الشاشة
فى الجهاز x القديم الشاشة كانت Amoled بعكس ips فى XR واللى تعتبر من افضل الشاشات الموجودة حاليا
وكمان ال resolution اعلى بكتير من xr الشاشة تقريبا هتقدم اكتر من 450 بيكسل لكل انش اما XR 320
بس فهنلاحظ ان فى فرق كبير وده اول ميزة موجودة فى الاكس برغم انه الاصدار القديم
ولكن اللى ممكن يكون اهم من الشاشة هى ميزة ال3d touch واللى ميعرفهاش هو حساسية الشاشة للضغطة وقوتها يعنى لو ضغط بقوة معينة بتعمل اكشن معين ولو بقوة اكتر تعمل اكشن تانى والميزة دى اول مرة تطبق فى ios كانت فى ايفون s6 ومن ساعتها وهى موجودة فى كل الاجهزة الغريب انها تتشال من الجهاز اللى المفروض يعتبر اصدار جديد والمفروض يحتوى على ميزة زى كده واللى تقريبا تعتبر جزء لا يتجزء من ال ios
التصميم
فلو انت مستخدم قديم للios هتلاقى صعوبة فى التأقلم معا XR
ده غير كده من مميزات الاكس انه يعتبر premuim اكتر من ناحية احساس وانتا ماسكه و الحواف بتاعته stainless steel و الحواف اقل بكتير من XR ويعتبر XR حوافه تخينه وده عشان الشاشة فيه ips فميقدروش يقللوها عن كده وده بيؤدى لانك لما تمسك موبايل X IPHONE العادى هتحس انه موبايل premuim اكتر ومش ناقصه حاجة وعموما الاتنين يعتبرو مشتركين فى حاجات كتير زى الحماية ضد المياه و التصميم الجديد اللى ب النوتش و الفيس اى دى FACE ID
الكاميرا
ولكن بعد ما كنا قررنا ان الاوريجنيال افضل لقينا ميزة موجودة فى XR تتفوق على X بشكل واضح وهيا الكاميرا ويعتبر فى فرق كبير اوى فى الكاميرات بتاعة السنة دى و كاميرات السنة اللى فاتت ممكن تكون الكاميرا الموجودة فى XR و X MAX و S10 من احسن الكاميرات الموجودة فى العالم وخاصة خاصية smart HDR الموجودة هنا واللى بتخلى مفيش حاجة زى الاضاءة ملسوعة او الاضاءة مضلمة او حاجة دايما فى توازن فى الاضاءة وده شئ مش موجود خالص فى الاوريجينال ده غير ان السينسور فى الكاميرا اكبر و الصور اللى فى الاضاءة الضعيفة بيبقى فيها noise اقل
المعالجات
ده غير ان فى نقطة كمان يتفوق فيها xr وهى المعالج الجديد APPLE A 12 bionic وده يعتبر افضل بروسيسيور موجود فى العالم حاليا بيقدم افضل تجربة العاب وافضل تجربة استخدام لكن ال IPHONE X الاوريجينال بيجي فيه APPLE A11 واللى برضه يعتبر ممتاز جدا وبيقدم تجربة مشابهة ممكن اقل بحاجة بسيطة لكن مش هتحس بيه فى الاستخدام وتقريبا مش ممكن تلاقى اى فرق معاك فى الاستخدام اللى هيفرق
البطارية
هى البطارية عشان بطارية الاوريجينال للاسف مش هتكمل معاك يوم خالص فى حين ان XR ممكن يعد معاك يوم كامل بكل بساطة مش بس عشان البطارية اكبر فى الحجم ولكن عشان المعالج بيستهلك طاقة اقل و الشاشة ب resolution اقل كتير من الاوريجينال
وبكده تكون النقاط اللى بتميز XR هيا الكاميرا و البطارية ويظل الاوريجينال محتفظ بالتصميم المميز و الشاشة
amoled بالcontrast الرهيب ده و تجربة استخدام افضل بسبب وجود 3D TOUCH وعشان متفقدش اى ميزة موجودة فى جهاز ومش موجودة فى التانى ممكن تشترى xmax اللى بيحتوى
على جميع المميزات اللى موجودة فى الاتنين لكن اعلى منهم فى السعر