Vivo V15 Pro مواصفات وسعر أول موبايل فى العالم بكاميرا منزلقة 32 ميجا بيكسل
Not allow reviews
شركة فيفو الصينية ما بتبطلش تفاجأنا باختراعاتها و الاضافات اللى دايما بتخلى أجهزتها مميزة وجهاز النهاردة من النظرة الأولى هتعجب بيه جدا خصوصا بسبب شكله وتصميمه الرهيب اللى بيحل مشكلة النوتش اللى وقعت فيها موبايلات كتر و النهاردة هنعرف المشكلة دى اتحلت ازاى
Descriptions
Vivo V15 Pro موبايل بكاميرا خلفية 48 ميجا بيكسل وكاميرا سيلفى منزلقة 32 ميجا بيكسل
شركة فيفو الصينية ما بتبطلش تفاجأنا باختراعاتها و الاضافات اللى دايما بتخلى أجهزتها مميزة وجهاز النهاردة من النظرة الأولى هتعجب بيه جدا خصوصا بسبب شكله وتصميمه الرهيب اللى بيحل مشكلة النوتش اللى وقعت فيها موبايلات كتر و النهاردة هنعرف المشكلة دى اتحلت ازاى
شكل الموبايل طبعا زى ما قلنا جميل جدا وعصرى وتصميمه رهيب جدا وبييجى تقريبا من غير حواف خالص وبشكل مميز فى الضهر
الشاشة حجمها 6.39 انش من نوع Super Amoled بدقة 1080X2316 بيكسل وبكثافة بيكسلات 400 بيكسل لكل انش و الشاشة هتديك تجربة ممتازة وألوانها وسطوعها ممتاز جدا بس الحاجة المميزة جدا فى الشاشة هيا عدم وجود نوتش وكمان مفيش كاميرا أمامية واللى بيخلى الموبايل حرفيا كله شاشة وقبل ما نسأل على طريقة تصوير السيلفى لازم نوضح الكاميرا الأمامية راحت فين
الكاميرا الأمامية بتيجى فى شكل Pop-Up منزلقة بتطلع وتنزل بصورة أوتوماتيكية وبتكون بدقة 32 ميجا بيكسل وبكده يبقى أول موبايل فى العالم بكاميرا منزلقة بالدقة ديه و بتدعم HDR وكمان بتصور فيدية بجودة 1080P وطبعا فكرة وجود الكاميرا بالشكل ده حلت مشكلة النوتش اللى بقت بتضايق كتير من المستخدمين
كمان الكاميرا الخلفية اضافة مميزة جدا خصوصا انها ثلاثية الكاميرا الأولى بتكون 48 ميجا بيكسل بفتحة عدسة F1.8 والكاميرا التانية 8 ميجا بيكسل Ultrawide
و الكاميرا التالتة 5 ميجا بيكسل بعدسة F2.4 بتعمل كسينسور للعزل
وكمان المبهر فى الموبايل مش بس الكاميرات العالية جدا ولكن برضه المواصفات الداخلية بتقدم أداء قوى وده بيرجع لوجود المعالج Snapdragon675 الجديد كليا وبيقدم أداء قوى ومميز وبييجى بتقنية 11 نانو ميتر وكمان المعالج الرسومى من نوع Adreno612
و الموبايل بييجى بذاكرة داخلية 128 جيجا بايت ونسختين من الرامات الأولى 6 جيجا بايت و النسخة التانية بتكون 8 جيجا بايت
سعة البطارية حوالى 3700 ميللى أمبير بطارية قوية جدا وكمان بتدعم خاصية الشحن السريع ومنفذ الشحن Micro USB V2.0
الموبايل بييجى بنظام Android Pie 9.0 بواجهة Funtouch 9
كمان الموبايل بيقدم مميزات وخواص كلنا بنحبها زى وجود منفذ سماعات 3.5 ميللى واللى كان اختفى فى موبايلات كتير جديدة وسبب مشكلة بالنسبة لكتير من المستخدمين
كمان الموبايل بيدعم تركيب كارت ميمورى لحد 512 جيجا بايت وكمان بيشتغل بشريحتين اتصال وبيدعم GPS وأخيرا وأهم خاصية فيه انه بييجى بمستشعر بصمة مدمج فى الشاشة و اللى بقى Trend فى الموبايلات الفلاج شيب
بصراحة الموبايل ممتاز جدا وبيقدم خواص كتير صعب انك تلاقيها فى موبايل تانى وتصميمه جميل جدا وبصراحة شركة Vivo ما بتبطلش تقدم اختراعات و تطويرات رهيبة و الموبايل ده بالذات فيه لمسة اختلاف بتخليك تحب تشتريه زى طبعا عدم وجود حواف وبصمة الشاشة و كاميراته الممتازة وشكله وتصميمه الجميل جدا
وكل ده بيكون بسعر حوالى 400 دولار بس وكلمة بس مش معناها انه رخيص ولكن المميزات ديه كلها لما تجتمع فى موبايل صعب انه يكون بالسعر ده