Google Pixel 3 XL جوجل تكتسح سوق الموبايلات مواصفات وسعر

Not allow reviews
موبايل قوى جدا و يعتبر من أفضل الأجهزة الفلاج شيب الموجودة و تقريبا الموبايل فيه أقوى مواصفات و الشاشة من أفضل الشاشات الموجودة بس كل موبايل بيكون ليه مميزات وليه عيوب وهنتعرف عليها معا بعض

Descriptions


Google Pixel 3 XL
شركة Google شركة معروفة جدا و من أفضل الشركات وأشهرهم ومفيش حد ما بيستخدمش محرك البحث المشهور جوجل و كمان Gmail و خرائط جوجل وغيرهم كتير وتقريبا مفيش حد استخدم انترنت ميعرفش جوجل لكن الجديد المرادى ان الشركة قررت تتجه لعالم الأجهزة المحمولة و القرار ده كان فى 2016 بس كانت أجهزة عادية عكس Pixel 3 XL اللى يعتبر جهاز فلتة و فلاج شيب محترم يقدر ينافس أقوى الشركات وده لأنه جاى بأعلى مواصفات كانت موجودة فى وقت انتاج الموبايل

مواصفات الموبايل
وزن الموبايل 184 جرام بأبعاد 158 x 76.7 x 7.9 mm (6.22 x 3.02 x 0.31 in)
وخامات التصنيع من الزجاج مش البلاستيك وديه تعتبر أول حاجة بتميز الفلاج شيب عن الأجهزة العادية
الشاشة 6.3 انش من نوع P-OLED من أفضل أنواع الشاشات طبعا وبدقة 1440x2960 بيكسل وبكثافة 523 بيكسل لكل انش وبتيجى بنوتش من النوع العادى
مميزات الشاشة انها بتيجى بطبقة حماية Corning Gorilla Glass 5 و بتيجى بخاصية  Always-on display و100% DCI-P3 و HDR
الموبايل بيدعم تركيب شريحتين اتصال و مبيدعمش تركيب كارت ميمورى 
نظام التشغيل Android Pie 9.0 
ألوان الموبايل Clearly White, Just Black, Not Pink

الكاميرا الخلفية بتكون كاميرا واحدة بس 12 ميجا بيكسل بفتحة عدسة F1.8 بتصور بزاوية Wide و بتدعم Auto HDR و Stabilization OIS, EIS و Touch-to-focus, Phase Detection AF, Phase Detection AF with Dual Pixel و Panoram و فلاش ليد ثنائى و بتصور فيديو لحد دقة 2160p بمعدل التقاط 60 اطار فى الثانية 
الكاميرا السيلفى مزدوجة الكاميرا الأولى بتكون 8 ميجا بيكسل Wide بفتحة عدسة F1.8 و الكاميرا التانية 8 ميجا بيكسل UltraWide بفتحة عدسة F2.2 الكاميرا بتدعم Auto HDR وبتصور فيديو بدقة 1080p بمعدل التقاط 30 اطار فى الثانية 

المعالج بيكون Snapdragon 845 بتكنولوجيا 10 نانو من شركة كوالكوم وطبعا ده يعتبر أقوى معالج من الشركة فى وقت انتاج الموبايل قبل ظهور Snapdragon 855 وكمان تكنولوجيا 10 نانو هتساعد على تخفيض استهلاك البطارية بشكل كبير
المعالج الرسومى Adreno 630 من Qualcomm وبرضه من أقوى المعالجات الرسومية الموجودة و اللى مش هيهنج خالص أو هيسبب أى مشاكل معا أى لعبة تقيلة أو تطبيق وممكن تلعب عليه Pubg أو Asphalt على أعلى اعدادات 
الرامات 4 جيجا بايت معا ذاكرة تخزين داخلية 64 جيجا بايت أو 128 جيجا بايت
البطارية بتيجى بسعة 3430 ميللى أمبير وبتدعم الشحن السريع بقدرة 18W و بتيجى بخاصية USB Power Delivery 2.0 و بتدعم الشحن  الوايرليس QI wireless charging 10W
منفذ الشحن بيكون USB Type C وديه حاجة ممتازة جدا
سعر الموبايل تقريبا 17500 جنيه

مميزات الموبايل
. أفضل جودة شاشة وأعلى دقة وكثافة بيكسلات
. أفضل معالجات ممكنة فى وقت انتاج الموبايل
. يدعم مستشعر بصمة فى الضهر
. يدعم خاصية الشحن السريع و الشحن الWireless السريع
. منفذ الشحن USB Type C
. مقاوم للماء و الغبار

العيوب
. لا يدعم تركيب كارت ميمورى
. البطارية سعتها منخفضة نسبيا
. لا يدعم راديو FM
. لا يوجد مدخل سماعات 3.5 ميللى

من وجهة نظرنا الموبايل كويس جدا وبيقدم مواصفات ومميزات خيالية و شاشته من أفضل الشاشات المتاحة وكمان الأداء عالى جدا ولوعملنا مقارنة بينه وبين أى فلاج شيب بالمميزات ديه هنلاقى أنه أرخص بكتير ورغم انشركة جوجل حديثة فى سوق الموبايلات الا اننا بنعترف انها بتقدم مواصفات رهيبة وهتبقى منافس شرس للشركات الحالية 

Similar Products

491176740803790707