Sony Xperia 1 موبايل برؤية جديدة
شركة سونى تعود بقوة للأسواق بعد ما أعلنت عن نزول موبايلات جديدة فى معرض MWC فى برشلونة فى شهر فبراير واللى كان ملفت أوى للانتباه هوا الموبايل ده واللى يعتبر أول موبايل فى العالم بشاشة OLED بدقة 4K HDR
كتصميم هنلاقى ان شركة سونى غيرت التصميم بالكامل والمرادى الموبايل جاى بسماكة أقل و خامات التصنيع من القزاز معا Frame من الألومنيوم وكمان الموبايل محمى بطبقة حماية Gorilla Glass 6
شكل الموبايل جميل جدا وتصميمه مبهر وهتحس فعلا وانتا ماسكه انه جهاز غالى و Premuim جدا ده غير طبعا ألوانه الجميلة جدا زى الأسود والبنفسجى والرمادى والأبيض
الشاشة 6.5 انش OLED وبدقة 4K HDR وبكثافة بيكسلات 643 بيكسل لكل انش وطبعا ده أول موبايل فى العالم بدقة الشاشة ديه وكمان الموبايل بييجى من غير نوتش
وكمان الملفت فى الموبايل انك هتحس انه طويل شوية وده يرجع لأبعاد الشاشة اللى بتكون 21:9 المختلفة تماما عن أى جهاز موجود وده يخلى الموبايل مميز عن غيره
الموبايل بييجى ب 3 كاميرات خلفية كلها بدقة 12 ميجا بيكسل بس الفرق ان الكاميرا الأولى بفتحة عدسة F1.6 بتصور بزاوية واسعة Wide
و الكاميرا التانية Telephoto بفتحة عدسة F2.4 والكاميرا الأخيرة Ultrawide برضه بفتحة عدسة F2.4
أما الكاميرا السيلفى فبتكون كاميرا واحدة Wide بدقة 8 ميجا بيكسل وبفتحة عدسة F2.0
مواصفات الموبايل الداخلية عالية جدا وخصوصا انه بييجى بمعالج من نوع Snapdragon 855 بتقنية 7 نانو ميتر اللى يعتبر أخر اصدار من معالجات Qualcom وطبعا هوا أقوى معالج لحد دلوقتى
وكمان المعالج الرسومى بيكون Adreno 640 يعنى بصراحة ديه أقوى امكانيات ممكن نتخيلها وموبايلات قليلة بس اللى ممكن تحتوى على مواصفات زى كده
وده طبعا غير الرامات اللى بتكون 6 جيجا بايت والذاكرة الداخلية بتكون 64 جيجا بايت أو نسخة تانية أعلى بتكون 128 جيجا بايت
بطارية الموبايل بتيجى بسعة 3300 ميللى أمبير وبتدعم الشحن السريع عن طريق منفذ شحن USB Type C وطبعا وجود المعالج القوى بيساعد فى تخفيض استهلاك البطارية
وديه مش كل مميزات الموبايل لكن فيه شوية تفاصيل صغيرة بتخليه مختلف تماما عن أى موبايل شفناه قبل كده زى طبعا انه أول موبايل بييجى بشاشة OLED بالدقة الخرافية 4K HDR وطبعا الابعاد 21:9 السينمائية
واللى بتقدملك تجربة اسثنائية فى مشاهدة الأفلام خاصة ان موقع نيتفليكس حاليا بيدعم الأبعاد 21:9 بالاضافة الى ان سونى تعاونت معا صانعى الألعاب زى Fortnite و Asphalt وغيرهم لدعم الأبعاد الجديدة وكمان الأبعاد ديه بتوفرلك مساحة أكبر للمهام المتعددة
كمان حسب ما أعلنت شركة سونى انها تعاونت معا فريق Sony Alpha المسئوول عن الكاميرات الاحترافية بحيث انه تم اضافة مجموعة كبيرة من أنماط التصوير الاحترافية فى Xperia One والجهاز يقدر يصور بجودة 4K HDR بأبعاد 21:9
وهوا نفس النمط السينمائى اللى بيستخدم فى صناعة الأفلام كمان الكاميرات بتتيح لأول مرة خاصية التركيز التلقائى على العين ال Eye Autofocus للحصول على أفضل حدة للصورة من ناحية التفاصيل و الميزة ديه موجودة فى كاميرات سونى الاحترافية و أول مرة تطبق فى الموبايلات
سعر الموبايل هيكون حوالى 1150 دولار ولسه مش معروف امتى هيتوافر فى الدول العربية