Xiaomi Mi 9 Se موبايل ب 3 انبهارات مواصفات و سعر
الموبايل ده جاى ب 3 عناصر هتبهرك عن بقيت الموبايلات اللى فى الفئة المتوسطة ده غير شكله الرهيب جدا وخامات تصنيعه من الزجاج
Descriptions
Xiaomi Mi 9 Se
دايما شركات الموبايلات بتحاول انها تحط حاجة فى أجهزتها اسمها WOW Factor أو عنصر الانبهار وده اللى بيخلى جهاز يفرق عن الأجهزة التانية ولو عنصر الانبهار مش موجود فى موبايل هنعتبره موبايل عادى جدا ومفيهوش حاجة مميزة أو حاجة تخليه يستاهل انك تشتريه
و شركة شاومى أبدعت فى الموبايل ده بالذات واهتمت جدا بعنصر الانبهار
و هنلاقى ان على الرغم من ان الموبايل من الفئة المتوسطة الا انه مجمع مواصفات كتير متلاقيهاش غير فى الفلاج شيب
من أول الشكل الجميل جدا بالألوان المتدرجة والمبهرة وخامات التصنيع اللى من الزجاج معا اطارات ألومنيوم وديه حاجة ممتازة جدا و أحسن بكتير من البلاستيك اللى بيضيع قيمة الموبايل وبيخليه مش Premium أوى
وكمان من أهم عناصر الانبهار ان الموبايل جاى ب بصمة فى الشاشة وكمان شاشة Super Amoled و الشركة تسكت بقا لأ كمان تحط 3 كاميرات خلفية
كل الناس أكيد بتحب ال 3 كاميرات ال Wide وده تقريبا أول موبايل من شاومى بكاميرا Wide Angle ومش ديه الميزة الوحيدة فى الكاميرات كمان الكامرتين التانيين 48 ميجا بيكسل و 8 ميجا بيكسل Telephoto
أكيد اتحمست لمعرفة بقيت مواصفات الموبايل و فعلا ديه الطريقة اللى بتعاملنا بيها شركة شاومى انها تحط 3 عناصر انبهار فى الموبايل خليك مستنى تعرف بقيت المواصفات وفعلا الشركة نجحت انها تجذب انتباهنا للموبايل
مواصفات الموبايل
اتكلمنا خلاص عن الشكل الجميل جدا و خامات التصنيع ال Premium نتكلم بقا عن الشاشة الرهيبة اللى تعتبر من أهم عوامل الجذب للموبايل
الشاشة 5.97 انش من نوع Super Amoled اللى هوا طبعا أفضل أنواع الشاشات ودايما جودة الشاشات عالية بنقاء و Contrast عالى
جودة الشاشة FHD+ و دقتها 1080x2340 بيكسل وبكثافة 432 بيكسل لكل انش
وبتدعم HDR و Always On Display وبتيجى بطبقة حماية Corning Gorilla Glass 5
وزن الموبايل 155 جرام بأبعاد 147.5 x 70.5 x 7.5 mm (5.81 x 2.78 x 0.30 in)
نظام التشغيل Android 9.0 Pie بواجهة MIUI 10
ألوان الموبايل Violet, Blue, Gray
الكاميرا الخلفية بتكون 3 كاميرات
الكاميرا الأولى 48 ميجا بيكسل بفتحة عدسة F1.8
الكاميرا التانية 13 ميجا بيكسل UltraWide بفتحة عدسة F2.4
الكاميرا الأخيرة 8 ميجا بيكسل Telephoto بفتحة عدسة F2.4
الكاميرا بتدعم فلاش ليد ثنائى و HDR و Panorama
تصوير الفيديو 2160p@30fps, 1080p@30/60/120fps, 720p@960fpsالكاميرا السيلفى كاميرا واحدة 20 ميجا بيكسل بفتحة عدسة F2.0
وبتدعم HDR وبتصور فيديو بدقة 1080p بمعدل التقاط 30 اطار فى الثانية
خصائص الكاميرات Autofocus, Continuous shooting, Digital zoom, Optical zoom, Digital image stabilization, Optical image stabilization, Geotagging, Panorama, HDR, Touch focus, Face detection, White balance settings, ISO settings, Exposure compensation, Self-timer, Scene mode
المعالج Snapdragon 712 من Qualcomm بتكنولوجيا 10 نانو اللى بتعمل على تخفيض استهلاك البطارية
و المعالج الرسومى Adreno 616 اللى يعتبر معالج قوى وهيشغل الألعاب التقيلة بسهولة
الموبايل بييجى بنسختين
النسخة الأولى 128 جيجا بايت ذاكرة تخزين داخلية معا 6 جيجا بايت رام
النسخة التانية 64 جيجا بايت ذاكرة تخزين داخلية معا 6 جيجا بايت رام
و الموبايل بيدعمش تركيب كارت ميمورى
