Huawei Nova 4e مواصفات وسعر تحفة هواوى
شركة هواوى أعلنت فى الصين عن أول أفراد عيلة P30 واللى هيكون اسمه Nova 4e وطبعا سلسلة نوفا محققة نجاح كبير جدا فى الوطن العربى خصوصا انها من الفئة المتوسطة ولكن امكانياتها قوية جدا ده غير التصميم العصرى و الجذاب فى السلسلة ديه والنهاردة هنتكلم عن مواصفات الجهاز بالتفصيل
Descriptions
Huawei Nova 4e أو P30 Lite
شركة هواوى أعلنت فى الصين عن أول أفراد عيلة P30 واللى هيكون اسمه Nova 4e وطبعا سلسلة نوفا محققة نجاح كبير جدا فى الوطن العربى خصوصا انها من الفئة المتوسطة ولكن امكانياتها قوية جدا ده غير التصميم العصرى و الجذاب فى السلسلة ديه والنهاردة هنتكلم عن مواصفات الجهاز بالتفصيل
من النظرة الأولية هنلاقى ان التصميم عصرى جدا بهيكل زجاجى منحنى من الضهر بيسهل عملية مسكه معا اطار من المعدن ووزن الموبايل 159 جرام بسماكة 7.4 مللم وبيدعم تركيب شريحتين اتصال وشبكات ال 4G
الموبايل هيتوفر بعدة ألوان متدرجة وهيا الأسود و الأبيض و الأزرق
وشاشة الموبايل حجمها 6.15 انش بدقة + Full HD بكثافة 415 بيكسل من نوع IPS LCD و بتييجى بنوتش من نوع Water Drop الكاميرا الأمامية فيها
وبييجى مستشعر البصمة فى ضهر الجهاز و الموبايل بييجى بأندرويد Pie 9.0 بواجهة نظام EMUI 9 من هواوى
الكاميرا الخلفية ثلاثية الأولى 24 ميجا بيكسل بفتحة عدسة F1.8 و التانية 8 ميجا بيكسل بتصور UltraWide والكاميرا التالتة 2 ميجا بيكسل بفتحة عدسة F2.4 بتعمل ك Depth Sensor والكاميرات بتدعم HDR وبتصور فيديو بجودة 1080p
أما الكاميرا السيلفى فبتكون كاميرا واحدة 32 ميجا بيكسل بفتحة عدسة F2.0 بتدعم HDR وبتصور فيديو بجودة 1080p
المواصفات الداخلية للجهاز بتكون كالأتى معالج من نوع Kirin 710 من هواوى وهوا طبعا مش أحدث أو أفضل معالج من سلسلة Kirin ولكنه مناسب فى الفئة المتوسطة و هيقدم أداء قوى ومعالج الرسوميات من نوع Mali-G51 MP4
الرامات فيه منها نسختين الأولى 4 جيجا بايت و التانية 6 جيجا بايت
و الذاكرة الداخلية 128 جيجا بايلت ويمكن تركيب كارت ميمورى مكان الشريحة التانية
البطارية سعتها كويسة جدا وبتكون 3340 ميللى أمبير وبتدعم الشحن السريع بقدرة 18 وات وبتشحن عن طريق منفذ شحن USB TYPE C
الموبايل بيقدم أداء قوى جدا خصوصا فى فئته السعرية رغم ان فيه موبايلات تانية بتقدم معالجات أقوى الا انه برضه هيقدم أداء مرضى خصوصا انه Package متكامل بالرامات و المعالج و الذاكرة الداخلية وطبعا الاضافات الكتير اللى بنفضلها فى الموبايلات زى طبعا منفذ الشحن USB TYPE C و استخدام كارت ميمورى أو شريحتين و امكانية الشحن السريع وأكيد طبعا منفذ سماعات 3.5 ميللى
الموبايل متوافر للطلب المسبق فى الصين بسعر حوالى 295 دولار لنسخة رام 4 جيجا بايت يعنى حوالى 5125 جنيه مصري و بسعر 340 دولار لنسخة رام 6 جيجا بايت يعنى حوالى 5880 جنيه مصري و الموبايل هيكون متوفر فى الأسواق العالمية ابتداءا من شهر 4 السنادى 2019