شركة هواوى الغنية عن التعريف طبعا بتصر على انها تفاجئنا بابداعاتها اللى مبتخلصش ومنهم موبايل النهاردة اللى يعتبر موبايل خفيف و امكانياته كويسة جدا وهايلة رغم انها مش أحدث حاجة بس بتقدم اداء قوى جدا بالنسبة للسعر
شكل الموبايل جميل جدا وبييجى بشاشة 6.21 انش من نوع IPS LCD بدقة 1080x2340 بيكسل وبكثافة 415 بيكسل لكل انش وطبعا معا وجود النوتش الصغير WaterDrop Notch
و الموبايل بيدعم تركيب شريحتين اتصال و تركيب كارت ميمورى فى مكان الشريحة التانية و بييجى بواجهة اندرويد Pie 9.0 بواجهة مستخدم EMUI 9
الكاميرا الخلفية بتكون ثلاثية الأولى 24 ميجا بيكسل و الكاميرا التانية 16 ميجا بيكسل بتصور بزاوية UltraWide و الكاميرا التالتة 2 ميجا بيكسل بفتحة عدسة F2.4 بتعمل ك Depth sensor وطبعا الكاميرات بتدعم HDR وبتصور فيديو بجودة 1080p
اما الكاميرا السيلفى فبتكون واحدة بس بدقة 8 ميجا بيكسل و بفتحة عدسة F2.0 وبرضه بتدعم HDR وبتصور فيديو بجودة 1080p
بالنسبة للمواصفات الداخلية للجهاز فهنلاقى ان المعالج من نوع Kirin 710 الخاص بأجهزة هواوى معا معالج رسومى من نوع Mali-G51 MP4
و الرامات نسخة 4 جيجا بايت معا نسختين ذاكرة داخلية 64 جيجا بايت و النسخة التانية فبتكون 128 جيجا بايت وممكن اضافة كارت ميمورى زى ما قلنا فى مكان الشريحة التانية
البطارية سعتها بتكون كبيرة 3400 ميللى أمبير و بتدعم الشحن السريع بقدرة 10 وات ومنفذ الشحن بيكون Micro USB 2.0
الموبايل طبعا بيكون متوفر بألوان كتيرة زى الأسود و الأحمر و الأزرق و البنفسجى ده غير انه بييجى بمنفذ سماعات 3.5 ميللى و سعره بيكون حوالى 230 دولار يعنى تقريبا 4000 جنيه مصرى