Oppo K1 ولا Oppo F9 اشترى

Not allow reviews
كل مواصفات موبايل الفئة الجديدة من اوببو وهل هوا افضل ولا الF9 ولو عايز تشترى موبايل هننصحك بأنهو موبايل افضل من التانى وكمان مقارنة سريعة بين الجهازين

Descriptions


هنتكلم عن كل حاجة تخص الموبايل الجديد Oppo K1


مبدئيا الفئة الجديدة K هيا فئة بتجمع ماا بين مواصفات فئة R العالية اللى مبتنزلش مصر و سعر فئة F الرخيص فبكده الفئة الجديدة هتكون جمعت مميزات الاتنين 


الشاشة من قدام هتحس انها نفس الOppo F9 بالظبط ونفس النوتش من فوق ونفس الحواف اللى تحت بس هنا الشاشة اكبر ب1 انش وممكن الانش ده ميفرقش معا بعض المستخدمين لكن فى الايد هتحس انه اكبر فعلا الموبايل بييجى بشاشة 6.4 انش بطبقة حماية Gorilla Glass 5 من نوع Super Amoled الحلوة جدا فى الالوان والسطوع بتاعها عالى بس الغريب ان لو عملنا مقارنة ما بينها وما بين شاشة الRealme2Pro ال IPS  مش هنلاقى فرق تقريبا وده شئ غريب المفروض ان يبقى فيه فرق شاسع فى الشاشات لصالح ال K1

لكن الغريب ان الفرق بسيط جدا فبكده يا اما شاشة ال K1 مش Super Amoled يا اما الRealme2Pro شاشته حلوة جدا لدرجة انها قريبة من ال Amoled فبكده نقدر نقول ان شاشة الK1 مش هيا الشاشات الHigh End اللى بتبقى فى الموبايلات العالية هيا فعلا Amoled ولكن مش بالجودة بتاعة الشاشات العالية زى مثلا الMI 8 شاشته برضه مكانتش بجودة عالية وده طبعا راجع لان ديه موبايلات اقتصادية مينفعش نقارنها بالموبايلات العالية

اما الحاجة المميزة فى الموبايل واللى تعتبر اضافة مبهرة هيا بصمة الشاشة


وهنا بقا ييجىى الفرق عن ال Oppo F9 وهو وجود بصمة فى الشاشة من تحت واللى بتحتاج شاشة Amoled و ده بيأكدلنا نوع الشاشة عشان مينفعش البصمة ديه تتحط فى شاشات Ips عادية لازم Amoled عشان البصمة تفضل منورة عند الاستخدام وبكده يعتبر الموبايل ده أرخص موبايل ببصمة شاشة 

نروح للمسكة بتاعة الموبايل واللى هتكون مميزة جدا وتعتبر افضل من البولى كاربونايت او البلاستيك بتاع الF9 هنا فى الK1 الضهر قزاز ومسكته احسن فى الايد ويبان عليه انه اغلى من الF9 ومش بيتخربش بسهوله زيه 

نروح بقا للموصفات الداخلية والاداء


 الموبايل جاى بمعالج Snapdragon 660 معا زاكرة داخلية 64 جيجا بايت ونسختين من الرامات نسخة 4 جيجا و التانية 6 جيجا بايت و الموبايل بييجى بAndroid Oero 8.1

اما البطارية


البطارية هنا اعلى من Oppo F9 و Realme2Pro وبتيجى بسعة 3600ميللى امبير ولكن مبتدعمش خاصية الشحن السريع واللى بقت تعتبر الحاجة الوحيدة اللى بتميز Oppo F9 عن كل الموبايلات من Oppo وتعتبر بقت ميزة خاصة بالF9 بس 

وبالنسبة للكاميرات 


الموبايل بييجى بكاميرا خلفية مزدوجة الاولى 16 ميجا بيكسل بفتحة عدسة 1.7 والتانية 2 ميجا بيكسل لخاصية العزل بفتحة عدسة 2.4 ومش هتحس بأى فرق فى الكاميرات ما بينه ومابين ال OppoF9 
اما بالنسبة للكاميرا الامامية فهيا 25 ميجا بيكسل زى الOppo F9 برضه والكاميرا هنا تعتبر هايلة برضه والتفاصيل واضحة لكن اللى مش موجود فيها هو ال Super Vivid Mode وهو الوضع اللى بيفقع الالوانوكان بيبقى حلو فى بعض الصور لكن للأسف مش موجود بس موجود خاصية ال HDR وبكده مفيش فرق او حاجة جديدة عن الكاميرا بتاعة الF9

اما سعر الموبايل فهيكون حوالى 4500 تقريبا لنسخة الرامات 4 جيجا  و نقدر نعتبر ان الموبايل ده هوا هوا الF9 بس بعد ما اتنضف واتعمل عليه تعديلات 
وبكده نقدر نقول ان بعد المميزات دى والاضافات الجديدة ان ال Oppo K1 افضل من ال Oppo F9 ومحدش تقريبا هيفكر يشتريه فى وجود موبايل زى ال K1 او Realme2Pro 

وللمزيد من الاخبار و المراجعات تابعونا من هنا 


Similar Products

6346969811778181287

Popular Posts