Pubg و Fortnite العب براحتك Gaming اجمد موبايلات لل

افضل 10 موبايلات للGaming العب Pubg او Asphalt 9 او حتى Fortnite من غير اى تهنيج او بطئ فى فتح اللعبة

(1) Razor Phone 2 : 

وهو الموبايل الجيل الثانى من موبايل Razor وجاى باسم Phone 2  والموبايل جاى مخصوص لعشاق الالعاب و ده بعد نجاح الاصدار الاول من الموبايل من حوالى سنة الموبايل جاى بسماعات امامية عشان تعيش تجربة صوت واقعية ومثيرة ده غير انه جاى بهيكل صلب و شغال بنظام تشغيل Android (oreo) 8 معا امكانية التحديث ل Android (Pie) 9 معا مواصفات قوية زى الشاشة ال 5.7 انش وبدقة Quad HD+ ومحمية بطبقة قزاز Gorilla Glass 5 

اما بالنسبة للمواصفات الداخلية 

هنلاقى ان الموبايل جاى ب 8 جيجا بايت رام و مساحة داخلية 64 جيجا و معالج Snapdragon 845 و بطارية قوية بسعة 4000mAh معا نظام تبريد مميز لمنع ارتفاع حرارة الموبايل 

ده غير ان الموبايل بيدعم الشحن الاسلكى والشحن السريع ومقاومة المياة وكمان الشاشة بتتمتع بمعدل تحديث بيوصل ل120 Hz واللى بيخليه من افضل الموبايلات من ناحية سلاسة الحركة والاستجابة ده غير الهيكل اللى بيتفاعل لونه حسب الاشعار اللى بيوصلك وكمان فيه ملحقات للGameing زي اداة تحكم بتشتغل بالبلوتوث وحامل لتثبيت الموبايل و HeadPhone بميزة عزل الضوضاء بس الملحقات دى بتتباع بشكل منفصل 

سعر الموبايل بيبدأ من 700 دولار على موقع الشركة 

(2) Huawei Mate 20 X :

ميزة الموبايل ده عن بقية القائمة هى مقاس الشاشة ال Amoled العملاقة واللى بتكون 7.2 انش من نوع OLED ورغم انها بدقة Full Hd Plus الا انها بتقدم الوان واقعية وجميلة 

هواوى خصصت الموبايل ده لعشاق الالعاب بمعالج Kirin 980 اللى اثبت كفائته العالية و 6 جيجا بايت رام ومساحة داخلية 128 جيجابايت وبطارية ضخمة بسعة 5000 mAh وكاميرات متطورة زيى اللى شوفناها فى Mate 20 Pro 

والموبايل اثبت كفاءة عالية فى تجربة الالعاب معا وجود Huawei GPU Turbo 2.0 واللى مخليه عملى وقوى بطاريته المميزة والشاحن السريع اللى بييجى معاه وسعر الموبايل هيكون حوالى 1050 دولار

(3) Xiaomi Black Shark Helo :

اطلقت شاومى الجيل الثانى من الموبايل الموجه لعشاق الالعاب والمرادى الموبايل جاى معا سماعات صوت Stereo مزدوجة من سماعات المكالمات ومن اسفل عشان تعيش تجربة العاب حماسية وواقعية ده غير ان الشاشة مقاسها 6 انش من نوع Amoled بدقة 1080x 2160 بكثافة 401 بيكسل لكل انش وتحتوى على Refresh Rate لحد 60Hz وكمان الموبايل بيدعم تركيب شريحتين اتصال وبيشتغل بنظام Android 8 و المعالج من نوع Snapdragon 845 ومن حيث الرام فالموبايل بييجى ب3 نسخ النسخة الاولى 10 جيجا بايت معا مساحة تخزين 256 جيجا والنسخة الثانية 8 جيجا رام ومساحة تخزين 128 جيجا بايت ونسخة اخيرة ب 6 جيجا بايت رام وبرضه مساحة تخزين 128 جيجا ومبيدعمش تركيب كارت ميمورى 

