Google Pixel 3a جوجل تبدع من جديد مواصفات وسعر

Not allow reviews
واحد من أفضل الموبايلات من شركة جوجل وتم الاعلان عنه مؤخرا فى شهر مايو 2019 الموبايل بيقدم شكل جذاب معا مواصفات قوية جدا وهوا موجه للفئة المتوسطة

Descriptions



Google Pixel 3a
شركة جوجل ابتدت فعلا تنافس بقوة فى سوق الجهزة المحمولة اللى دخلت فيه جديد وده بعد ما أنتجت أجهزة قوية زى Pixel 3 XL اللى كان موبايل قوى جدا ومن أفضل أجهزة الفلاج شيب ويعتبر من أفضل موبايلات 2018 
ومعا اقتراب منتصف 2019 الشركة أعلنت عن Pixel 3a اللى هيكون من أفضل من أفضل أجهزة الفئة المتوسطة اللى ممكن تنافس الفلاج شيب 
وده لأن الموبايل فيه  WoW Factors كتير أهمهم طبعا الشاشة ال OLED اللى هنتكلم عنها بالتفصيل وكمان المعالج الجديد Snapdragon 670 من كوالكوم واللى بيقدم أداء ممتاز و أخر عنصر انبهار هيا الكاميرا الرهيبة بمعنى الكلمة

مواصفات الموبايل
الموبايل بييجى حلو ولكن معا تصميم تقليدى بالحواف العادية واللى يعتبر عيب وميزة فى نفس الوقت لأنه مش بيدى الشكل الجميل المتماشى معا الترينات الحالية زى النوتش و الثقب فى الشاشة ولكنه ميزة للأشخاص اللى بيكرهوا النوتش اللى بيخبى الاشعارات مثلا وبيحبوا الحاف اللى ممكن تبقى مفيدة فى حاجات كتير زى مثلا وجود الكاميرا من غير أى مشكلة و وجود سماعات كويسة من غير ما تبقى فى مكان غير مكانها
خامات صنع الموبايل بتبقى من البلاستيك معا وااجهة زجاجية و البلاستيك للأسف بيخلى الموبايل يفقد قيمته وميديش احساس انه Premium أوى فى الايد رغم انه متين وبيحافظ على الموبايل من الكسروزن الموبايل 147 جرام بأبعاد 151.3 x 70.1 x 8.2 mm (5.96 x 2.76 x 0.32 in)


الشاشة 5.6 انش من نوع OLED اللى يعتبر من أفضل أنواع الشاشات و دايما بيبقى سطوعها ممتاز ونقائها عالى 
و دقة الشاشة 1080x2220 بيكسل بكثافة 441 بيكسل لكل انش وبتدعم خاصية Always On Display
و بتيجى بطبقة حماية Asahi Dragontrail Glass
الموبايل بيدعم تركيب شريحة اتصال واحدة فقط
ألوان الموبايل Just Black, Clearly White, Purple-ish
نظام التشغيل Android 9.0 Pie

الكاميرا الخلفية بتكون كاميرا واحدة 12.2 ميجا بيكسل بمثبت بصرى OIS و Dual Pixel PDAF وزاوية تصوير Wide وفتحة عدسة F1.8 

و بتدعم فلاش ليد ثنائى و HDR و Panorama
تصوير الفيديو 2160p@30fps, 1080p@30/60/120fps
الكاميرا أداءها عالى جدا وجودة الصور فيها ممتازة على الرغم من ان عدد بيكسلاتها قليل وانه كاميرا واحدة
أما الكاميرا السيلفى فبتكون 8 ميجا بيكسل بفتحة عدسة F2.0 وزاوية تصوير Wide 
الكاميرا بتدعم HDR وبتصور فيديو بدقة 1080p بمعدل التقاط 30 اطار فى الثانية
خصائص الكاميرات Autofocus, Continuous shooting, Digital zoom, Digital image stabilization, Optical image stabilization, Geotagging, Panorama, HDR, Touch focus, Face detection, White balance settings, ISO settings, Exposure compensation, Self-timer, Scene mode

المعالج بيكون Snapdragon 670 بتكنولوجيا 10 نانو اللى بتخفض استهلاك البطارية بصورة كبيرة 

المعالج جديد من شركة Qualcomm وهوا معالج قوى جدا و من أفضل المعالجات فى الفئة المتوسطة خصوصا انه بييجى بخاصية Quick Charge 4+ اللى ممكن تشحن الموبايل من صفر الى 50% فى 15 دقيقة 
وكمان بييجى بمعالج رسومى Adreno 615 اللى يعتبر متفوق جدا و أكتر من ممتاز وهيشغل الألعاب التقيلة على اعدادات Ultra وخصوصا انه جاى بخاصية speed-boosting turbo function
الموبايل بييجى ب 4 جيجا بايت رام و ذاكرة تخزين داخلية 64 جيجا بايت 
و للأسف مفيش منفذ لكارت الميمورى

البطارية بتيجى بسعة 3000 ميللى أمبير وبتدعم خاصية الشحن السريع بقدرة 18W 

و بتدعم خاصية USB Power Delivery 2.0
ومنفذ الشحن بيكون Type C 
سعر الموبايل 400 دولار تقريبا يعنى حوالى 6800 جنيه

مميزات الموبايل
  •  يدعم مستشعر بصمة فى الضهر
  •  بييجى بشاشة ممتازة جدا جودتها عالية وكثافة بيكسلاتها ممتازة
  •  يدعم خاصية الشحن السريع ومنفذ الشحن USB Type C
  •  المعالج قوى جدا وبيخفض من استهلاك البطارية
  •  أداء الموبايل سريع ومش هيواجه مشكلة معا الألعاب التقيلة 
  •  الكاميرا ممتازة جدا وهتقدم تجربة تصوير مميزة 
  •  يدعم NFC

عيوب الموبايل
  •  لا يدعم تركيب شريحتين اتصال
  •  لا يوجد منفذ لكارت الذاكرة الخارجى
  •  لا يدعم راديو FM ولا يوجد مدخل سماعات 3.5 ميللى

الموبايل قوى جدا زى ما وضحنا وهيكون من أفضل أجهزة الفئة المتوسطة وبصراحة احنا شايفين ان ملوش عيوب وده لأن على مستوى المواصفات و الأداء هوا ممتاز جدا ومفيش موبايل فى سعره بيقدم المميزات ديه ولكن من ناحية الشكل ممكن يكون العيب هوا الخامات اللى من البلاستيك و الشكل التقليدى بالحواف العادية 

ومن ناحية الاستخدام هنلاقى ان عيبه انه مش بيدعم تركيب شريحتين وديه حاجة مهمة أما بالنسبة لكارت الميمورى و مدخل السماعات 3.5 ميللى ف ديه حاجة على حسب تفضيلات المستخدم و ممكن ما تبقاش مشكلة لكتير من المستخدمين 
و أخيرا البطارية سعتها تعتبر مش كبيرة وممكن صغيرة لو بصينا لبطاريات المنافسين ولكن المعالج هيساعد بصورة كبيرة فى تعويض السعة ديه وهيقوم بتخفيض استهلاكها فمنقدرش نعتبرها عيب







Similar Products

485272327817525583