الموبايل ده بيحقق المعادلة الصعبة اللى هيا الامكانيات المعقولة و السعر الرخيص و خصوصا انه امكناياته كويسة جدا وسعره فى المتناول مش هيعدى 2500 جنيه وبيقدم اداء قوى سواء فى الاستخدام العادى او الاستخدام التقيل وهنوضح كل مميزات ومواصفات الموبايل
شاشة الموبايل بتكون 6.1 انش من نوع IPS LCD بدقة 720x1560p بكثافة 282 بيكسل لكل انش وكمان بييجى بنوتش صغيرة اللى هيا Dew Drop Notch
و الموبايل تصميمه جميل والوانه كويسة ومن الضهر هنلاقى انه من البلاستيك مش الزجاج او المعدن وطبعا البلاستيك كويس فى انه بيقاوم الكسر فى الصدمات او الوقعات ولكن مبيديش احساس ان الموبايل غالى خالص
الموبايل بيدعم استخدام شريحتين اتصال واضافة كارت ميمورى فى منفذ منفصل
الكاميرا الخلفية للموبايل 13 ميجا بيكسل بفتحة عدسة F1.8 فيها خاصية ال HDR وبتصور فيديو بجودة 1080p بمعدل 30 Frame فى الثانية
الكاميرا السيلفى 8 ميجا بيكسل بفتحة عدسة F2.0 برضه بتدعم HDR وبتصور فيديو بجودة 1080p بمعدل 30 Frame فى الثانية
طبعا الكاميرات مش احسن حاجة ولكن بالنسبة لسعر الموبايل فهي كويسة جدا
اما بالنسبة للموصفات الداخلية للموبايل فالمعالج بيكون من نوع MediatekHelio P35 والمعالج الرسومى PowerVR GE8320
والرامات بتكون 3 جيجا بايت أو 2 جيجا بايت معا نسختين للذاكرة الداخلية الاولى 32 جيجا بايت و التانية 64 جيجا بايت
و البطارية سعتها 3020 ميللى أمبير و مبتدعمش الشحن السريع
الموبايل على الرغم من عيوبه زى الكاميرا اللى مش كويسة اوى و الشحن السريع اللى مش موجود الا انه بيقدم مميزات كويسة زى كارت الميمورى و الشريحتين و منفذ السماعات 3.5 ميللى و بصمة فى الضهر
ولكن أهم ميزة فيه هيا سعره وخصوصا انه تقريبا هيكون ب 2200 جنيه مصرى