Vivo V11 Pro مواصفات وسعر الموبايل التحفة

Vivo V11 Pro الموبايل الرهيب من شركة Vivo و اللى تعتبر من أفضل الشركات فى الصين هيا وشركة Meto واللى ما بتنزلش موبايلات خارج الصين عكس Vivo وكنا اتكلمنا قبل كده عن موبايل تانى رهيب من نفس الشركة وهوا Vivo Apex 2019 واللى كان عامل زى الصابونة او انه موبايل من غير اى فتحة او مدخل او مخرج اما النهاردة هنتكلم عن الV11 Pro 

الخامات من قزاز و الحواف بس من البلاستيك 
النوتش فى الموبايل صغيرة جدا Water Drop Notch
وزن الجهاز 157 جرام ويعتبر وزن خفيف جدا مقارنة بحجم الجهاز و الشاشة الكبيرة
وحجم الشاشة 6.4 انش من نوع Super Amoled ونسبتها من حجم الموبايل 85% 
بدقة 2340X1080 بيكسل وبكثافة 40 بيكسل لكل انش 
و السوفت وير اللى بييجى عليه هوا Fun Touch os 4.5 اللى هوا مبنى على واجهة اندرويد 8.1 اوريو

وبييجى بمعالج Snapdragon 660 واللى يعتبر معالج قوى برغم انه مش الاحدث 
ورامات 6 جيجا بايت 
وذاكرة داخلية 64 جيجا بايت وبيدعم كارت ميمورى بشكل منفصل 

الكاميرات الخلفية مزدوجة الاولى 12 ميجا بيكسل بفتحة عدسة F1.8 و التانية 5 ميجا بيكسل بفتحة عدسة F2.4 لخاصية العزل
و كاميرا سيلفى 25 ميجا بيكسل بفتحة عدسة F2.0 وبتصور فيديو بجودة Full HD

الببطارية 3400 ميللى أمبير وبصراحة هيا بطارية رهيبة جدا وممكن تديك 8 ساعات Screen ON Time رغم انها 3400 ميللى أمبير بس 
وبتدعم خاصية الشحن السريع وممكن تشحن من صفر ل100 فى ساعة وربع
وبيشحن عن طريق Micro USB 2.0
اللون الرسمى أزرق متدرج وبييجى بألوان تانية زى الاحمر و الذهبى 

الجهاز طبعا بيدعم مخرج السماعات ال 3.5 ميللى و بلوتوث 5 و بيدعم تقنية ال OTG 
اهم حاجة فى الجهاز انه بيدعم Screen Fingerprint وهيا البصمة اللى بتبقى فى أسفل الشاشة
واللى لازم تبقى الشاشة Super Amoled عشان تدعم الخاصية دى لأن كثافة البيكسلات فى السوبر أموليد هيا اللى بتسمحلها انها تقرا بصمة الصباع ومش هتلاقى الخاصية دى فى أى نوع شاشة تانى زى IPS مثلا 

الموبايل مميزاته كتير ولكن فى تعليق على بعض العيوب وهيا ان المعالج مش عالى اوى وان الشحن مش عن طريق USB Type C زى موبايلات تانية كتير اتطورت فى النقطة ديه 

ولكن عموما الموبايل بيقدم تجربة ممتازة ومواصفات متكاملة و شكل جذاب وجميل جدا 

سعر الموبايل 380 دولار وممكن يوصل فى مصر لحوالى 7500 جنيه