ZTE Nubia Red Magic 3 مواصفات وسعر أقوى فلاج شيب

Not allow reviews
موبايل قوى جدا زى ما اتعودنا من موبايلات الشركة الصينية وكمان شكله جميل جدا وشبابى وجاى بأعلى مواصفات ممكنة و كاميرات خيالية

Descriptions




ZTE Nubia Red Magic 3
شركة ZTE تقريبا بتشوف ايه أعلى حاجة موجودة وبتحطها فى أجهزتها زى مثلا المعالج اللى دايما بيكون أقوى معالج متاح ونوع الشاشة اللى دايما جودتها عالية وده اللى بيخلى الشركة بتقدم أحسن موبايلات ممكن نتخيلها ورغم ان اسم الشركة مش مشهور جدا زى Apple و Samsung ولكنها منافس قوى جدا 

مواصفات الموبايل
الموبايل مش هنتكلم عن شكله لأن الصور كفيلة انها تبين أد ايه الموبايل حلو وتصميمه جميل جدا وكمان ألوانه جميلة من الضهر وفيه RGB Light Panel  فى الضهر بتدى اضاءة ألوان حلوة جدا
خامات صنع الموبايل من الألومنيوم معا واجهة زجاجية وطبعا ده أفضل بكتير من البلاستيك اللى بيبقى مخلى شكل الموبايل مش Premium 

الشاشة بتكون 6.65 انش من نوع Amoled بدقة 1080x2340 بيكسل بكثافة 388 بيكسل 
وزن الموبايل 215 جرام بأبعاد 171.7 x 78.5 x 9.7 mm (6.76 x 3.09 x 0.38 in)
ألوان الموبايل Black, Red, Camouflage, Red/Blue
الموبايل بيدعم تركيب شريحتين اتصال ومبيدعمش تركيب كارت ميمورى 
نظام التشغيل Android 9.0 Pie بواجهة Red Magic 2.0


الكاميرا الخلفية واحدة بس 48 ميجا بيكسل بتصور بزاوية Wide و بتيجى بفتحة عدسة F1.7 و بتدعم فلاش ليد و HDR و Panorama وبتصور فيديو لحد دقة 4320p بمعدل التقاط 30 اطار فى الثانية 
أما الكاميرا السيلفى فبتكون 16 ميجا بيكسل بفتحة عدسة F2.0 وبتدعم HDR و Panorama و بتصور فيديو بدقة 1080p بمعدل التقاط 30 اطار فى الثانية 
الكاميرات بتدعم Autofocus, Continuous shooting, Digital zoom, Digital image stabilization, Optical image stabilization, Geotagging, Panorama
HDR,Touch focus ,Face detection, White balance settings
ISO settings, Exposure compensation, Self-timer, Scene mode

المعالج بيكون Snapdragon 855 بتكنولوجيا 7 نانو اللى بتعمل على تخفيض استهلاك البطارية لأعلى درجة ممكنة و المعالج من شركة Qualcomm وهوا أقوى معالج متاح من الشركة ويعتبر أقوى معالج فى معالجات الأندرويد
و المعالج الرسومى بيكون Adreno 640 من Qualcomm و اللى تقريبا مفيش أى تطبيق أو لعبة هتسبب أى مشكلة فى وجود المعالج ده ومكن تلعب Pubg أو أى لعبة غيرها على أعلى اعدادات بدون مشكلة
الموبايل بييجى ب 3 نسخ 
النسخة الأولى 12 جيجا بايت رام معا ذاكرة تخزين داخلية 256 جيجا بايت 
النسخة التانية 8 جيجا بايت رام معا ذاكرة تخزين داخلية  128 جيجا بايت
النسخة الأخيرة 6 جيجا بايت رام معا ذاكرة تخزين داخلية 64 جيجا بايت

البطارية بتيجى بسعة 5000 ميللى أمبير وديه بصراحة سعة خيالية وممكن متحتاجش تشحن الموبايل لأكتر من يوم وكمان بتدعم الشحن السريع بقدرة 27W بخاصية USB Power Delivery 
ومنفذ الشحن بيكون USB Type C
سعر الموبايل تقريبا 665 دولار يعنى حوالى 11400 جنيه 

مميزات الموبايل
. الشاشة مقاسها كبير ودقتها FHD+
. يدعم مستشعر بصمة فى أسفل الشاشة
. البطارية سعتها كبيرة جدا 
. يدعم الشحن السريع و منفذ الشحن Type C
. أقوى مواصفات داخلية متاحة وخصوصا المعالج و ذاكرة الوصول العشوائى
. أفضل كاميرا خلفية بأعلى جودة لتصوير الفيديو 
. يدعم راديو FM و مدخل سماعات 3.5 ميللى 

العيوب
. لا يدعم تركيب كارت ميمورى
. لا يدعم NFC
. لا يوجد فلاش للكاميرا السيلفى
. لا يدعم شحن الوايرلس

الموبايل واضح جدا انه فلاج شيب قوى جدا وموجه لعشاق الألعاب أو لعشاق التميز بشكل عام لأنه مش بس مهتم بالأداء القوى و المواصفات الرهيبة .
كمان بييجى بشاشة قوية جدا بأحسن الجودات و كاميرا خلفية ممتازة بتقدم أحسن تجربة تصوير فيديو و بصراحة حتى لو الموبايل نزل بسعر أغلى من المتوقع برضه ميعتبرش خسارة فى موبايل بالامكانيات ديه







Similar Products

4580364591432651137