مواصفات Honor 10 lite
الشاشة و التصميم
الشاشة هتبقى water drop notch او اللى هيا النقطة الصغيرة اللى بتبقى فوق في الشاشة و تعتبر مفاجأة انها تبقى موجودة فى موبايل فئة متوسطة زى honor 10 lite وهتديك احساس ان الموبايل كله شاشة خصوصا وانها اصغر من النوتش العادى الشاشة 6.2 بوصة بدقة full hd+ ويعتبر الحواف مش موجودة ما عدا الحافة الصغيرة اللى تحت ده غير ان حجم الجهاز 162 جرام و مريح جدا بالنسبة للمسكة او الشكل
و بالنسبة للتصميم هنلاقى تصميم الجهاز كله جاى من البلاستيك واللى يعتبر ميزة انه مش هيتكسر بسهولة لكن العيب انك مش هتحس انه premium اوى لما تمسكه اما فى ضهر الموبايل موجود بصمة وديه برضه اضافة كويسه كمان اللى يعتبر مشكلة فى الجهاز انه مبيشغلش شريحتين وكارت ميمورى فى نفس الوقت لازم يبقى شريحة وكارت مكان الشريحة التانية
الالوان
الجهاز نازل بألوان كتير زى الاحمر و الاسود و الازرق و لون سماوى مميز
بالنسبة للمواصفات الداخلية
الجهاز جاى ب android 9.0 pie مع واجهة هواوي EMUI 9.0.1 واللى هوا احدث اصدار من android وهنلاقى ان المعالج kirin 710 زى اللى موجود فى هواوى nova 3 I وزى honor 10x وكمان جاي برامات 3 جيجا وزاكرة 64 جيجا والكاميرات ممتازة جدا الكاميرا الامامية 24 ميجا بيكسل وديه حاجية ممتازة جدا للي بيحبو السيلفى لكن للاسف الخلفية مش فى نفس المستوى وهتكون كاميرا مزدوجة 13+2 ميجا بيكسل
وجاى ببطارة 3400 مللى امبير بس للاسف مبتدعمش الشحن السريع و المتوقع انه يبقى موبايل شامل وينافس y9 2019 عشان موبايل بالمواصفات ديه والشكل ده يعتبر حاجة ممتازة جدا
اما السعر فمن المتوقع ان سعره يكون 3700 جنيه