LG Q60 موبايل خفيف وشكله جميل مواصفات وسعر
Not allow reviews
الموبايل ده تصميمه خطير جدا وحوافه قليلة وموجه لل سوق المتوسطة ورغم ان امكانياته مش عالية الا ان سعره المناسب و شكله الجميل بيخليه من أفضل الموبايلات من الشركة
Descriptions
LG Q60
شركة LG تضرب من جديد بموبايل جديد فيه التريندات اللى كلنا بنحبها زى الحواف الصغير والنوتش الصغيرة اللى شكلها جميل جدا وكمان التصميم و الشكل العصرى
و طبعا كلنا عارفين ان الشركة تعتبر واحدة من أفضل وأقوى الشركات فى عالم الموبايلات ولكن طبعا معا تطور السوق وزيادة الشركات المنافسة زى شاومى و أوببو لقينا ان الشركة ابتعدت عن الأضواء ولكن من فتر قريبة ابتدت تقدم موبايلات جديدة بواصفات رهيبة و بتحاول بقوة انهاتكون من أحد الشركات الرائدة فى السوق حاليا وبصراحة ده ممكن يتحقق لأن أجهزتها الجديدة بتقدم مواصفات هايلة جدا
مواصفات الموبايل
الموبايل طبعا شكله جميل وتصميه عصرى ومميز بس العيب الوحيد فيه ان خامات تصنيعه من البلاستيك اللى للأسف بيخلى الموبايل يفقد قيمته ويديك احساس انه مش Premium أوى فى ايدك
الشاشة بتكون 6.26 انش من نوع IPS LCD وبدقة 720x1520 بيكسل بكثافة 269 بيكسل لكل انش وبتيجى
الألوان المتاحة الأزرق بس
بالنوتش الصغيرة WaterDrop Notch
الموبايل بيدعم تركيب شريحة اتصال واحدة أو شريحتين اتصال على حسب نسخة الموبايل و يدعم تركيب كارت ميمورى فى نفس الوقت
أبعاده 161.3 x 77 x 8.7 mm (6.35 x 3.03 x 0.34 in)
نظام التشغيل Android 9.0 Pie
الكاميرا الخلفية 3 كاميرات
الكاميرا الأولى 16 ميجا بيكسل PDAF بفتحة عدسة F2.2
الكاميرا التانية Super Wide Angle بدقة 5 ميجا بيكسل
الكاميرا التالتة مستشعر للعمق 2 ميجا بيكسل
وبتدعم LED flash, panorama, HDR
وبتصور فيديو بدقة 1080p بمعدل التقاط 30 اطار فى الثانية
الكاميرا السيلفى كاميرا واحدة 13 ميجا بيكسل
بتدعم HDR وبتصور فيديو بدقة 1080p بمعدل التقاط 30 اطار فى الثانية
خصائص الكاميرات Autofocus, Continuous shooting, Digital zoom, Digital image stabilization, Optical image stabilization, Geotagging, Panorama, HDR, Touch focus, Face detection, White balance settings, ISO settings, Exposure compensation, Self-timer, Scene mode, Macro mode, Phase detection
الموبايل بييجى بمعالج 2GHz Octa-Core Processor
و رامات 3 جيجا بايت و زاكرة تخزين داخلية 64 جيجا بايت معا امكانية تركيب كارت ميمورى لحد 512 جيجا بايت
البطارية بتيجى بسعة 3500 ميللى أمبير وهيا الى حد ما سعة كبيرة ولكن للأسف مفيش خاصية الشحن السريع اللى بنعتبرها حاجة أساسية فى الموبايلات الحديثة
سعر الموبايل لسه متحددش بشكل رسمى ولكن معا مواصفات متوسطة طبيعى انه مش هيكون أكتر من 3500 جنيه
مميزات الموبايل
. يدعم مستشعر بصمة فى الضهر
. يدعم تركيب شريحتين اتصال و كارت ميمورى فى نفس الوقت
. البطارية بتيجى بسعة كبيرة
. كاميرا خلفية ثلاثية
. يدعم راديو FM و مدخل سماعات 3.5 ميللى
عيوبه
. لا يدعم الشحن السريع
. الاداء ضعيف
. جودة الشاشة منخفضة
. لا يدعم NFC
الموبايل حلو جدا وتصميمه شبابى وجميل لكن مشكلته انه مفيهوش Wow Factor غير الكاميرات الخلفية الثلاثية بس و بقيت المواصفات ضعيفة فمنقدرش نقول ان الموبايل قوى جدا ومميز وهوا فيه ميزة واحدة قوية وبقيت المواصفات عادية وكمان خاصية الشحن السريع مطلوبة ومفيش حاجة ممكن تعوضها ولكن ل سعره كان فى المتناول ساعتها بس نقدر نقول ان الموبايل ده بيقدم صفقة حلوة جدا وانه يستاهل اما لو كان أكتر من 3000 جنيه يبقى ملوش لزمة