر ويعتبر معالج قوى و ادائه عالى أما المعالج الرسومى فبيكون Adreno 612
الرامات 4 جيجا بايت معا ذاكرة تخزين 64 جيجا بايت أو 6 جيجا بايت رام معا ذاكرة تخزين 64 جيجا أو 128 جيجا بايت
سعة البطارية 4000 ميللى أمبير وبتدعم الشحن السريع بقدرة 18W ومنفذ الشحن بيكون USB Type C
سعر الموبايل حوالى 220 دولار ما يعادل تقريبا 3800 جنيه مصرى
ملخص مميزات الموبايل
. أداء الموبايل قوى جدا بالنسبة لسعره خصوصا الرامات و المعالجات
. ال Resolution أو دقة الشاشة عالية جدا وكثافة البيكسلات كويسة
. سعة البطارية كبيرة ومش هتحتاج شحن كل شوية
. بيدعم الشحن السريع ومنفذ الشحن Type C
. اداء الكاميرا الأمامية و الخلفية عالى جدا وصعب تلاقى بالسعر ده كاميرا 48 ميجا بيكسل
. الموبايل بيدعم مستشعر بصمة فى الضهر
. بييجى بمنفذ سماعات 3.5 ميللى
ملخص العيوب
. مبيدعمش تركيب كارت ميمورى
. مش مقاوم للأتربة و الغبار
. الشاشة IPS مش Amoled
بصراحة نقدر نقول ان الموبايل ده مميزاته أكتر بكتير من عيوبه والى كتير من المستخدمين ممكن ما يعتبروهاش عيوب أصلا خصوصا نوع الشاشة لأن دقة الشاشة وجودتها عالية حتى وهيا مش أموليد واحنا شايفين ان فى الفئة السعرية ديه الموبايل لحد دلوقتى ملوش منافسين كتير