Honor 8X و Huawei Y9 2019 مقارنة سريعة لمواصفات وسعر

Not allow reviews
الموبايلين ممكن نعتبرهم من شركة واحدة لأن شركة هونر تابعة لهواوى ولكن أكيد في فرق بينهم وده اللى هنوضحه عشان تقدر تشترى الموبايل الأفضل

Descriptions


Huawei Y9 2019 VS Honor 8X
الموبايلين بينافسوا بعض بقوة فى الفئة المتوسطة وعلى حسب احتياجاتك هنوضحلك انهو موبايل أفضل ليك وبرضه هنوضح فرق اسعر و المواصفات 

نبدأ أولا بتصميم الموبايلين 
بالنسبة لل Y9 هنلاقى انه مصنوع من البلاستيك بطبقة لامعة بتديلك احساس انه مصنوع من الزجاج
أما ال 8X فهوا مصنوع من الزجاج معا جوانب من الألومنيوم وده طبعا بيديك احساس امه Premium أكتر بس فى النهاية الموبايلين بيبصموا بسرعة وهتذطر تستعمل الجراب السيلكون اللى بييجى معا كل موبايل 
ومن ناحية الشياكة فالحقيقة 8X شكله يعتبر أشيك بكتير من Y9 سواء فى اللون الأسود أو اللون الأزرق ولكن فى النهاية الشكل أو اللون ده حسب الذوق اللى بيختلف من شخص للتانى

ولما نتكلم عن الشاشة هنلاقى ان شاشة ال 8X بتكون 6.5 انش من نوع LTPS IPS وبدقة 1080x2340 بيكسل بكثافة 397 بيكسل لكل انش و بتيجى بطبقة حماية Corning Gorilla Glass 3 و بيكون فيها النوتش العادية 
أما بالنسبة ل Y9 فبييجى برضه بشاشة 6.5 انش من نوع IPS LCD بدقة 1080x2340 بيكسل وبكثافة 393 بيكسل لكل انش و برضه بنوتش عادية 

و بالنسبة للكاميرات
ال 8X بييجى بكاميرا سيلفى واحدة 16 ميجا بيكسل يفتحة عدسة F2.0
و 2 كاميرا خلفية الأولى 20 ميجا بيكسل بفتحة عدسة F1.8 
و الكاميرا التانية 2 ميجا بيكسل بتعمل كمستشعر للعمق و مسئولة عن العزل 
أما ال Y9 فبييجى بكاميرا أمامية مزدوجة الأولى 16 ميجا بيكسل و الكاميرا التانية 2 ميجا بيكسل 
و بييجى بكاميرات خلفية الأولى 13 ميجا بيكسل بفتحة عدسة F1.8 
و الكاميرا التانية 2 ميجا بيكسل مستشعر للعمق ومسؤولة عن خاصية العزل
فنقدر نقول بالنسبة للكاميرات الخلفية هنلاقى ان ال 8X بيتفوق على ال Y9 
و العكس فى الكاميرا السيلفى لأن ال Y9 بييجى بكاميرا مزدوجة عكس ال 8X

بالنسبة للمواصفات الداخلية
هنلاقى ان الموبايلين فيهم نفس المعالج ال Kirin 710 بتكنولوجيا 12 نانو اللى بتساعد على تخفيض استهلاك البطارية 
و بالنسبة للرامات هنلاقى انها 4 جيجا بايت فى كل موبايل ولكن الذاكرة الداخلية هيا اللى بتفرق وهنلاقى ان ال 8X بييجى ب 128 جيجا بايت وبيتفوق على ال Y9 اللى بييجى ب 64 جيجا بايت بس 
وبالنسبة لتجربة الألعاب فى الموبايلين مثلا لعبة Pubg  مش هنلاقى فى فرق بين الموبايلين وده لأنهم فيهم نفس المعالجات ونفس الرامات وكمان نفس واجهة نظام التشغيل Android 8.1 Oreo بواجهة EMUI 9.0

و بالنسبة للبطارية هنلاقى ان بطارية ال 8X بتيجى بسعة 3750 ميللى أمبير
أما بطارية ال Y9 فبتكون بسعة 4000 ميللى أمبير وبتتفوقعلى بطارية ال  8X
و منفذ الشحن فى الموبايلين بيكون Micro USB 2.0
سعر ال 8X بيكون 4900 جنيه 
و ال Y9 سعره بيكون 4350 جنيه  
والكلام ده بالنسبة لنسخة ال 4 جيجا بايت اللى هتكون متاحة فى مصر 

السؤال هنا بقا أشترى ال Y9 2019 ولا ال  Honor 8X
لو انتا شخص بتحب الشكل الجميل و التصميم المبهر يبقى Huawei 8X أفضل بالنسبالك معا ان ال Y9 2019 شكله مش وحش ولكن تصميمه وشكله أقل شوية من 8X
لو بتبص بقا للأداء و الكاميرات ف مفيش فرق كبير أوى ولكن الكاميرا زى ما وضحنا ان ال 8X بيتفوق فى الكاميرا الخلفية و العكس فى الكاميرا الأمامية ال Y9 هوا اللى بيتفوق 
و طبعا الفرق فى الكاميرات مش كبير لدرجة انك تختار موبايل عشان الكاميرا ونفس أوضاع التصوير موجودة  فى الكاميرتين 
و ممكن الفرق الوحيد بيكون فى البطارية اللى بتكون أكبر بفرق بسيط 250 ميللى أمبير بس لصالح Huawei Y9 2019 
أو ممكن الذاكرة الداخلية اللى بتكون 128 جيجا بايت فى Honor 8X و أكبر من 64 جيجا بايت فى Huawei Y9 2019

بصراحة مفيش فرق ممكن يخليك تفضل موبايل عن التانى غير تقريبا السعر و ال Budget الخاصة بيك وممكن التفضيلات الشخصية من ناحية الشكل و التصميم وممكن خامات الصنع تفرق معاك 






Similar Products

4389995597800613084