النهاردة هنتكلم عن xiaomi mi 8 pro والحقيقى المبهر فى الجهاز ده مش المواصفات بتاعته بس لكن الشكل بتاعه الجميل جدا واللى يعتبر اكتر تصميم روش من شاومى
واللى جاى بضهر قزاز شفاف الفكرة دى شفناها قبل كده فى موبايلات زى +htc u11
وفيه ناس كتير حاولت انها تعمل الموضوع ده بانها تجيب الموبايلات اللى ضهرها قزاز زى galxy s8 مثلا وتشيل اللون بتاع الضهر عشان يبين المكونات الداخلية بتاعة الجهاز و شاومى لما لقت ان ده تريند والناس حبت ان الموضوع ده يبقى موجود فى موبايلاتهم فقررت انها تعمل موبايل بضهر شفاف ويمكن ده الذ شئ فى الموبايل وهو كان موجود فى ال mi8 العادى مش البرو لكن المرادى شكله جذاب جدا ولكن الحاجة اللى شاومى مبتقولهاش ان الشكل اللى فى الضهر ده مش البوردة الحقيقية
دى لزقه بشكل تخيلى fancy معمول بنظام ودقة بشكل البوردة المثالى الجذاب جدا وفى الحقيقة مفيش اى مشكلة احنا مش هنستفيد حاجة من منظر البوردة الحقيقى طالما شكل الضهر جذاب وده اللى شاومى نجحت فى انها تعمله لأن القزاز مخليينه فى فاصل ما بينه ومابين الاستيكرات اللى تحته على الجهاز والفاصل ده بيدى ايحاء ان شكل البوردة 3d وحاجة حقيقية والجميل كمان ان الاطراف اللى حوالين الجهاز من الجناب ومن تحت ومن فوق مضلمين شوية كأن مكونات الجهاز حاجة باينة جوا الظل وبارزة كل ده مخليه شكله جميل وجذاب جدا
ده غير ان تصميم الجهاز جميل جدا بعيدا عن الاجزاء الشفافة و الشكل الداخلى هنلاقى ان بروز الكاميرا قليل وفيه حلقات لونها احمر حوالين الكاميرا والضهر اطرافه مدورة ومن الجانبين و الشاشة مسطحة وبيستقر فى ايدك جدا ويعتبر من اكتر الموبايلات اللى بتستقر فى الايد رغم ان الموبايل حجمه كبير مش صغير ولو بصينا على الشاشة من قدام هنلاقى ان الشاشة amoled وهيا شاشة ممتاز والوانها تحفه ولكن فى تعليق سلبى على الشاشة وهو ان معا الاستخدام مش هتحسها amoled يعنى لو بصيت عليها مباشرة هتلاقى ان الاسوداد حقيقى بس بمجرد ما تحرك الموبايل يمين او شمال الاسود بيتحول رمادى يس مش رمادى زى بتاع الips ولو بصيت عليه من الجنب تحس ان فيه طبقة فاتحة مخلية الشاشة لونها افتح ممكن الموضوع ميبقاش ظاهر اوى لكن الشاشة هنا مش بالجودة بتاعة الamoled اللى متعودين عليها مثلا فى حاجة زى galaxy s او galaxy note من سامسونج و الايفونات الجديدة زى iphone x و xmax كلهم احسن من الشاشة ديه وشاومى شاطرين جدا انهم عملو شاشة amoled ولكن مطلوب شوية تحسينات عليها وبالنسبة لحجم الشاشة هنلاقى ان فى حواف كبيرة جدا من تحت الموبايل والنوتش بتاع الشاشة كبيرة جدا زى ال mi8 ويعتبر نفس الستايل بتاع شاومى اللى تقريبا مش ناويين يصغروه معا ان اصغر نوتش عملوها كانت فى mi8 lite والمفترض ان الmi8 pro هو الflagship ومينفعش تبقى النوتش فيه اكبر والمفترض ان زى ما النوتش كبيرة نلاقى الface id زى ال pocophone بس لقينا انه صعب تلاقى الface recognition جوا الموبايل حتى لو خليت الدولة هيا الهند برضه مش ظاهر وطبعا زى محنا متعودين ان عشان تفعل الface recognition من شاومى لازم الدولة تبقى الهند ولكن ده مش مهم اكتر حاجة مهمة ومثيرة فى وجه الجهاز ان فيه قارئ بصمة اسفل شاشة واللى بدل ماكانت الضهر زى محنا متعودين دلوقتى بقت فى مكان اسفل الشاشة ولكن فيه شوية عيوب وهيا ان القارئ ده بطئ شويتين وانك لازم تحت صباعك على المكان المرسوم بالظبط بس برضه تعتبر خطوة كويسة من شاومى واول مرة تنفذها
نروح بقا للمواصفات الداخلية واللى اجلنا الكلام عنها شوية واللى طبعا هتبقى من اعلى المواصفات الممكنة وخصوصا ان الجهاز يعتبر flagship
هنلاقى انه جاى ب 8 جيجا رامات ومساحة داخلية 128 جيجا و بروسيسور snapdragon 845 عشان لسه ال855 مكانش نزل وبيدى اداء ممتاز جدا ده غير ان الموبايل نازل بواجهة miui 10 واللى يعتبر سوفت وير ممتاز وكألوان او كسرعة هو من احسن اختيارات الandroid الموجودة وشغال على الجهاز بسلاسة عالية و android 8.1 والجهاز قوى جدا وممكن تنزل عليه العاب تقيل من غير ما يهنج و البطارية بتاعته 3000mAh وبتدعم خاصية الشحن السريع
اما بالنسبة للكاميرا السيلفى هنلاقيها 20 ميجا بيكسل ودى حاجة كويسة والكاميرا الخلفية مزدوجة 12+12 ميجا بيكسل بفلاش مزدوج
وبكده نبقى خلصنا المواصفات الداخلية واللى مفيهاش عيوب غير انه مبيدعمش الذاكرة الخارجية ومبيدعمش فتحة السماعةال3.5 ميللى وان كان المفروض البطارية تزيد شوية عن ال3000 ميللى
واخر حاجة السعر الرسمى ليه واللى هوا 10000جنيه
ولمتابعة اخر اخبار التكنولوجيا ادخل هنا