قبل ما تشتري ايفون مستعمل لازم تتاكد من الحاجات دي
Not allow reviews
قبل ما تشتري ايفون مستعمل لازم تشوف الفيديو ده وتركز في كل كلمه قولتها كويس جدا عشان في الفتره الاخيره ظهرت نسخ صينيه تقليد للايفون وللاسف في ناس كتير مبتعرفش تفرق بين الايفون الاصلي المعتمد من شركة ابل والايفون التقليد الصيني وطبعا اللي مش مدعوم من ابل ولا بيفتح الابل ستور ولا ينفع تعمل عليه ايكلود اساسا
Descriptions
الخطوة الاولي :
بكل بساطة عشان تعرف الجهاز اللي في ايدك ده اصلي ولا تقليد حضرتك هتدخل علي الاعدادات وهتختار عام وهتختار حول الهاتف وهتاخد ال srial number المكون من حروف وارقام وهتدخل علي موقع شركة ابل من اللينك ده
لو الجهاز اصلي ومعتمد من ابل هيظهرلك بنفس اللون والمساحة وطبعا الموقع بيقولك الجهاز اشتغل امتي وهل لسه في فترة الضمان ولا لا
لو الجهاز صيني تقليد او كوبي مش هيظهر له بيانات علي موقع الشركة اصلا ودي اهم خطوة لازم تعملها
الخطوة التانيه :
لازم تتاكد ان الجهاز مش عليه حساب ايكلود او اي باسورد او بصمة والافضل تفرمت الجهاز من الاعدادات خالص عشان تتاكد
الخطوة التالته :
هي تجربة الجهاز والسماعه والمايك والكاميرا الاماميه والخلفيه ويفضل عمل مكالمه طويله شويه لو الجهاز في مشكله هتلاحظ انه بيسخن جدا وهو علي ودنك بطريقه ملحوظه في الحاله دي اوعي تشتري الجهاز لان اي تصليح في البورده بينتج عنه مشاكل تانيه بتظهر بعد كده في صوره سخونه او تهنيج وغالبا الجهاز بيفصل خالص مع مرور الوقت
في الفيديو ده هشرحلك عملي ازاي تجرب اي ايفون مستعمل قبل ماتشتريه وايه هي اهم الحاجات اللي لازم تتاكد منها قبل الشراء