Infinix Smart3 Plus مواصفات وسعر
Not allow reviews
موبايل جديد تم الاعلان عنه فى أخر شهر ابريل
شكله جميل جدا وبيقدم أداء قوى ومواصفاته هنتكلم عنها بالتفصيل
الموبايل اضافة جديدة من انفينيكس وواضح انه هيكون موبايل مميز
Descriptions
Infinix Smart3 Plus
شركة Infinix بتقدم الموبايل الجديد بعد ما ما أصدرت أجهزة كويسة جدا زى Infinix Hot 7 Pro و Infinix S4 وبصراحة الشركة ماشية كويس فى طريق الرجوع للمنافسة تانى فى السوق المتوسطة
مواصفات الموبايل
من أكتر الحاجات المميزة فيه هوا الضهر اللى بتبقى ألوانه جميلة جدا ومختلفة و كذا لون فى بعض معا اطارات وزراير ملونة بتخلى شكل الموبايل روعة
الشاشة بتكون 6.2 انش من نوع IPS LCD وبدقة 720x1520 بيكسل بكثافة 269 بيكسل لكل انش وبيكون فيها Water Drop Notch
الموبايل بيدعم تركيب شريحتين اتصال و كارت ميمورى
نظام التشغيل Android 9.0 Pie
ألوان الموبايل Midnight Black, Aqua Blue, Cosmic Purple, Bordeaux Red
الكاميرا الخلفية مزدوجة
الأولى 13 ميجا بيكسل بفتحة عدسة F1.8
الكاميرا التانية 2 ميجا بيكسل لخاصية العزل
الكاميرا بتدعم فلاش ثنائى مزدوج و HDR
و بتصور فيديو بدقة 1080p بمعدل التقاط 30 اطار فى الثانية
أما الكاميرا السيلفى فبتكون كاميرا واحدة بس 8 ميجا بيكسل
و بتدعم HDR وبتصور فيديو بدق 1080p بمعدل التقاط 30 اطار فى الثانية
المعالج بيكون Mediatek Helio A22 بتكنولوجيا 12 نانو اللى بتساعد على تخفيض استهلاك البطارية ورغم ان المعالج مش حديث الا ان أداءه كويس
و المعالج الرسومى بيكون PowerVR GE8320
و الرامات بتكون 3 جيجا بايت أو 2 جيجا بايت
و ذاكرة التخزين الداخلية 32 جيجا بايت
البطارية بتيجى بسعة 3500 ميللى أمبير وديه بصراحة سعة ممتازة جدا
بس للأسف خاصية الشحن السريع مش موجودة ومنفذ الشحن بيكون Micro USB 2.0
سعر الموبايل 100 دولار يعنى حوالى 1700 جنيه
مميزات الموبايل
. يدعم تركيب شريحتين اتصال وكارت ميمورى
. البطارية سعتها كبيرة
. الشاشة حجمها كبير
. يدعم راديو FM و مدخل سماعات 3.5 ميللى
. يدعم مستشعر بصمة فى الضهر
العيوب
. جودة الشاشة منخفضة رغم ان حجمها كبير
. لا يدعم الشحن السريع
. أداء الكاميرات منخفض
الموبايل كويس جدا بالنسبة لسعره و صعب جدا تلاقى موبايل دلوقتى ب 1700 بالمواصفات ديه بس لازم نكون متفقين انه مش هيدى تجربة استخدام ممتازة وأداء خرافى ولكن هيقضى الغرض و زيادة ولو بتفكر فى موبايل أفضل لازم نتكلم على الأقل فى 2300 جنيه زى Realme 3