في حالة اتصابت بفيروس كورونا او اشتبهت في حالة ايه اللي مفروض يتعمل؟؟؟؟؟؟؟
Not allow reviews
في حالة لاقدر الله اتصابت بالفيروس او اشتبهت في حالة ايه اللي مفروض يتعمل؟؟؟؟؟؟؟
1- اهدي خالص الموضوع بسيط ان شاء الله واعتبره دور برد وهيعدي ( العامل النفسي ٧٠٪ من العلاج ).
2) اعزل نفسك في اوضة لوحدك ومتخليش حد يدخل او يخرج من عندك عشان تحافظ علي بيتك واهل بيتك.
3) إلبس كمامة فورا وحاول تخليهم في البيت يعقموا كل شيء (بخاخة مياة وعليها مقدار فنجان قهوه كلور) ويعقموا البيت كله.
4)استريح في السرير كام يوم يابطل وخلي الاكل اللي بيدخلك عبارة عن خضروات بكل أنواعها وسوائل دافية وكمادات وخوافض للحرارة اللي هي (باراسيتامول وبس ) زي البنادول وفيتامين سي وحاجه للكحة الناشفة.
5) ان شاء الله اسبوع بالكتير والحالة هتتحسن وتبقي زي الفل .. طيب في حالة الاعراض زادات وبدأت تحس ان النفس بقي اقصر وفي صعوبة في التنفس هنا نخلي حد يكلم مستشفي الحميات ( الخط الساخن 105 - 15335) وهم هيتصرفوا وان شاء الله الموضوع مايوصلش للصعوبة دي.
**ودلوقتي في اكتر من ١٣ شركة دلوقتي بيطوروا ادوية وامصال للفيروس منهم ٣ شركات بدأوا التجارب علي المرضي يعني ان شاء الله علي ابريل يكون الدوا متوفر في الاماكان اللي فيها إصابات
ندعوا الله العلي القدير أن يرفع عنا البلاء والوباء وسيئ الاسقام
منقول للأمانة