اما البطارية فهى بسعة 4000 mAh وبتدعم الشحن السريع وبييجى معاه شاحن بقدرة 18 وات 

ده غير ان الموبايل بييجى باللون الاسود واسعاره كالتالى 460 دولار لنسخة ال6 جيجا رام و 505 دولار لنسخة ال8 جيجا رام و 600 دولار لنسخة 10 جيجا رام 

(4) Asus Rog Phone :

يعتبر واحد من افضل الموبايلات اللى بتستهدف ال Gaming بشكل عام وشركة Asus وضعت فيه خبرتها فى صنع الاجهزة المخصصة للالعاب ده غير ان تصميم الموبايل شبابى جدا زى ما فى الصور 

وبالنسبة للشاشة فهى من نوع Amoled  بمقاس 6 انش وبدقة 1080x2160 ميجا بيكسل معا معدل استجابة 90 Hz فى الثانية ده غير ان الشاشة محمية بأقوى حماية من Gorilla Glass 6 والموبايل جاى بمعالج Snapdragon 845 و رام 8 جيجا بايت ومساحة داخلية 128 جيجا بايت او 512 جيجا بايت وكمان هييجى ببطارية بسعة 4000 mAh والشركة اعلنت انه ممكن يستحمل 7 ساعات العاب على الWifi والموبايل بيتميز عن غيره بالملحقات اللى ممكن الالعاب على شاشة تلفزيون او لاب توب من خلال ملحقات خاصة وتقريبا سعر الموبايل 820 دولار لنسخة 128 جيجا بايت و 1030 دولار لنسخة 512 جيجا بايت 

(5) Iphone Xs Max :

رغم انه مش مخصص للالعاب الا انه اثبت كفاءة عالية فى تشغيل الرسومات الثقيلة فى العاب الفيديو وسرعة استجابة عالية بفضل المعالج الجديد Bionic A12 وخلال تجربة الموبايل معا الالعاب اظهر سرعة استجابة عالية فى بدء الالعاب وتشغيلها والاستجابة للاوامر وسلاسة الحركة ده غير ان شاشته الكبيرة وسماعات الستيريو وواقعية الوان الشاشة بتقدم للمستخدم تجربة ممتعة بالاضافة الى ان مطورى الالعاب بيهتمو بتطوير الالعاب وتحديثها الى نظام IOS والموبايل بييجى بسعر حوالى 1230دولار لنسخة 64 جيجا بايت وحتى 1450 دولار لنسخة 512 جيجا بايت 

(6) Galaxy Note 9 :

لو بتدور على تجربة العاب قوية يبقى النوت 9 هو اللى بتدور عليه طبعا من غير ما نتكلم عن بقيت الحاجات اللى بتميز الموبايل بس ده بالنسبة للGaming بس واللى يعتبر الموبايل متفوق فى الالعاب زى ما اثبت جدارته فى كافة الاستخدامات خصوصا فى وجود الشاشة القوية الواضحة بدقة +Quad Hd و نوعها Super Amoled والوانها مذهلة وجميلة جدا ومقاسها الكبير وعدم وجود اى قطع فى الشاشة عشان تستفيد من الشاشة كلها وخصوصا فى الالعاب 

ده غير ان الموبايل بييجى بمواصفات داخلية جبارة زى المعالج Snapdragon 845 ورامات 6 جيجا بمساحة داخلية 128 جيجا او 8 جيجا بايت رام ومساحة داخلية 512جيجا بايت و بطارية بسعة 4000mAh بتدعم الشحن السريع وسماعات صوت ستيريو مزدوجة وسعره حاليا 880 دولار لنسخة 128 جيجا و 1130 دولار لنسخة ال 512 جيجا بايت 

(7) Honor Play :

