Realme X مواصفات وسعر أقوى موبايل من ريلمى
Not allow reviews
أقوى فلاج شيب من شركة ريلمى بشكل كتميز وجميل معا كاميرا سيلفى بموتور أوتوماتيك بتخلى الموبايل كله شاشة
Descriptions
Realme X
شركة ريلمى بتبهرنا بموبايل جديد نقدر نقول عليه أخيرا انه فلاج شيب أو على الأقل أقوى موبايل فئة متوسطة وده لأن مواصفاته قوية جدا ومبتجيش غير فى الأجهزة الفلاج شيب ولكن سعره فى الفئة المتوسطة وممكن يكون فيه عيب أو اتنين يفرقوه عن الفلاج شيب وهما ان خامات الصنع من البلاستيك اللى بيخلى الموبايل احساسه فى الايد مش Premium و المعالج مش أقوى معالج موجود للأندرويد معا انه قوى جدا
قصاد ان الموبايل كله WOW Factors زى الشاشة الأموليد والبطارية القوية والشحن السريع والأداء الخرافى و الكاميرا الرهيبة جدا
فمن الطبيعى اننا نقول ان الموبايل ده فلاج شيب
مواصفات الموبايل
الموبايل بييجى بشكل جميل جدا وبشاشة كاملة بسبب ان الكاميرا الأمامية Pop-Up وده بيخلى الموبايل كله شاشة
ومن الضهر شكله رهيب بألوان متدرجة معا خطوط منحنية بتخليه جذاب جدا
وزن الموبايل 191 جرام بأبعاد 161.2 x 76 x 8.6 mm (6.35 x 2.99 x 0.34 in)
الشاشة 6.53 انش من نوع Amoled اللى بتتمبز دايما بسطوع قوى وتشبع ألوان مثالى
ودقة الشاشة 1080x2340 بيكسل بكثافة 394 بيكسل لكل انش وبتيج طبقة حماية Corning Gorilla Glass 5
الموبايل بيدعم تركيب شريحتين اتصال فى نفس الوقت
نظام التشغيل Android 9.0 Pie بواجهة Color OS 6
ألوان الموبايل Steam white, Punk Blue
الكاميرا الخلفية مزدوجة
الكاميرا الأولى 48 ميجا بيكسل PDAF بفتحة عدسة F1.7 بزاوية Wide
الكاميرا التانية مستشعر للعمق 5 ميجا بيكسل بفتحة عدسة F2.4
الكاميرا بتدعم فلاش ليد و HDR و بتصور فيديو بدقة 2160p بعدل التقاط 30 اطار فى الثانية
أما الكاميرا السيلفى فبتكون Motorized pop-up 16 MP, f/2.0, 25mm (wide), 1/3", 1.0µmو بتدعم HDR وبتصور فيديو بدقة 1080p بمعدل التقاط 30 اطار فى الثانية
خصائص الكاميرات Autofocus, Continuous shooting, Digital zoom, Digital image stabilization, Geotagging, Panorama, HDR, Touch focus, Face detection, White balance settings, ISO settings, Exposure compensation, Self-timer, Scene mode
المعالج بيكون Snapdragon 710 بتكنولوجيا 10 نانو اللى بتساعد على تخفيض استهلاك البطارية بصورة كبيرة
و المعالج الرسومى Adreno 616 وده معالج قوىجدا وهيدى أداء سريع وهيشغل كل الألعاب الحديثة على اعدادات عالية
الموبايل بييجى ب 3 نسخ
النسخة الأولى 128 جيجا بايت ذاكرة تخزين داخلية معا 8 جيجا بايت رام
النسخة التانية 64 جيجا بايت ذاكرة تخزين داخلية معا 6 جيجا بايت رام
النسخة الأخيرة 64 جيجا بايت ذاكرة تخزين داخلية معا 6 جيجا بايت رام
و مفيش منفذ لتركيب كارت ذاكرة تخزين خارجى
البطارية بتيجى بسعة 3765 ميلل أمبير وديه سعة ممتازة بصراحة وكمان بتدعم خاصية الشحن السريع بقدرة 20W وبخاصية ال VOOC 3 وممكن يشحن من صفر ل 50% فى 30 دقيقة بس
ومنفذ الشحن بيكون USB Type C
سعر الموبايل 320 دولار تقريبا يعنى حوالى 3750 جنيه
مميزات الموبايل
- يدعم مستشعر بصمة فى الشاشة
- جودة الشاشة عالية وألوانها ممتازة
- الكاميرا من أفضل الكاميرات الموجودة
- يدعم راديو FM و مدخل سماعات 3.5 ميللى
- البطارية سعتها كبيرة
- يدعم خاصية الشحن السريع ومنفذ الشحن Type C
عيوب الموبايل
- لا يدعم تركيب كارت ميمورى
- لا يدعم NFC
- خامات الصنع من البلاستيك
الموبايل بصراحة فيه مميزات رهيبة جدا وتقريبا ده أول موبايل من ريلمى بييجى بشاشة أموليد و مش بس كده لأ كمان أول موبايل من ريلمى بييجى ببصمة فى الشاشة ده غير طبعا الرامات ال 8 جيجا بايت و ال 6 جيجا بايت
و أهم حاجة فيه انه محتفظ بال Audio Jack ال 3.5 ميللى
الخلاصة ان الموبايل ده فئة متوسطة ولكنه أقوى من الفلاج شيب