Meizu 16s
شركة Meizu الصينية اتكلمنا عنها قبل كده وعن أجهزتها اللى دايما بتكون متطورة وتصميمها حلو و الشركة تعتبر من أقوى المنافسين للشركات الصينية و العالمية خصوصا انها بتقدم أعلى مواصفات ممكن نطلبها فى الموبايل وده هيتضح أكتر فى موبايل النهاردة اللى حرفيا فيه أعلى مواصفات ممكنة
مواصفات الموبايل
الموبايل تصميمه جميل جدا وبييجى من غير حواف خالص و ال كاميرا الأمامية اللى بتسبب مشكلة لشركات كتير مكانتش عقبة أمام ابداع الشركة اللى خلت الكاميرا فى الحافة العليا للموبايل واللى مش هتكون أكتر من 2 سم وبكده تبقى الشركة مش مضطرة انها تحط نوتش أو Pop-Up أو حتى خرم فى الشاشة وبصراحة دى من أحسن الأفكار اللى شفناها لحد دلوقتى وكمان من أبسط الأفكار
وزن الموبايل 165 جرام بأبعاد 151.9 x 73.4 x 7.6 mm (5.98 x 2.89 x 0.30 in)
وخامات تصنيع من الزجاج و المعدن
الشاشة 6.2 انش من نوع Super Amoled و النوع ده طبعا من أحسن أنواع الشاشات و جودته عالية و علشان يكون الموبايل فيه بصمة شاشة يبقى لازم تكون Amoled
دقة الشاشة بتكون 1080x2232 بيكسل بكثافة 400 بيكسل لكل انش
ألوان الموبايل Carbon Black, Pearl White, Phantom Blue
نظام التشغيل Android Pie 9.0 بواجهة Flyme 7.3
الموبايل بيدعم تركيب شريحتين اتصال و مبيدعمش تركيب كارت ميمورى
الكاميرا الخلفية مزدوجة
الكاميرا الأولى 48 ميجا بيكسل بفتحة عدسة F1.7
الكاميرا التانية 20 ميجا بيكسل Telephoto بفتحة عدسة F2.6
الكاميرا بتدعم Six-LED dual-tone flash, Auto-HDR, panorama و Stabilization OIS و كمان بتدعم خاصية Touch-to-focus, Phase Detection AF, Laser AF و بتصور فيديو لحد دقة 2160p بمعدل التقاط 30 اطار فى الثانية
الكاميرا الأمامية بتكون كاميرا واحدة بس 20 ميجا بيكسل بفتحة عدسة F2.2 و بتدعم HDR وبتصور فيديو بدقة 1080p بمعدل التقاط 30 اطار فى الثانية
المعالج بيكون Snapdragon 855 بتكنولوجيا 7 نانو من شركة Qualcomm وطبعا المعالج ده رهيب جدا وغنى عن التعريف و هوا أقوى معالج من شركة كوالكوم ويعتبر أقوى معالج لأجهزة الأندرويد ده غير تكنولوجيا 7 نانو اللى هتخفض من استهلاك البطارية بصورة كبيرة جدا
المعالج الرسومى بيكون Adreno 640 وبرضه هوا أقوى معالج رسومى من شركة كوالكوم و المعالج ده هيخلى الموبايل يشغل أى لعبة على أعلى اعدادات بسهولة ومش هيهنح أو يعلق خالص معا أى تطبيق
الموبايل بييجى ب 3 نسخ
النسخة الأولى 256 جيجا بايت ذاكرة تخزين داخلية معا 8 جيجا بايت رام
النسخة التانية 128 جيجا بايت ذاكرة تخزين داخلية معا 8 جيجا بايت رام
النسخة الأخيرة 128 جيجا بايت ذاكرة تخزين داخلية معا 6 جيجا بايت رام
أما البطارية فبتكون بسعة 3600 ميللى أمبير و بتدعم خاصية الشحن السريع بقدرة 24W من نوع mCharge و منفذ الشحن بيكون USB Type C
سعر الموبايل 470 دولار تقريبا يعنى حوالى 8000 جنيه
مميزات الموبايل
. يدعم مستشعر بصمة فى الشاشة
. البطارية سعتها كبيرة وبتدعم الشحن السريع
. منفذ الشحن USB Type C ودي حاجة كويسة جدا
. جودة الشاشة عالية جدا ودقتها رهيبة ده غير ان ألوانها جميلة جدا
. الموبايل بييجى بأعلى امكانيات موجودة وبأقوى معالجات متاحة
. أقوى أداء للكاميرات الخلفية و الأمامية
العيوب
. لا يدعم تركيب كارت ميمورى
. لا يوجد مدخل سماعات 3.5 ميللى
. لا يدعم راديو FM
بصراحة الموبايل حاجة خيال ومش ممكن تلاقى كل الأماكنيات ديه و المميزات الرهيبة ديه خصوصا البصمة اللى فى الشاشة الا فى موبايل فلاج شيب محترم وطبعا سعره هيكون أكتر من 10000 جنيه بس شركة Meizu بتعمل المعادلة الصعبة اللى هيا أعلى مواصفات و أداء و كاميرات بسعر أقل من المنافسين وعشان كده لازم نعترف ان ميزو أبدعت فى الموبايل ده