ZTE Blade V10
الشركة الصينية بتستمر فى طرح أجهزة قوية ودايما تصميماته جذابة ونفس الكلام ينطبق على الفئة المتوسطة اللى بينتمى ليها موبايل النهاردة واللى رغم انه ينتمى لفئة سعرية متوسطة الا انه يحتوى على مميزات رهيبة جدا هنتكلم عنها التفصيل
شكل المويايل جميل وتصميمه مريح وبييجى تقريبا من غير حواف وشاشته كبيرة 6.3 انش من نوع IPS بدقة 1080X2280pبيكسل بكثافة بيكسلات 400 بيكسل لكل انش ألوانها ممتازة وسطوعها كويس جدا وبتيجى بالنوتش الصغيرة Waterdrop Notch بتحتوى على الكاميرا السيلفى
طالما جيبنا سيرة الكاميرا يبقى نتكلم عنها بالتفصيل
الكاميرا الخلفية للموبايل مزدوجة الأولى بتكون بدقة 16 ميجا بيكسل وبفتحة عدسة F1.8
و الكاميرا التانية 5 ميجا بيكسل بفتحة عدسة F2.4
أما الكاميرا السيلفى فبتكون 32 ميجا بيكسل وبتحتوى على LED Flash
الأداء الداخلى للموبايل بيكون معقول زى مثلا وجود معالج Octacore 2.1 GHZ
وكمان الرامات نسختين الأولى 4 جيجا رام معا ذاكرة داخلية 64 جيجا
و النسخة التانية 3 جيجا رامات معا ذاكرة داخلية 32 جيجا
البطارية بتكون بسعة 3200 ميللى أمبير وبدعم الشحن السسريع وعن طريق من منفذ شحن Type C
كمان من الحاجات اللى بتميز الموبايل انه لسه فيه منفذ لسماعات 3.5 ميللى وكمان فيه بصمة فى الضهر وكمان الموباايل بيشتغل بنظام Android Pie 9.0 بواجهة نظام Mifavor9.0
كمان بيدعم تركيب شريحتين أو شريحة وكارت ميمورى ده غير وجود حساسات كتير زى Accelerometer و Gyro و Proximity و Compass
كل ده وسعر الموبايل حوالى 5500 جنيه مصرى
Comments
Post a Comment