Realme C2 مواصفات وسعر أرخص موبايل بيشغل ببجى
الموبايل كويس جدا وشكله جذاب خصوصا الضهر اللى بيبقى على شكل مثلثات ألوانها متباينة بتخلى الشكل جميل جدا وكمان سعره قليل ومناسب
Descriptions
Realme C2
الموبايل ده هوا الاصدار الجديد من C1 اللى كنا اتكلمنا عنه ووضحنا ان رغم سعره الرخيص الا انه بيقدم مواصفات قوية جدا وطبعا شركة ريلمى بتقدم أجهزة رهيبة وسعرها مناسب وبنتوقع ان الجهاز ده يبقى منافس قوى جدا مش بس عشان شكله جميل جدا ولكن عشان بييجى بمواصفات ممتازة وكاميرات كويسة جدا بالنسبة لسعره اللى مش هيعدى 1500 جنيه
السعر ده بصراحة هوا أكبر مفاجأة من الشركة ورغم اننا عارفين ان أجهزتها بتبقى رخيصة الا اننا كناش نتوقع المواصفات ديه بالسعر ديه ولو فعلا اتسعر كده يبقى نقدر نقول عليه من أفضل الموبايلات اللى هتكون متاحة
مواصفات الموبايل
الموبايل شكله وتصميمه جميل جدا وضهره عليه أشكال مثلثات شكلها حلو ولكن العيب اللى فى التصميم ان الموبايل مصنوع من خامات بلاستيك واللى رغم انه بيحافظ على الموبايل من الكسر الا انه بيضيع قيمته وبيخليه مش Premium أوى
الشاشة 6.1 انش من نوع IPS LCD بدقة 720x1560 بيكسل بكثافة 282 بيكسل لكل انش وبتيجى بنوتش صغير WaterDrop Notch على عكس Realme C1 اللى كان بييجى بنوتش عادية وحجمها كبير الى حد ما
وزن الموبايل 166 جرام بأبعاد 154.3 x 73.7 x 8.5 mm (6.07 x 2.90 x 0.33 in)
ألوان الموبايل Diamond Black, Diamond Blue
والموبايل بيدعم تركيب شريحتين اتصال معا كارت ميمورى فى نفس الوقت
نظام التشغيل Android 9.0 Pie بواجهة ColorOS 6 Lite
الكاميرا الخلفية بتكون مزدوجة
الكاميرا الأولى 13 ميجا بيكسل PDAF بفتحة عدسة F2.2
الكاميرا التانية مستشعر عمق 2 ميجا بيكسل بفتحة عدسة F2.4
الكاميرا بتدعم LED flash, HDR, panoramaو بتصور فيديو بدقة 1080p بمعدل التقاط 30 اطار فى الثانية
أما الكاميرا السيلفى فبتكون 5 ميجا بيكسل بفتحة عدسة F2.0 و بتدعم HDR وبتصور فيديو بدقة 1080p بمعدل التقاط 30 اطار فى الثانية
خصائص الكاميرات Autofocus, Continuous shooting, Digital zoom, Geotagging, Panorama, HDR, Touch focus, Face detection, White balance settings, ISO settings, Exposure compensation, Self-timer, Scene mode, Phase detection
الموبايل بييجى بمعالج من نوع Mediatek Helio P22 بتكنولوجيا 12 نانو اللى بتعمل على تخفيض استهلاك البطارية
و المعالج يعتبر كويس جدا وبيقدم أداء مرضى
أما المعالج الرسومى فبيكون PowerVR GE8320
اللى ممكن يشغل ألعاب تقيلة من غير مشاكل
و الموبايل بييجى بنسختين
النسخة الأولى 32 جيجا بايت ذاكرة تخزين داخلية معا 3 جيجا بايت رام
و النسخة التانية 16 جيجا بايت ذاكرة تخزين داخلية معا 2 جيجا بايت رام
طبعا معا امكانية تركيب كارت ميمورى لحد 256 جيجا بايت فى منفذ منفصل
البطارية بتيجى بسعة 4000 ميللى أمبير وديه بصراحة سعة خرافية جدا وحرفيا مش هتحتاج غير شحنة واحدة فى اليوم
ولكنها للأسف مبتدعمش خاصية الشحن السريع واللى كانت هتبقى ممتازة معا بقية مميزات الموبايل
ومنفذ الشحن بيكون Micro USB 2.0
سعر الموبايل من 85 دولار الى 113 دولار يعنى حوالى 1450 الى 1900 جنيه
مميزات الموبايل
. يدعم تركيب شريحتين اتصال و كارت ميمورى فى نفس الوقت
. حجم الشاشة كبير
. الموبايل بييجى ببطارية كبيرة
. سعره رخيص جدا ومواصفاته قوية
. يدعم راديو FM و مدخل سماعات 3.5 ميللى
عيوب الموبايل
. انه مبيدعمش الشحن السريع
. الكاميرا السيلفى أدائها ضعيف
. لا يدعم NFC
الموبايل بصراحة من أفضل الموبايلات اللى شفناها من شركة Realme وده مش بسبب انه جاى بأقوى مواصفات ولكن علشان سعره رخيص جدا ومواصفاته كلها كويسة ما عدا الكاميرا السيلفى وكمان بوجود معالج قوى ورامات 3 أو 2 جيجا بايت يبقى يقدر يشغل لعبة Pubg بسهولة ومش هتحتاج انك تجيب موبايل غالى عشان تلعب عليه
وبننصح جدا بالموبايل ده لأنه بيقدم كل موصفات رهيبة بسعر متاز جدا وكل اللى هتفقده هوا أداء الكاميرا و الشحن السريع