أفضل الألعاب على أندرويد و أيفون فى 2019
أقوى العاب الاندرويد و الأيفون فى 2019 تقدر تلعبهم براحتك و مش هتلعب غيرهم
الجزء الأول
Descriptions
أكيد معظم الناس بتلعب على Xbox أو Playstation أو ال PC لكن كل الناس عندها موبايل و أكيد بيفضلوا يلعبوا عليه فى أوقات كتير و علشان كده هنتكلم عن أحسن ألعاب الموبايل الموجودة حاليا فى 2019 سواء على أيفون أو أندرويد وكلها مجانية
و طبعا الألعاب على الموبايل اتطورت جدا من ناحية الجرافيكس و ال الجيم بلاى و كل حاجة و مثال على كده طبعا Fortnite و Pubg
اللى تقريبا الكورة الأرضية كلها بتلعب الاتنين بس أحيانا بتبقى عايز تلعب لوحدك مش عايز تلعب معا حد أو مش عايز تلعب أونلاين
نبدأ بقا بأول لعبة
1. Torque Burnout
اللعبة ديه متعتبرش جديدة أوى وبقالها فترة موجودة بس هتعجبك جدا و هيا عبارة عن لعبة سيارات بس مش سباق و حاجات تقليدية و لكنها لعبة حركات و استعراضات بالعربية
و طبعا بتبدأ بعربية صغيرة ولكن تقدر تعدلها و تركب عليها حاجات زى منتا عايز وقطع اضافية و ما الى ذلك وبعد كده تنزل فى ساحة كبيرة و الساحة دي حواليها جماهير وكل اللى عليك فى الجيم هو انك تستعرض بالعربية قدام الجمهور ممكن تلف 360 درجة وتعمل Drifts و Donuts و غيرهم زى منتا عايز و لكن لو خبطت فى أى حيطة هتخسر كل ال Score بتاعك
2. Into The Dead2
و ده أكيد الجزء التانى من اللعبة المشهورة جدا Into The Dead
أحداث اللعبة بتبدأ لما انتا بتكون سواق عربية نقل و العربية بتتقلب بيك فى عالم مليئ بالزومبى و بطل اللعبة معاه لاسلكى بيتواصل بيه معا أخته وبنته اللى هوا محتاج يوصلهم
اللعبة عبارة عن مراحل و كل ما توصل مرحلة بتتواصل معاهم تانى و هكذا
نوع اللعبة ممكن نعتبره من العاب ال Runner بس بطريقة مختلفة لأنك مش بتتحكم فى سرعة الشخصية بتاعتك لكن انتا بتتتحكم بتمشى يمين ولا شمال وطبعا معاك أسلحة علشان تقدر أى زومبى بييجى قدامك
ستايل اللعبة بصرلحة مختلف عن أى حاجة لعبتها قبل كده و الجرافيكس ممتازة جدا على أنها لعبة موبايل و ممكن تحس انه جرافيك ألعاب عالية على ال PC
3. Hang Line Mountain Climber
اللعبة ديه من الألعاب البسيطة جدا الصغيرة لكن فى نفس الوقت مسلية و كوميدية جدا و فيها انتا بتلعب كمتسلق جبال صغير جدا و بعد انهيار جليدى حصل فى منطقة جبال انتا المفروض عليك الناس اللى انتشروا فى الجبال و مش عارفين يرجعوا
البطل فى اللعبة معاه خطاف بيتسلق بيه على الجليد وكل اللى عليك انك تدوس على الحتة اللى عايز الخطاف يشبك فيها و الموضوع رغم انه شكله بسيط وسهل لكن كل ما بتتقدم فى اللعبة الموضوع بيبدأ يصعب
4. Sky Force Reloaded
و ديه تعتبر الجزء التانى من لعبة Sky Force وهيا عبارة عن لعبة طيارات مسلية جدا
و الستايل ده من الألعاب مشهور و معروف جدا من زمان لكن المميز فى اللعب ديه هوا الجرافيكس و تصميم المراحل
دورك فى اللعبة هوا انك بتسوق الطيارة و بتحركها فى العواصف اللى قدامك وتحاول تدمر أى حاجة بتيجى قدامك و تتفادى أى حاجة تتضرب عليك
فى البداية بيكون معاك أسلحة ضعيفة بس برضه الأعداء بيبقوا ضعاف و سهل تقتلهم لكن بعد كده هتبقى أصعب
5. Car X Drift Racing2
اللعبة ديه تقريبا موجهة لكل الناس اللى بتحب سلسلة Fast & Furious و تحديدا فيلم Tokyo Drift
فعلا اللعبة ديه هتعلمك ازاى تبقى بطل فى ال Drift و كمان الجرافكس فيها رهيب جدا ولو خليتها على الMax الجرافيكس هتكون خيالية و طبعا التفاصيل هتكون واضحة و جميلة فى العربيات و الشوارع و الدخان اللى طالع من العربية اللى انتا بتلعب بيها
الللعبة ديه فعلا مش سهلة و هتحتاج فعلا انك تتعلم ال Physics و تتعلم ازاى العربية بتتحرك الموضوع طبعا مش سهل لكن اللعبة هتعجبك جدا