موبايل Honor المخصص للالعاب يقدم اداء سريع وتصميم مريح وبسيط ورغم انه مش معاه اقوى واحدث انواع المعالجات من هواوى ولكنه المعالج Kirin 970 بيقدم اداء رائع ومرضى وهو نفس المعالج فى Mate 10 Pro 

شاشة الموبايل كبيرة 6.3 انش بدقة Full HD Plus وتقدم تجربة العاب رباعية الابعاد معا مؤثرات اهتزاز ومؤثرات صوتية ثلاثية الابعاد ده غير انه بييجى بزاكرة داخلبة 64 جيجا بايت ورامات 4 جيجا او 6 جيجا وبطارية بسعة 3750 mAh بتدعم الشحن السريع وسعر الموبايل اقتصادى بيبدأ من 285 دولار لنسخة 4 جيجا رام و 320 دولار لنسخة 6 جيجا رام 

(8) Nubia Red Magic Mars :

موبايل موجه لعشاق الالعاب من العلامة التجارية الفرعية Nubia التابعة لشركة ZTE وهنلاحظ تصميمه الشبابى المبهر فى الضهر ده غير مواصفاته واللى من اعلى المواصفات اللى نزلت وهييجى بمعالج Snapdragon 845 و رام 10 جيجا بايت و مساحة داخلية 256 جيجا او 8 جيجا رام و 128 جيجا مساحة داخلية او 6 جيجا رام ومساحة داخلية 64 جيجا بايت وكمان البطارية سعتها 3800 mAh بتدعم الشحن السريع 

ده غير ان الموبايل بيدعم التبريد السائل و تركيب ملحقات زى ايدى التحكم ونظام تكبير صوتى ذكى وسعر الموبايل بيبدأ من 390 دولار لنسخة رام 6 جيجا بايت وحتى 575 دولار لنسخة رام 10 جيجا بايت 

(9) Huawei Mate 20 Pro :

برضه موبايل مش مخصص لألعاب ولكن خلال تجربة الألعاب قدم سرعة استجابة عالية جدا فى عملية تشغيل الالعاب زى لعبة Pubg مثلا وبفضل شاشته الكبيرة واللى هيا Amoled  و 6.4 انش وبدقة 1440x3120 Pixels بكثافة 538 بيكسل لكل انش وكمان المعالج القوى Kirin980 المدعوم بالذكاء الصناعى هنلاقى انه بيقدم تجربة العاب ممتازة وكمان معاه نسختين للرامات نسخة 6 جيجا بايت ونسخة 8 جيجا بايت ومساحة داخلية 256 جيجا بايت او 128 جيجا وكمان بطارية بسعة 4200mAh وبتدعم الشحن السريع وسماعات Stereo بصوت قوى ونضيف بتساعد فى تحسين تجربة الالعاب و سعر الموبايل لنسخة 6 جيجا بايت حوالى 980 دولار اما نسخة ال8 جيجا رام فهتكون ب 1050 دولار 

(10) Sony Xperia XZ3 :

الموبايل الاخير معانا فى القائمة واللى جاى بهيكل قوى وسماعات Stereo مزدوجة نقية وواضحة جدا و مواصفات داخلية زى معالج Snapdragon 845 و رام 4 جيجا بايت ومساحة داخلة 64 جيجا بايت وبطارية بسعة 3300 mAh بتدعم الشحن السريع والشحن اللاسلكى 

موبايل Sony بيفرض نفسه فى القائمة معانا خصوصا بالشاشة الكبيرة 6 انش من نوع Oled بدقة Quad HD Plus واللى كمان بتدعم خاصية HDR و وتقنية X Reality الخاصة بSony واللى بتضيف وضوح للصور ومقاطع الفيديو عبر تعبئة وحدات و ألوان البيكسل المفقودة بعد تحليلها 

الموبايل جاى بسعر 900 دولار 

وبكده تنتهى قائمة افضل الموبايلات للالعاب ولمزيد من اخبار التكنولوجيا تابعونا من هنا