Xiaomi Black Shark 2مواصفات وسعر أحسن موبايل تلعب عليه ببجى
أعلنت شركة شاومى الصينية عن اصدار النسخة المتطورة من الموبايل الخرافى بلاك شارك اللى كان موجه لعشاق الألعاب فى 2018 دلوقتى ومعا بداية عام 2019 الشركة قررت تنزيل نسخة أعلى أو الأصدار الثانى و النهاردة هنتكلم عن كل مميزات ومواصفات الموبايل الجبارة
Descriptions
Xiaomi Black Shark 2 موبايل الGaming من شاومى
أعلنت شركة شاومى الصينية عن اصدار النسخة المتطورة من الموبايل الخرافى بلاك شارك اللى كان موجه لعشاق الألعاب فى 2018 دلوقتى ومعا بداية عام 2019 الشركة قررت تنزيل نسخة أعلى أو الأصدار الثانى و النهاردة هنتكلم عن كل مميزات ومواصفات الموبايل الجبارة
مبدأيا كده وقبل ما نتكلم عن أى مواصفات فى الموبايل لازم نتكلم عن شكل الموبايل الشبابى و العصرى جدا واللى فعلا بيديك احساس انه موجه للألعاب ده غير طبعا الخطوط و التضاريس اللى فيه من الضهر معا لون هيكله الأسود اللى هتحسسك انك ماسك حاجة من المستقبل و الهيكل مصنوع من خليط من الزجاج و المعدن وشكله مستوحى من سيارات السباق
الشاشة حجمها 6.39 انش بدقة +Full HD بكثافة 403 بيكسل لكل انش من نوع Amoled و الشركة محطتش نوتش أو كاميرا محفورة فى الشاشة بس استكفت بحافة صغيرة جدا من فوق فيها الكاميرا الأمامية وأخر ميزة فى الشاشة ان البصمة مدمجة فى الشاشة مش فى الضهر
الموبايل شغال بنظام Android Pie 9.0 وبيدعم تركيب شريحتين
الكاميرا الخلفية مزدوجة الأولى 48 ميجا بيكسل بفتحة عدسة F1.8 و التانية 12 ميجا بيكسل بفتحة عدسة F2.2 والكاميرات بتدعم HDR وبتصور فيديو لحد جودة 2160p
الكاميرا الأمامية 20 ؤميجا بيكسل بفتحة عدسة F2.0 وبتصور فيديو بجودة 1080p
أما بالنسبة للمواصفات الداخلية هنلاقى طبعا ان شاومى موفرتش خالص فى الموبايل ومبخلتش بأعلى المواصفات المتاحة واللى هتخلى الموبايل حرفيا واحد من أفضل الموبايلات فى ال Gaming وده بسبب وجود معالج زى Snapdragon 855 الجديد وو اللى بيشتغل بتقنية 7 نانوميتر ووجود معالج الرسوميات Adreno 640 وبكده الموبايل هيبقى طيارة فى أى لعبة حتى لعبة Pubg لو بتحب تلعبها مش هتواجه فيها أى مشكلة وهتشتغل بكفاءة وبجودة عالية أما بالنسبة للرامات فبتكون 12 جيجا بايت أو 8 جيجا بايت لنسخة الذاكرة الداخلية 256 جيجا بايت أو رامات 8 جيجا بايت و 6 جيجا بايت لنسخة الذاكرة الداخلية 128 جيجا بايت
والبطارية سعتها كبيرة 4000 ميللى أمبير وده طبعا عشان تقدر تلعب براحتك من غير ما يفصل شحن فى نص اللعب وكمان بتدعم الشحن السريع بقدرة 27 وات عن طريق منفذ شحن USB TYPE C
والموبايل بيدعم الجيل الثالث من تقنية التبريد المائى لتبريد درجة الحرارة ده غير ان الشركة عملت تقنية بتوجه طاقة المعالج للألعاب بس مش لتطبيقات تانية عشان تاخد أفضل تجربة ألعاب من غير أى بطء
سعر الموبايل حوالى 480 دولار لنسخة رام 6 جيجا بايت يعنى حوالى 8300 جنيه مصرى و لحد 630 دولار لنسخة رام 12 جيجا بايت يعنى حوالى 11 ألف جنيه مصرى