Honor 8C تجربة استخدام
دلوقتى هنوضح ايه المميزات اللى فيه و هل يستحق انك تشتريه ولا لأ و طبعا هنتكلم أهم حاجة عن بطاريته و تجربة أداء الكاميرات
Descriptions
زى ما اتكلمنا عن تجربة Y7 Prime 2019 وكشفنا حقيقته لازم كمان نتكلم عن ابن عمه Honor 8C اللى اتكلمنا عن كل تفاصيله قبل كده من هنا
لكن دلوقتى هنوضح ايه المميزات اللى فيه و هل يستحق انك تشتريه ولا لأ و طبعا هنتكلم أهم حاجة عن بطاريته و تجربة أداء الكاميرات
الشاشة 6.2 انش و للأسف بنوتش كبيرة مش صغيرة لكن المهم هنا هو الاستغلال الأمثل للمساحات
النوتش فيها الكاميرا الأمامية و ملحقة بفلاش حقيقى للكاميرا جوه النوتش برضه و لمبة اشعارات متعددة الألوان جوه سماعة المكالمات
الحافة السفلية تعتبر كبيرة شوية لو قارنتها بالحواف الجانبية بس ده مقبول بالنسبة لجهاز ب 2800 جنيه
ضهر الموبايل بلاستيك بس الفينيش ميتاليك و تحت الأضاءة بيعمل انعكاسات بخطوط مستقيمة بتخلى شكل الموبايل شيك
شاشة الموبايل كعادة هواوى و هونر بيستخدموا أفضل شاشات من حيث الألوان و الوضوح بدقة +HD و كثافة 269 بيكسل لكل انش
السوفت وير بيكون Android Oreo 8.1 و ده طبعا شيئ غريب فى 2019 و لكن ممكن نعديها لهونر المرادى بسبب وجود ميزة ال App Twin و ديه اللى بتخليك تقدر تعمل نسختين من برامج التواصل الأجتماعى زى ماسنجر و واتساب
و الميزة التانية اللى تهم المستهلكين هيا التنقل بال Swipe من غرير زراير
بالنسبة للأداء هنلاقى الموبايل بييجى بمعالج بنشوفه لأول مرة فى مصر و هوا ال Snapdragon 632 و طبعا الأداء فى الموبايل ده كويس جدا و ده هيبان فى سرعة التحميل و التنقل بين البرامج وسرعة الألعاب لعبة Pubg مثلا بتشتغل بأداء مقبول جدا مقارنة بجهاز زى Y7 و لكن لازم تلتزم بأقل اعدادات جرافيكس علشان متسقطش فريمات
أما بالنسبة للمستشعرات فالموبايل داعم لمستشعر البوصلة و هيشتغل بكفاءة تامة معا الملاحة و التحديد الجغرافى
و داعم لل USB OTG و FM Radio
وكمان بيدعم تركيب شريحتين اتصال فى نفس الوقت معا كارت ميمورى فى منفذ منفصل
و طبعا في مدخل سماعات 3.5 ميللى
نروح للكاميرات و خصوصا الكاميرا السيلفى ال 8 ميجا بيكسل اللى بتنافس السيلفى بتاع ال A3s و لكن تخسر قدام ال 16 ميجا بتاعة ال Y7 Prime 2019
صور السيلفى هتكون جودتها كويسة ومناسبة وهتستفيد جدا من الفلاش الأمامى فى التصوير بس طبعا مش معنى الكلام ده ان الصور جودتها عالية جدا لأ خالص هنلاحظ ان ال Noise بيكون عالى و التفاصيل مش واضحة أوى و مفيش خاصية عزل بس برضه ممكن نقول عليها معقولة
أما الكاميرات الخلفية فبيكونوا 2 الأولى بتكون 13 ميجا بيكسل أساسية بفتحة عدسة F1.8 معا كاميرا تانية مساعدة 2 ميجا بيكسل لصور العزل
الكاميرا بتعمل Focus مظبوط و معا استخدام الفلاش هتطلع صور كويسة بس فى الأضاءة الضعيفة التفاصيل بتضيع و التشويش بيزيد جدا و بيبقى واضح فى كل أجزاء الصورة
أخر حاجة البطارية و اللى بتكون بسعة 4000 ميللى أمبير و بتقعد لحد 10 ساعات استخدام فعلى للشاشة و هتكمل معاك اليوم بسهولة
بتتشحن بشاحن 10W فى حوالى ساعتين وتلت
الملخص فى Honor 8C انه بيديلك أفضل معالج بفرق كبير عن المنافسين معا أفضل بطارية فى الفئة وتصميم كويس بس طبعا هيكون في تنازلات بالنسبة للكاميرا