البطارية بتيجى بسعة 3070 ميللى أمبير وهيا بصراحة سعة غريبة وقليلة بالنسبة لبقيت بطاريات شاومى ولكن اللى ممكن يعوضها هوا المعالج اللى هيخفض من استهلاكها
وكمان الموبايل بيدعم خاصية الشحن السريع و يييجى معاه شاحن سريع بقدرة 18W ومنفذ الشحن بيكون USB Type C
سعر الموبايل تقريبا 300 دولار يعنى حوالى 5100 جنيه
مميزات الموبايل
. يدعم مستشعر بصمة فى الشاشة
. جودة شاشة عالية جدا
. يدعم خاصية الشحن السريع و منفذ الشحن USB Type C
. المعالج قوى و أداء الموبايل بشكل عام ممتاز
. الكاميرات الخلفية ثلاثية و أدائهم ممتاز جدا
. الكاميرا السيلفى دقتها عالية
. يدعم NFC و Infrared Port
عيوب الموبايل
. لا يدعم تركيب كات ميمورى
. لا يدعم راديو FM و لا يوجد مدخل سماعات 3.5 ميللى
. البطارية سعتها مش كبيرة بالنسبة لأجهزة كتير من شاومى
نتكلم بصراحة عن الموبايل
الموبايل حرفيا مميزات من غير عيوب لأنك مش بس بتاخد ميزة واحدة أو مجرد شاشة حلوة لأ الموبايل مميز فى الشاشة و الكاميرات الثلاثية و بصمة فى الشاشة و الغريب انه لسه فى الفئة المتوسطة معا ان كل المواصفات ديه فلاج شيب
وكمان الكاميرا السيلفى قوية جدا وأداء الموبايل سريع والمعالجات ممتازة والذاكرة الداخلية عالية ورامات 6 جيجا بايت اللى مستحيل تلاقيها فى الأجهزة المتوسطة
غير نادرا أوى
قصاد عيوب مش عيوب أصلا من أول كارت الميمورى اللى مش هتحتاجه معا المساحة الداخلية الكبيرة و مدخل سماعات ال 3.5 ميللى اللى تقريبا اختفى من أول ال MI 6 وشركة شاومى تقريبا مش هترجعه تانى
و العيب الوحيد الحقيقى هوا البطارية لأن فعلا حاجة غريبة من شاومى اننا نشوف الأرقام ديه ودايما هواتف شاومى بتيجى بسعة عالية
لكن اللى ممكن يشفع للبطارية هوا المعالج Snapdragon 712 اللى محقق نتيجة 179291 فى اختبار AnTuTu Benchmark و المعالج ده مشفناهوش فى موبايل قبل كده ولكن متوقع ان أداءه يكون قوى ويخفض من استهلاك البطارية
مميزات الموبايل
. يدعم مستشعر بصمة فى الشاشة
. جودة شاشة عالية جدا
. يدعم خاصية الشحن السريع و منفذ الشحن USB Type C
. المعالج قوى و أداء الموبايل بشكل عام ممتاز
. الكاميرات الخلفية ثلاثية و أدائهم ممتاز جدا
. الكاميرا السيلفى دقتها عالية
. يدعم NFC و Infrared Port
عيوب الموبايل
. لا يدعم تركيب كات ميمورى
. لا يدعم راديو FM و لا يوجد مدخل سماعات 3.5 ميللى
. البطارية سعتها مش كبيرة بالنسبة لأجهزة كتير من شاومى
نتكلم بصراحة عن الموبايل
الموبايل حرفيا مميزات من غير عيوب لأنك مش بس بتاخد ميزة واحدة أو مجرد شاشة حلوة لأ الموبايل مميز فى الشاشة و الكاميرات الثلاثية و بصمة فى الشاشة و الغريب انه لسه فى الفئة المتوسطة معا ان كل المواصفات ديه فلاج شيب
وكمان الكاميرا السيلفى قوية جدا وأداء الموبايل سريع والمعالجات ممتازة والذاكرة الداخلية عالية ورامات 6 جيجا بايت اللى مستحيل تلاقيها فى الأجهزة المتوسطة
غير نادرا أوى
قصاد عيوب مش عيوب أصلا من أول كارت الميمورى اللى مش هتحتاجه معا المساحة الداخلية الكبيرة و مدخل سماعات ال 3.5 ميللى اللى تقريبا اختفى من أول ال MI 6 وشركة شاومى تقريبا مش هترجعه تانى
و العيب الوحيد الحقيقى هوا البطارية لأن فعلا حاجة غريبة من شاومى اننا نشوف الأرقام ديه ودايما هواتف شاومى بتيجى بسعة عالية
لكن اللى ممكن يشفع للبطارية هوا المعالج Snapdragon 712 اللى محقق نتيجة 179291 فى اختبار AnTuTu Benchmark و المعالج ده مشفناهوش فى موبايل قبل كده ولكن متوقع ان أداءه يكون قوى ويخفض من استهلاك البطارية