Samsung Galaxy Note10 تسريبات رهيبة عن

Not allow reviews
سلسلة النوت معروفة انها أقوى سلسلة من ساامسونج ودايما بتيجى بمواصفات مذهلة وشكل خرافى وهنشوف التسريبات الجديدة اللى أكيد مليانة مفاجأت

Descriptions


Samsung Galaxy Note 10
شركة سامسونج بعد التسريبات الكتير اللى أعلنتها عن أجهزتها و المفروض ان فى مؤتمر 20 فبراير سامسونج هيكون عندها هاردوير كتير يتم الاعلان عنه أقل حاجة 3 موبايلات زى الهاتف القابل للطى Galaxy Fold و سماعات جالاكسى Galaxy Puds و ده بالنسبة للتسريبات عن الحاجات اللى هتنزل كمان شهر لكن فيه تسريبات حماسية أكتر عن ال Note 10 طبعا النوت هيا أقوى سلسلة من سامسونج و الحاجة الأساسية اللى بتميز النوت هوا ال S Pen أو القلم المشهور الخاص بسلسلة النوت

و السنة اللى فاتت معا Galaxy Note 9 شفنا ال S Pen اتطوروبقا يشتغل ببلوتوث لأول مرة وتقدر تستخدمه كأنه ريموت مثلا وكمان كان فيه حاجة اسمها SuperCapacitor عشان يقدر يشحنه بسرعة جدا وبما ان ال S Pen هوا الحاجة الفعلية المميزة جدا لل Note فأكيد سامسونج بتدور على طرق جديدة لتطوير ال S Pen 
وكمان فيه براءة اختراع جديدة لسامسونج انها بتفكر تحط كاميرا فى القلم 

وحسب براءة الاختراع ديه الكاميرا المفروض انها تكون فى الجنب فى ال S Pen و المفروض ان كمان هيكون فيها Optical Zoom يعنى تقدر تعمل زوم بصرى بالكاميرا اللى فى القلم وتقدر انك تتحكم فى الموضوع ده كله عن طريق زراير موجودة فى القلم نفسه 
والكلام ده لسه مش أكيد اننا نشوف فى النوت 10 ولكنه محتمل وممكن لأ 

بس الميزة فى وجود براءة الاختراع ديه ان ممكن سامسونج تعتمد عليها وتلغى الكاميرا الأمامية نهائيا وبكده مش هتضطر تحط نوتش أو خرم فى الشاشة أو Infinity O ولا أى حاجة وهيكون عندك شاشة كاملة والكاميرا موجودة فى القلم وتقدر تستخدمه فى التصوير السيلفى براحتك

للأسف التسريبات متكلمتش لسه عن المواصفات ولا السعر واقتصرت بس على صور الموبايل وعلى براءة اختراع الكاميرا اللى ف القلم وممكن فى الفترة اللى الجاية تنزل تسريبات تانية بالمواصفات الفعلية للموبايل

Similar Products

848001355580671863