Asus ZenoFone Max Pro M2 مواصفات وسعر تحفة أسوس
الموبايل امكانياته كويسة وموجه للفئة المتوسطة و الشركة رغم انها مش من أشهر الشركات فى صناعة الموبايلات الا انها بتقدم أجهزة كويسة جدا سواء فى الشكل أو فى الأداء
Descriptions
Asus ZenFone Max Pro M2
شركة Asus التايوانية المتخصصة فى صناعة ال MotherBoard و ملحقات الكومبيوتر كان برضه ليها بصمة فى صناعة الأجهزة المحمولة وخصوصا فى سنة 2018 اللى شفا فيها أحهزة قوية للشركة زى Asus Rog Phone و المرادى الشركة بتقدم موبايل تانى أعلنت عنه فى نهاية 2018 برضه
مواصفات الموبايل
شكل الموبايل جميل جددا خصوصا تدرج الألوان اللى فى الضهر و من قدام النوتش التقليدى
وزن الموبايل 175 جرام بأبعاد 157.9 x 75.5 x 8.5 mm (6.22 x 2.97 x 0.33 in)
وخامات تصنيع من البلاستيك معا واجهة زجاجية
الشاشة بتكون 6.26 انش من نوع IPS LCD بدقة 1080x2280 بيكسل بكثافة 403 بيكسل لكل انش و بتيجى بطبقة حماية Corning Gorilla Glass 6
الموبايل بيدعم تركيب شريحتين اتصال معا كارت ميمورى فى نفس الوقت
نظام التشغيل Android Oreo 8.1 قابل للتحديث ل Android Pie 9.0
ألوان الموبايل Blue, Titanium
الكاميرا الخلفية مزدوجة الأولى 12 ميجا بيكسل بفتحة عدسة F1.8 و الكاميرا التانية مستشعر عمق 5 ميجا بيكسل بفتحة عدسة F2.4 و الكاميرا بتدعم LED flash, HDR, panorama و بتصور فيديو بدقة 2160p بمعدل التقاط 30 اطار فى الثانية
الكاميرا السيلفى 13 ميجا بيكسل بفتحة عدسة F2.0 وبتدعم HDR وفلاش ليد و بتصور فيديو بدقة 1080p بمعدل التقاط 30 اطار فى الثانية
المعالج بيكون Snapdragon 660 بتكونلوجيا 14 نانو من شركة Qualcomm وده يعتبر معالج كويس ولكنه قديم و المعالج الرسومى بيكون Adreno 512
الموبايل فيه منه 3 نسخ
النسخة الأولى 64 جيجا بايت ذاكرة تخزين داخلية معا 6 جيجا بايت رام
النسخة التانية 64 جيجا بايت ذاكرة تخزين داخلية معا 4 جيجا بايت رام
النسخة الأخيرة 32 جيجا بايت ذاكرة تخزين داخلية معا 3 جيجابايت رام
البطارية بتيجى بسعة 5000 ميللى أمبير وديه سعة كبيرة ورهيبة جدا وحرفيا الموبايل مش هيحتاج يتشحن كل شوية وممكن تفضل شغالة لوقت طويل وكمان بتدعم الشحن السريع بقدر 10W و منفذ الشحن من نوع Micro USB 2.0
سعر الموبايل تقريبا 185 دولار يعنى حوالى 3200 جنيه
مميزات الموبايل
. يدعم مستشعر بصمة فى الضهر
. يوجد مدخل سماعات 3.5 ميللى ويدعم راديو FM
. يدعم تركيب شريحتين اتصال وكارت ميمورى لحد 512 جيجابايت
. سعة البطارية كبيرة جدا وممكن تشتغل لأكتر من يوم وبتدعم الشحن السريع
عيوب الموبايل
. جودة الشاشة ضعيفة
. المعالج قديم وكان لازم يبقى أحدث
. خامات التصنيع من البلاستيك اللى بيخلى الموبايل يفقد قيمته
بصراحة الموبايل كويس جدا وسعره مناسب ولكن كان هيبقى أفضل بكتير لو كان المعالج أقوى وكمان جودة الشاشة الضعيفة لو اتحسنت كان الموبايل ده بقى أفضل موبايل اتكلمنا عنه فى الفئة المتوسطة