Vivo IQOO مواصفات وسعر أول موبايل فى العالم بيتشحن فى 45 دقيقة
بصراحة شركة فيفو الصينية دايما بتبهرنا بموبايلاتها اللى على طول مختلفة عن الشركات التانية وعلى طول بيبقى فيه اضافات جديدة فى كل موبايل جديد وطبعا سنة 2019 رغم انها مليانة بموبايلات جديدة الا ان فيفو برضه ليها وجود وبتثبت نفسها باصدارات حديثة و أجهزة فلاج شيب بمواصفات عالية زى جهاز النهاردة واللى كالعادة هنتكلم عنه بالتفصيل
Descriptions
Vivo IQOO تحفة فيفو الجديدة
بصراحة شركة فيفو الصينية دايما بتبهرنا بموبايلاتها اللى على طول مختلفة عن الشركات التانية وعلى طول بيبقى فيه اضافات جديدة فى كل موبايل جديد وطبعا سنة 2019 رغم انها مليانة بموبايلات جديدة الا ان فيفو برضه ليها وجود وبتثبت نفسها باصدارات حديثة و أجهزة فلاج شيب بمواصفات عالية زى جهاز النهاردة واللى كالعادة هنتكلم عنه بالتفصيل
مبدأيا الموبايل شكله جميل جدا وشبابى ومن النظرة الأولى هحس انه فعلا فلاج شيب و Premium ده غير ان الموبلايل معمول للGamers وشكله بيوحى بكده
شاشة الموبايل كبيرة بحجم 6.41 انش من نوع Amoled بدقة 1080X2340 وبكثافة بيكسلات 402 بيكسل لكل انش
الكاميرات الخلفية 3 الأولى 12 ميجا بيكسل بفتحة عدسة F1.8 والتانية 13 ميجا بيكسل Ultrawide و التالتة 2 ميجا بيكسل Depth Sensor و الكاميرات بتدعم الHDR و البانوراما
أما الكاميرا السيلفى بتكون 12 ميجا بيكسل وبتدعم HDR
المواصفات الداخلية للموبايل بتكون معالج من نوع Snapdragon 855 وده طبعا أقوى وأحدث معالج من Qualcom وكمان معالج الرسوميات من نوع Adreno640
الرامات و بتكون على حسب نسخة ذاكرة التخزين واللى بتكون نسختين النسخة الأولى 128 جيجا بايت وبتكون معاها رامات 6 جيجا أو 8 جيجا
النسخة التانية بتبقى 256 ذاكرة تخزين و رامات 8 جيجا أو 12 جيجا بايت
البطارية سعتها كبيرة وبتكون 4000 ميللى أمبير بس مش ديه الحاجة اللى بتميزها ولكن الميزة الكبيرة اللى فيها هيا الشحن السريع واللى ممكن يشحن 50% فى حوالى ربع ساعة ويشحن 100%فى حوالى 45 دقيقة بس وده الموبايل الوحيد فى العالم اللى بيحقق الأرقام ديه
الموبايل بصراحة فلاج شيب ممتاز وتصميمه جميل جدا وشكله شبابى وكمان المواصفات الداخلية عالية وهيديك أداء قوى جدا خصوصا انه جاى بأقوى نوع ممن معالجات كوالكوم وكمان الرامات العالية ومن المميزات الرهيبة اللى فيه الشحن السريع الفائق جدا وكمان وجود بصمة فى الشاشة واللى بتحتاج شاشة أموليد عشان تشتغل الخاصية ديه
كمان فيه ميزة وجود نظام تبريد قوى بيشتغل خاصة لما تستعمل الجهاز استعمال قوى بالنسبة للألعاب وطبعا لازم نوضح ان الجهاز موجه للألعاب وبيحاول يديك أفضل تجربة ألعاب
و فيه خاصية ال Multi Turbo والميزة ديه بتساعد فى تسريع فتح التطبيقات وكمان بتعمل على الانتقال بشكل سريع جدا بين شبك الواى فاى وشبكة ال 4G وده بساعد جدا لو انتا فاتح لعبة والانترنت قفل عندك
بصراحة الجهاز رهيب جدا ونظام تشغيله Android Pie 9.0 معا واجهة Funtouch 9 بتخليه شغال بسرعة وسلاسة وهيقدملك تجربة استخدام ممتاز وسعره هيكون من أول 540 دولار لأقل منسخة لحد 740 دولار لأعلى نسخة