Huawei 20i
شركة هواوى دايما بتقدم أجهزة قوية جدا و فى الفترة الأخيرة نقدر نقول انها واحدة من أقوى الشركات اللى بتنافس فى الفئة المتوسطة ده لو مكانتش الأقوى و دايما أجهزتها بتتميز بأنها مختلفة فى الشكل و الألوان الجميلة
مواصفات الموبايل
وزن الموبايل 164 جرام و أبعاده 154.8 x 73.64 x 7.95 mm
وخامات التصنيع من البلاستيك اللى للأسف بيخلى الموبايل قيمته قليلة وبيدى احساس انه مش Premium على عكس المعدن أو الزجاج
الشاشة 6.21 انش من نوع IPS بدقة 1080x2340 بيكسل بكثافة 415 بيكسل لكل انش وبتيجى ب Water Drop Notch فيها الكاميرا السيلفى
وبصراحة الشاشة دقتها ممتازة وكثافة البيكسلات ممتازة برضه ولكن جودة الشاشة ال IPS مش زى جودة ال Amoled
الموبايل بيدعم تركيب شريحتين اتصال أو شريحة واحدة كارت ميمورى مكان الشريحة التانية
ألوان الموبايل أسود وأزرق و أحمر
الكاميرا الخلفية 3 كاميرات
الكاميرا الأولى 25 ميجا بيكسل بفتحة عدسة F1.8
الكاميرا التانية 2 ميجا بيكسل بفتحة عدسة F2.4
الكاميرا التالتة 8 ميجا بيكسل بزاوية UltraWide
الكاميرا بتصور فيديو بدقة 1080p بمعدل التقاط 30 اطار فى الثانية
الكاميرا السيلفى 32 ميجا بيكسل بفتحة عدسة F2.0 وبتصور فيديو برضه بدقة 1080p بمعدل التقاط 30 اطار فى الثانية
الكاميرات بتدعم HDR , Touch-to-focus, Phase Detection AF و EIS Stabilization ,و خصائص الكاميرا كتير زى Autofocus, Continuous shooting, Digital zoom, Digital image stabilization, Geotagging, Panorama, HDR, Touch focus, Face detection, White balance settings, ISO settings,
المعالج بيكون Kirin 710 الخاص بأجهزة هواوى و اللى يعتبر معالج ممتاز جدا ولكنه مش أفضل معالج فى سلسلته ويعتبر قديم مقارنة بالمعالجات التانية
و المعالج الرسومى بيكون ARM Mali-G51 MP4
الرامات بتكون 6 جيجا معا ذاكرة تخزين 128 جيجا بايت وومكن اضافة كارت ميمورى مكان شريحة الاتصال التانية
البطارية بتيجى بسعة 3400 ميللى أمبير ومبتدعمش الشحن السريع و منفذ الشحن بيكون Micro USB 2.0
سعر الموبايل لحد دلوقتى متأكدش ولكن بنتوقع انه يكون فى حدود 300 دولار يعنى حوالى 5150 جنيه مصرى
مميزات الموبايل
. الشاشة دقتها عالية
. يدعم مستشعر بصمة فى الضهر
. ممكن تركيب شريحتين أو شريحة وكارت ميمورى
. يدعم راديو FM و مدخل سماعات 3.5 ميللى
العيوب
. خامات التصنيع من البلاستيك
. الشاشة مش Amoled واللى تعتبر من أحسن أنواع الشاشات
. مبيدعمش خاصية الشحن السريع و اللى بقت واحدة من أكتر المميزات الأساسية فى موبايلات كتير
من وجهة نظرنا نقدرنقول ان الموبايل كويس جدا ولكن كان ينقصه مميزات كتير زى نوع الشاشة الأموليد و الشحن السريع و منفذ الشحن Type C ولكن معا وجود العيوب ديه ممكن الموبايل ميبقاش أفضل اختيار فى فئته السعرية خصوصا ان مواد التصنيع من البلاستيك