Samsung Galaxy A70 هل يستحق تشتريه ولا لأ تجربة الاستخدام الكاملة ل

Not allow reviews
ايه اللى اختلف فى تجربة استخدام الموبايل و ايه اللى ممكن يكون فعلا مبهر ففى الموبايل و ايه اللى هيسبب مشاكل وهل هوا أفضل ولا أشترى موبايل أرخص منه

Descriptions



خلاصة Samsung Galaxy A70 وهل يستحق تشتريه ولا لأ
A70 الموبايل القوى من شركة سامسونج واللى وضحنا كل مواصفاته ومميزاته وعيوبه قبل كده و المرادى هنتكلم عن تجربة استخدامه اللى ممكن تفرق عن الكلام اللى على الورق و يكون  فيه مشكلة هتواجهك لو اشتريته 

علشان تاخد قرار الشراء للموبايل ده لازم تعرف مجموعة من النقاط اللى هنتكلم عنها و هيا اللى هتحددلك هل فعلا تشتريه ولا تشترى موبايل أرخص زى ال A50 
فى البداية هنتكلم عن الفرق بين ال A70 و ال A50 بما انه هوا أحد أعضاء عائلة A من سامسونج اللى مكتسحة السوق دلوقتى
من وجهة نظرنا لو تهمك حاجة من النقاط اللى هنتكلم عنها دلوقتى يبقى زود فرق الفلوس بين الموبايلين وهات A70 وانتا مستريح 

أول حاجة هنتكلم عنها هيا الشاشة ولو بتحب الشاشة الأكبر وده الأكيد يبقى A70 هوا الاختيار المثالى لأنه بيديك شاشة 6.7 بوصة قصاد 6.4 بوصة لل A50 
الشاشتين Super Amoled و الاتنين شاشاتهم مبهرة جدا وهتستمتع بتجربة الألعاب و مشاهدة الفيديوهات فيهم 
ولكن الشاشة فى A70 أولا الحجم بتاعها أكبر و ثانيا ال Bezels أو الحواف اللى حوالين الشاشة تكاد تكون أصغر من الموجودة فى أقوى فلاج شيب من الشركة ال S10+
فالحقيقة الشاشة فى الموبايل مبهرة جدا للناس اللى بتستمتع انها تتفرج على فيديوهات أو تلعب ألعاب لفترات طويلة و هتحس بمتعة جميلة جدا معا ال A70 

النقطة التانية ان ال A70 المعالج بتاعه Qualcomm Snapdragon بينما ال A50 المعالج الخاص بيه من Exynos وطبعا ال A70 بيدينا جودة أفضل فى الأداء معا جودة أفضل فى معالجة الصور 
و كمان تجربة ألعاب أفضل بكتير بسبب المعالج الرسومى Adreno 612

النقطة التالتة هيا التصوير و ان فى ال A70 هتقدر تصور فيديوهات بدقة 4K انما فى ال A50 دقة التصوير هتكون لحد 1080p 
و يمكن ديه حاجة متكونش مهمة لناس كتير و لكن فى بعض المستخدمين بيكون مهم ليهم تصوير الفيديوهات بجودة أعلى 

النقطة الرابعة و اللى مفيش حد هيختلف عليها ان ال A70 بيديك بطارية بسعة أكبر 4500 ميللى أمبير بالاضافة لشحن أسرع بقدرة 25W 
و ده مقابل 4000 ميللى أمبير وشحن بقدرة 15W لل A50
و نتكلم بالتفصيل عن البطارية اللى هنلاقى ان فى ال A70 البطارية هتكمل معاك اليوم بكل راحة و ده لو كنت بتستخدم الموبايل استخدام شاق و لو كان استخدامك متوسط أو أقل فهيعدى معاك اليوم وأكتر بكل سهولة 

