Oppo Find X مواصفات وسعر موبايل المستقبل 2019

Not allow reviews
Oppo Find X الموبايل اللى جاى من المستقبل الموبايل الفلاج شيب من اوببو واللى نزل من فترة والنهاردة حبينا اننا نتكلم عن كل مميزاته ومواصفاته وبصراحة الموبايل تصميمه خرافى جدا ومن الموبايلات القليلة اللى ممكن من اول تشوفه هتحس انه Premium على طول وفعلا Flagship وطبعا اوببو كانت قدمت موبايلات تانية كويسة زى Oppo F9 واللى اتكلمنا عليه قبل كده ووضحنا انه من افضل الموبايلات فى عام 2018 بس طبعا مفيش وجه مقارنة بينه وبين ال Find X

Descriptions



اولا هنتكلم عن الشكل والتصميم

الموبايل مصنوع بالكامل من القزاز  ماعدا الاطار المعدنى اللى حوالين الموبايل  وديه طبعا من الحاجات الى بتميز الفلاج شيب وبتخليه Premium جدا وحاجة كويسة من اوببو بعد ما كانت  مشكلة فى Oppo F9 واللى كان ضهره من البلاستيك كمان الجزء اللى بيتحرك بتاع الكاميرات معمول من السيراميك لكن الموبايل كله من القزاز زى ما قلنا واللى هيكون محمى بطبقة ضد الخدش Gorilla Glass5
و الجهاز مفيهوش بصمة من ورا بس ممكن تعمل Unlock عن طريق الكاميرا واللى لازم نتكلم عن ألية فتح الكاميرا لما تيجى تستخدم ال Face Unlock او اى كاميرا الامامية او الخلفية لأن كل الكاميرات مدفونة جوا الموبايل وبيبقى الماتور من شركة شنايدر وهوا اللى بيرفع وبيقفل الجزء بتاع الكاميرات والسينسور و الفلاش وبالنسة للسؤال اللى اى حد هيسأله اذا كان الجزء ده هيستحمل الفتح و القفل كتير ولا هيبوظ والاجابة ان لو قمت بفتح الجهاز 100 مرة فى اليوم فالموبايل هيعيش معاك لحد 8 سنين وطبعا مش وارد انك تفتح فى الجزء وتقفله اكتر من 100 مرة كل يوم

نتكلم عن الشاشة 

الشاشة Amoled من شركة سامسونج 6.42 بوصة  وبتاخد 93.8 من مساحة الموبايل و الأبعاد بتاعتها 2360X 1080 بيكسل بكثافة 403 بيكسل فى كل بوصة وبصراحة الشاشة خرافية جدا وكون ان مفيشهاش نوتش اولا وثانيا الكاميرات كلها محطوطة فى جزء مدفون جوا الموبايل خلى الشاشة دى واحدة من اجمل الشاشات اللى الواحد ممكن يستخدمها 

بالنسبة للموصفات الداخلية والاداء

الموبايل بييجى بمعالج Snapdragon 845 ب10 نانوميترومعالج رسوم Adreno 630 والموبايل بييجى بنسخة Android 8.0 وبييجى برامات 8 جيجا و 3 نسخ من الزاكرة الدخلية نسخة 128 جيجا و نسخة 256 جيجا و نسخة السيارة ال Lamborghini الايطالية 512 جيجا والالوان بتاعة النسخ العادية فيه منهم ازرق غامق و بنفسجى لامع والنسخة الlamborghini لونها Carbon Fiber اسود بخطوط عليه وشعار العربية الايطالية فى الضهر

نروح بقا للكاميرا

الموبايل بييجى بكاميرا امامية 25 ميجا بيكسل بفتحة عدسة F 2.0 وكاميرا خلفية مزدوجة واحدة  16 ميجا بيكسل بفتحة عدسة F 2.0 و التانية 20 ميجا بيكسل بفتحة عدسة F 2.0 وطبعا الكاميرات كلها بتعمل بالذكاء الاصطناعى

البطارية 

البطارية فى النسخة العادية 128 جيجا بتيجى بسعة 3750 ميللى أمبير وبخاصية الشحن السريع ال Vooc اما النسختين الاكبر فى الذاكرة الداخلية بنلاقى قيهم تقنية ال Super Vooc و اللى بتخلى فيه بطاريتين فى الموبايل كل بطارية 1700 ميللى امبير والاتنين بيدعمو الشحن بقدرة 25 وات وبيتم استخدامهم معا بعض و بيتشحنو فى نفس الوقت معا بعض وعشان كده الموبايل ده بيشحن من صفر لحد 100 فى 35 دقيقة بس وحرفيا يبقى اسرع موبايل بيتشحن فى العالم 


فبصراحة الموبايل خطير جدا جدا وتصميمه جذاب ومبهر وطبعا الخواص والاداء عالى جدا والكاميرات ممتازة والبطارية هيا افضل ميزة فيه وبتتشحن بسرعة خيالية فمش هنبقى بنبالغ لو قلنا ان الموبايل ده جاى من المستقبل 



Similar Products

3879971047281766573