و بالنسبة للشحن السريع هيكون مفيد قد ايه لو مثلا عندك مشوار مفاجئ 
هتلاقى انك لو سبت الموبايل على الشاحن وهوا 0% ففى ساعة واحدة هيوصل ل 70% وديه حاجة ممتازة جدا ومفيدة فى المواقف الطارئة 
ولكن ده مش معناه ان الموبايل بيشحن بالكامل فى ساعة وربع مثلا لأ بيشحن فى ساعتين بالظبط و اللى برضه يعتبر رقم كويس جدا 
ولكن موضوع الشحن السريع ميزته أنه بيديك أكبر سعة ممكنة فى وقت قليل تحسبا للحالات المفاجئة

ديه كانت النقط اللى تخليك تشترى الموبايل وتخليه مميز أكتر من ال A50 ولو مفيش أى نقط من الأربعة تهمك يبقى ال A50 أنسب ليك بكتير وده مش معناه ان فيه فرق كبير بين الموبايلين ولكن الموبايلين ممتازين جدا ومفيش غير النقط اللى وضحناها اللى بتفرق

حاجة مهمة لازم نتكلم عنها بخصوص ال A70 واللى مش هتظهر غير فى الاستخدام وهيا أداء البصمة اللى فى الشاشة وهل اتغير عن اللى فى ال A50 ??
للأسف الاجابة لأ و أداء البصمة فى Samsung A70 هوا نفس اللى كان فى Samsung A50 قبل التحديث 
و ممكن ينزل تحديث لل A70 يعالج مشكلة البصمة البطيئة و يحسن أداءها ولكن ده مش أكيد و بصراحة البصمة الحالية الموجودة فى ال A70 لا يعتمد عليها و استجابتها بطيئة مرة تستجيب ومرتين لأ و ول عايز تفتح التيلفون بسرعة 
يبقى انسى وجود البصمة فيه وتعامل معاه عادى باستخدام كلمة المرور اللى انتا عاملها أو تعتمد على ال Face Unlock 

و نصيحة ما تعتمدش على ال Face Unlock سواء فى التيلفون ده أو غيره من التيلفونات لأى شركة تانية لأن سهل ان الموبايل بتاعك يتم خداعه عن طريق صورة أو عن طريق فيديو و يعتبر مش وسيلة أمنة ال Face Unlock فى الأجهزة اللى بتعتمد على الكاميرا عشان تاخد صورة لوشك و تفتح الموبايل

الحاجة تانية المهمة اللى محتاجة تعديل من سامسونج هيا الكاميرا السيلفى 
و الحقيقة الكاميرات الخلفية الموجودة فى الموبايل  ده ممتازة جدا و خصوصا موضوع ال UltraWide  و ده موجود برضه فى ال A50 
التصوير بالكاميرا الخلفية ممتاز جدا وفى الاضاءة القوية و فى الاضاءة القليلة محتاج انك تكون مثبت ايدك كويس جدا عشان تطلع صور ممتازة 
انما المشكلة اللى محتاجة انها تتعدل واللى يعتبر سهل تعديلها ب Software

هيا مشكلة السيلفى فى ضوء الشمس القوى
تقريبا كل الناس دلوقتى بتحب انها تتصور سيلفى وبتحب انها تتصور معا حاجة وراهم فمينفعش انك تكون بتتصور معا حاجة وراك و تتطلع الحاجة ديه بأضاءة عالية أوى تضيع ملامحها عشان تظهر ملامحك 
لازم الصورة تكون ملامح ظاهرة بشكل كويس وتفاصيل الحاجة اللى وراك تكون مظبوطة برضه ومتكونش اضاءتها عالية للدرجة ان ملامحها تضيع 
ف ديه نقطة محتاجة انها تتعالج و ممكن سامسونج تنتبه للموضوع ده وتعالجها فى سوفت وير جديد وتظبط ال HDR
و ممكن ديه ما تعتبرش مشكلة كبيرة ولكنها هظهر معاك لما تستخدم الموبايل فى السيلفى 

خلاصة الكلام ان الموبايل فعلا مطابق للمواصفات ومفيش حاجة فيه أقل من المتوقع وفعلا هيديك أداء ممتاز جدا وتجربة استخدام رائعة ومفيش مشكلة هتواجعك خالص غير النقطتين اللى وضحناهم 
  


Similar Products

1632164933603102304